بينما كنت سارحا في مباراة منتخب مصر مع منتخب زامبيا الاسبوع الماضي فاجأني أحد كبار الديوان بسؤال من تحت الحزام
.
شنو توقعاتك حق مجلس 2009؟
.
فأجبته بدون تفكير , مجلس 2009 راح يكون مثل اللي قبله و اللي قبل اللي قبله و اللي بعده
.
فَعَفَسَ سائلي وجهه و قال , أفأ , انت توِك شباب , شفيك متشائم؟
.
قلت له والله يا حجي مو متشائم , بس شوف المباراة جدامك
.
هالفريق ما يعرف يلعب الا خطة دفاعية وحدة و هي 10-0-0
.
.فبالتأكيد أن أي فريق يلعب جدامه راح يلعب هجوم 0-0-10 سواء كان مجلس 2008
.
.أو مجلس 2009
.
.أو حتى مجلس 2130
.
.طالعني الحجي بنظرة عتب و قال أنا اترخص
.
طبعا أنا تعومست و عافت نفسي اكمال المباراة
.
عطلة نهاية اسبوع سعيدة
.
و نتمنى التوفيق للفريقين
.
getlik wazroow me7amad ibrahim ;p
ReplyDeleteسولي بانر يحث على الحضور للانتخابات لو تكرمت
ReplyDeleteاطالب رئيس الحكومه القادم بتوزير محمد ابراهيم
ReplyDeleteبوزاره جديده تسمى وزارة الطواريء
ولا شرايك مطقوق ;p
واعليه تكدر مرة واحده
ReplyDelete!!
بس كلامك واقع
وتصويرك للحاله ذكي جدا
:)
صباح الخير
we can't give up
ReplyDeleteit's our responsibility not to give up
والمجلس الياي في لاعبين كبار ولعبوا بالمنتخب بعد مثل د. عبيد الشمري ود.حمود فليطح وأسامه حسين وخالد الشليمي ودكتور الفريق عبدالمجيد البناي شلون بتعامل معاهم الحكومة
ReplyDeleteالسلام عليكم
ReplyDeleteاتفق معاك بوسلمى على حالة المجالس الياية لكن مجلس 20130 ؟؟؟ جنها صعبها لان فيها اجيال من جيل واحد وان شاء الله اذا الله قدر لنا العمر راح انشوف التغيير :)))
خوش مباراة والمنتخب الزامبي يستحق التعادل
ReplyDeleteشفت قول زامبيا اللي بالراس
ذكرني بعنبر سعيد
وأنشودتنا في السابق .. هييه يا عنبر يا عنبر
وأتفق معك بعنف
مجلسنا القادم نفس الحالي نفس السابق
و
الله لا يغير علينا
This comment has been removed by the author.
ReplyDeleteتبي تحبط نفسك .. حبط
ReplyDeleteبس لا تحبط غيرك .. خصوصاً بهالحزة :)
ناقص هالصور جواد عاشور عشان يضبط اللعب
عبد الله معيوف وين راح يكون مكانه في الملعب ؟
ReplyDelete:)
ما ندري شنو طبيعة التغيير اللي راح يصير في الحكومة الياية، بس خل نتفاءل و نتوقع حكومة قوية قول و فعل.
ReplyDeleteلأن في الكثير من الاحيان الغلط في ضعف الحكومة
اعتقد ان خطة الهجوم التى اتبعها مجلس الامة 2008 والتى ادت الى هزيمة ساحقة للمجلس بتنيجة كبيرة جدا والفضل يعود فى هذه الهزيمة الى راس الحربة حركة حدس التى تحولت الى تسجيل اهداف فى مرماها عن طريق الخطاء فهى حاولت من خلال الاستجواب ان تسجل هدف فى مرمى الحكومة لكن الناس رفضت الاستجواب مما جعل الهدف فى مرمى المجلس
ReplyDeleteلست متفائلة
ReplyDeleteلكن طالما تريد أن تثبت نفسك أما أن تتحدى أو انتحر
:P
أختلف معاك .. المجلس القادم يختلف عن المجالس السابقة كونه راح ينحل أسرع منهم ويعتبر أسرع هدف قصدي اسرع مجلس ينحل بتاريخ الكويت
ReplyDeleteنواب سابقين وأشخاص عاديين يهددون رئيس وزراء قادم
شنو توقعاتك من هالمسخرة ؟
شنو مقدار الوعي السياسي اللي عن النواب أولا وعند الناس ثانيا
يا رجل صار همنا منو الريال اللي يعلي صوته ويقدر إييب راس شيخ من الاسرة
أصغر دولة بالعالم فيها أكبر مشاكل الدنيا
الشرهه عالجمهور اللي يشوف هالمباراة
ReplyDeleteمطقوق ..ما يصير جذي ..ما أعرف حف تفاصيل المباريات ...بس عموما النتيجه وحده ..بأن المجلس ده زي اللي قبله :)
ReplyDeleteالفريقين يبيلهم فيفا يسنعهم
ReplyDeletecreative انت
ReplyDeleteأمنياتك لك وللجميع بقضاء عطلة نهاية أسبوع سعيدة.. ومليئة بالراحة !!
ReplyDeleteآنا ليش أحب كل شي تكتبة ؟؟
ReplyDelete.............
نصيحة للناشط السياسي عبدالله بوفتين
على مدونة ماكو امل
http://makoamal.blogspot.com/
زين شنو التكتيك المتبع مع المجلس الياي برايك ؟؟
ReplyDeleteمان تو مان ؟؟
طقه ؟؟
كشف التسلل ؟؟
ولا بيستخدمون اسلوب رشوة الحكام اسوة بنظرائهم الايطاليين ؟؟
انه تشبيه غير موفق ،بان تشبه المجلس بمباره كره قدم ،وان شاء الله يكون المجلس القادم افضل من السابق ،من الواضح ان كل الناس فاقده للامل وروح الاحباط تسللت الى أفكار الشعب ،يجب عليكم ان تثقوا فى قياده سمو الامير حفظه الله ورعاه وان تتمثلوا لكلامه وهو سيقودنا الى بر الامان ..
ReplyDeleteHave fun :)
ReplyDeletei agree with the wise man ( THE OLD MAN JUST IN CASE UR EGO TELLS U OTHER WISE ;P)
ReplyDeleteعزيزي انا متفائله... خلك متفائل
ReplyDeleteيستاهلون اللي يصير فيهم
ReplyDeleteلا مدرب مثل العالم و لا لاعبين يردون الروح
ملينا
و بييهم يوم بيصفون كلهم على خط القول و بيي قولجي المجلس يقول عليهم
لاعبين ما يعرفون حتى تسكين الكره و لا يعرفون يباصون
فريق ما تعرف القولجي فيه من الدفاع من النص من الهجوم
و اللي حارني و مطلعني من طوري ما قام يلهيني لا بنك و لا سنيكرز و لا سنتوب
حنى باكيت زقايري قرب يخلص
دمت و الأهل و الأحبة برعاية الله
امممممممممممم
ReplyDeleteانا عرفت منهو القولجي اللي قاعد بروحه
:)
تهقه ليش اللعب دفاعي ؟ يمكن الملعب يزلق ؟ او مو متعودين على الثيل الصناعي ومايعرفون الا على الثيل الطبيعي !!
ReplyDeleteاسئلة محيرة !!
وتحياتي ..
ويسلموااااااااااااااااا :)
والله معاك حق اكيد مجلس 2009 ما راح يختلف عن مجلس المنحل والدليل ان الجماعة يبون يسون انتخابات فرعية في الجو واذا ما كو فايدة مو بعيدة يروحون يسونها خارج كوكب الارض أوحتى خارج مجرة درب التبانة يعني المكتوب مبين من عنوانه وعنوان المجلس القادم تأزيم وعدم تعاون بين السلطتين يعني ازمة جديدة وحل جديد ولكنه قد يكون غير دستوري هذه المرة والبركة بالربع اللي كلكم خابرينهم واللي تسببوا بحل المجلس الماضي
ReplyDeleteمفروض تقوله انت شرايك
ReplyDeleteعلشان اهو يزعل نفسه بدال ما انت اتزعله
يبيلهم المرعب حكومتنا .. :)
ReplyDeleteبس يمكن يبون يهجمون بالاطراف
ReplyDeleteنبي التوفيق للكويت
ReplyDeleteالـمـجـلـس يـبـيـلـه كـلاوديـو يـطـقـهـا كـعـب عـالـحـكـومـة .. :)
ReplyDeleteتـفـاءلـوا بـالـخـيـر تـجـدوه
الله يوفقكم فهالانتخابات و تطلعون بمجلس امة احسن من اللي قبله :)
ReplyDeleteههههه والله ضحكني تحليلك يبتها ييب:)سبحان الله الرياييل يحولون اي موضوع يا حق كرة او سيارات :)
ReplyDeleteانا بعرف اذا مرة يت تحلل شنو راح
تقول؟؟؟؟
بوست جميل...ولا يضيق خلقك الله يفرجها
بما ان الكل متفق على أهمية وجود المدرب الفذ محمد ابراهيم بتعليقاتهم ، وبما أني مثلك عرباوي عتيج :
ReplyDeleteأنا أرشح كرماني يدرب فريق الحكومة ، يمكن خطته تفلح معاهم ...