Tuesday, April 04, 2006

الخمر حرام – اهداء الى زورت*


نظرا لكثرة اللغط حول موضوع السماح للخمور في الكويت هذه الأيام فقد قررت الخوض في نظرة مستقبلية خيالية لوضع الكويت مع السماح بالبارات و الخمور

و بعد التفكير العميق وصلت الى قناعة بأن الوضع يجب أن يبقى كما هو و عدم السماح بالمشروب و البارات في الكويت للأسباب التالية

يا اخوان شكل البار بالكويت غلط, يعني البار حلاته بلندن او بنيويورك, تدش البار تشوف ويوه سمحة مثل جون و كارلا و كرستينا و فيكتوريا , أشكال لايقة عالبار و تزيد المتعة اثارة, مو ربعنا هني تدش البار تشوف فهد و خالد و مطلق و مزعل و باقر

بالله ما تقولي البار بالكويت شلون بيكون؟ ترفس الباب و تدش البار و تشوف الربع قاعدين سطرة كل واحد حاط شيشته و بطله جدامه, لابسين قحافيهم و قاطين اغترهم على جتوفهم ريحتهم عرق بهالصيف

تروح صوب البار و تنادي البارتندر العيمي عباسوه عطنا واحد ريد بالفلج رحم الله والديك

اييك البارتندر حواجبه صكه وحده يقولك لا والله مايصير تطلب بس بيره, لازم وياها وجبة عشان المنيموم تشارج و عشان راعي البار جعص و ما يفهم بالبزنز

طبعا ما راح يعجبك الوضع كونك انسان راعي مزاج و تبي تعدل مزاجك , فتقرر انك تروح بار آخر ربما يكون جوّه أفضل

أول ما توصل البار تلقاهم حاطين سيارة نيسان صني عند الباب يسوون عليها سحب كوبون واحد لكل عشرة دنانير. عند باب البار تلقى خمس حريم لابسين عبيهم و قاعدين مادين ايدهم لله يا محسنين؟

طبعا بتطنشهم و تدش البار و تتوجه مباشرتا الى البارتندر و تقوله واحد مارتيني الله لا يهينك, و انت تنطر طلبك يمر عليك بنغلاديشي بيده جنطه يفتحها جدامك و يقولك آمر تدلل؟ دي في دي؟ مسابيح؟ دهن عود حادرين للتيبين؟

و بعدين احنا شبابنا و اهم صاحيين ما يتحاجون عسى ما طاحت عينك بعينه قالك شفيك تخز؟ هالدور يكونون لاكينه و سكرانين بتروح البار تستانس و ترد بيتكم شايل ذنوبك و دشداشتك مشققة و مطقوق على صماخك بعجرة

لذلك اقول للأخوة الشريبه وسعوا صدركم و خلكم على حطتكم قزروها هوم ديليفري و الله ولي التوفيق
____________________________________________________
http://zort.blogspot.com*

22 comments:

Temetwir said...

اعتقد ان يبيلك البوست الي عقب هذا تتناول الموضوع بجدية

سالفة عباسو البارتندر يازتلي

ii said...

يعني انا ما كذبت ببوست قديم يوم كتبت عن الحواجب العريضه !!

عندك اسلوب حلو بتصور المواضيع
وياصبرك على الانونيموس

The Stallion said...

walla 5oosh post! Yibtha 9a7! ;o)

Anonymous said...

looool, eee 9a7 mo layeg :P

Shurouq said...

هذي اللي يسمونها نظرة مستقبلية ثاقبة؟

المشروبات الكحولية ما تشرب بالبارات فقط.. ممكن السماح بدخولها للفنادق والمطاعم والنوادي

آنا عندي تحفظات على هالموضوع لأسباب "أمنية" لها علاقة بالصحة الذهنية وسلامة الطريق.. بس يظل المنع جائرا خاصة وأن المستفيدين بالوضع الحالي استغلاليون لأقصى درجة ويبيلهم اللي يوقفهم عند حدهم

والا وين المشكلة ان الواحد يتغدي في مكان عام من السمك المحلي المشوي (شعم أو صبور) مع كأس من النبيذ الأبيض؟

Anonymous said...

I disagree with you kila ma6goog

Let's open the Pubs & night clubs & let people enjoy.
At least you can control it by rules & law…

Mo a7san men el qa3dat bel shalehat & el shqeq?

Bdon 7aseeeb wala raqeeeb & a lot of young people under age destroy their life there.


Nany

متفرغ said...

لووول و احنا في البحرين في ناس احتجت و مدت البوز شبرين لان الحكومة منعت تقديم الخمور في الفنادق في رمضان ... و يعطيك العافية على هالبوست :)

Mohammad Al-Yousifi said...

الشكر الجزيل للجميع على المشاركة

تمتور
والله كتبت عن السالفة بجدية و موجود عندي بس وايد طويل و ممل, يمكن أحطه قريبا بعد الاختصارات

سعلوة
لوول لست كاذبة بخصوص الحواجب و سالي مجرب

ليالي
حطيت باقر عشان لحد يقول البوست عنصري و يتغير الموضوع

ستالون
لو خوش بوست جان طلعتني الأول في انتخاباتكم, الله يسامحك

دافنشي
على طاري الضوابط باجر يقولولك اشرب بس لا تسكر, اسكر بس لا تستانس, استانس بس لا تعبر عن وناستك

أنونمس
:)

شروق
والله يا شروق الحاصل بالوقت الحالي ان معظم المشاريب موجودة و متوفرة لكن بسعر أغلى من برة, و اللي يشربون عندهم بالبيوت و يودون معاهم للمطاعم و الفنادق

أنا شخصيا قبل فترة كنت بالراية بمطعم الهمبورجر و كان فيه شباب لاكينه و حدهم سكارا و كانوا يصرخون و يضحكون بصوت عالي دون أي احترام لرواد المطعم

النظرة الثاقبة على قولتج هي أن الناس عبالهم السماح للمشروب سيجعل الوضع أرقى و أمتع

لكن في الحقيقة الناس الزقرت اللي يشرب بمسؤولية هم نسبة قليلة , الباقي معظمهم هيلق و مفجوعين بنشوف السكاره تارسين الشواريع و المخافر متروسة مشاكل , هذي توقعاتي

ناني
lool control my ass with all the respect!
have u seen anything controled in this country?
go to the shesha places and ull find alot of 13 -15 yrs old kids sitting there sheshing

going to private chalets and sheqeq is much better than legalising it , at least now its agains the law .

sorry for the ass part, i couldnt hold it:P

متفرغ
هذا موضوعي القادم انشاءالله

adorra said...

LOL
that was one funny post.

Anonymous said...

كلام جميل ... كلام معقول على قولة الإغنية بس فيه سؤال وجيه يطرح نفسه, ألا وهو:
إحنا ناقصين رب العالمين يخسف فينا؟
ولا ناقصين حوادث بالديرة؟
أو يمكن عيالنا ماشاالله عليهم ناقصين خراب؟
أنا أدري إن هذيلي أكثر من سؤال, لكن عندي بعد واحد:
إذا ربعنا هدفهم الإنفتاح وتحويل الأنظار من دبي للكويت, فتجربة دبي الناجحة ما كان أساسها مبني عال
Happy Hour
ولا أنا يتراوالي؟

nanonano said...

LooOOOoooL
هاهاهاهاهاهاهاهاها

الله يزيد النعمه...خلنا على طمام المرحوم أحسن

Mohammad Al-Yousifi said...

السلام و الشكر للجميع

أدورا
ثانك يو

الزين كله
تجربة دبي مع كل حبي و احترامي للامارات و حكامها و شعبها كان اساسها
happy ending not happy hour

زورت
حبيبي والله انت المشكور على تعليقاتك و التشجيع, شعليك حاط صورتك يم بنقلو 8

يمدحونه

نانو
أول شي مشكورة عالحضور و ثانيا أوافقك الراي

و الشكر الجزيل للجميع

Mother Courage said...

Kila ma6goog

انا تعليقي على الاكسنت مالت العيمي البارتندر

الحين هالاكسنت انقرضت حتى اخوانا العرب اللي منولدين بالكويت يتكلمون كويتي احسن منّا

Unknown said...

lol nice post and absolutly right, o la troo7 b3eed on how the bars would look like, just visit a pool cafe anywhere in salmiya o add alcohol to the mix. umm I'm not against drinking but I cannot bare picturing that bar scene.

temetwir.. this is as serious as it can get :P

Zaydoun said...

It's too late...

مثل ما قلت يا مطقوق ربعنا مفاجيع وتربوا على ان المشروب ممنوع وغالي ولو بتهد لهم الخيط والمخيط وتفتح بارات بتشوف الحوادث والهوشات والدم الى الركب... احنا بدون مشروب وماحنا خالصين

شوف الاخوان البحرينيين ما يهمهم ولا يهزهم المشروب لأنه طول عمره موجود، اللي يبي يشرب كيفه واللي ما يبي كيفه... ما تسمع اذا سافرت برة عن بحرينيين سكارى متهاوشين، دايماً يا كويتيين يا سعوديين.. الشعوب المحرومة اللي تستخف وتقط الحيا أول ما توصل بلد غريب

بس الحين مو بس ممنوع على خلق الله بالكويت، حتى السفارات صاكين عليهم مو مخلينهم يطلبون حق نفسهم وأعتقد هذه فيها مخالفة للأعراف الدولية والحصانة الدبلوماسية اذا ماني غلطان

Anonymous said...

why did you disgarde my post ??

Anonymous said...

قزروها ديلفري
والله ولي التفويق لووووووووووووووووول

انا اقول نبي بارات وشكراً

Mohammad Al-Yousifi said...

هاي ؤلل

مذر
رحم الله والديك مالنا خلق مشاكل يقولون عنصري و قبلي و طائفي

داش متأور
على قولتك احنا أماكن البلياردو و الانترنت و مو خالصين, هالدور بار رسمي شيفكنا من المشاكل


زيدون
مثل ما قلت خلاص, احنا ما ننفع حق هالانفتاح و الحرية, شعبنا مفجوع و مستحيل انك تسيطر عليه لا بالقوانين و لا غيره

و حق اللي من صج ما يتحمل و لازم يشرب أشوف ان الوضع ليس سيء فالمشروب متوفر و الحفلات الخاصة موجودة و اللي يحب يسويها مع شوية كلاس و ستايل يدزه دبي و بيروت و كل ديرة بالعالم ما عدى الكويت و السعودية و ايران


أنونمس
ما فهمتك حبيبي بس والله ما قللت من شان تعليقك بس ريحتني و حطيتلك سمايل

و هاذي قبلة اسلامية على خدك المبارك بسم الله :*


أحمداني دان داني
شوف احمداني انا محد مخوفني من فتح البارات الا انت و الناس المتحمسين اللي مثلك

يعني أتوقع أول ما يفتح البار يوم الأربعا الشباب طاقين الرصيف و صافين دور و مسوين تجمع جنهم أيام مكدينالد اللي عالبحر يوم بطّل 93 أو 95

و مغازل و تشفط و أذية و تحرش و هواش و خز و بلوتوث

و هات يا مشاكل

عموما أهديك بوسة أيضا اسوة بالأخ انونمس:*

و الشكر الجزيل للجميع و أنا في طور كتابة موضوع جدي آخر , و تعبت عليه وايد والله فالرجاء قرائته مجاملة عالأقل

AyyA said...

Nice post and very funny, but I have to disagree with you. Banning alcohol resulted in more consumption of drugs and that is far more dangerous to the new generation than alcohol. It is true though; when you allow alcohol you will have chaos, but this will be only in the beginning, ya3ni I would estimate around five or 7ata say ten years, but eventually things would settle down provided that laws which govern alcohol like drunk-drive is strictly applied.

Zaydoun said...

Ayya... it also serves as a population control tool. If they all die in car accidents we'd have less traffic!

that can only be a good thing

:-P

(kidding of course!)

Hazolat said...

Kila Ma6goog,

Damn you're funny man!

As for alcohol in Kuwait. I think that alcohol should not be permitted for health and safety reasons.

All over the world, where drinking is allowed and people know how and when to drink, and know their bodies and their reaction to alcohol, all these countries with all that awareness about alcohol are facing health problems caused by consuming too much alcohol, and the accidents caused by drinking and driving, let alone alcoholics.

Many of those countries are having campaigns against alcohol's dangerous side effects.

So I don't know about you but I think that alcohol in Kuwait would do more damage than enjoyment.

Mohammad Al-Yousifi said...

زورتوس
انت ملهمي

آيا
ما لازم نرقع الغلط بغلط ثاني و انا نظرية راح أكتب عنها انشاءالله

أنا شخصيا ما أستوعب المشروب و أعتقد الشرب وسيلة للهروب و الضعف و مو كول كلش

زيدون
:)

هازولت
بالضبط و هذه وجهة نظري الشرب و السكر شي غلط على المستوى الديني و الصحي و الاجتماعي

و طلب الناس ان يصرح به مثل طلب اللي يبون يطيحون القروض اللي قاعدين نتطنز عليهم 24 ساعة