Saturday, December 02, 2006

ON FIRE

بعد قيام منتدى الشبكة الليبرالية بالاعلان عن مسابقة أفضل مدونة لعام ألفين و سته و دخولي للتصفيات النهائية انتابتني حالة هستيرية من الوناسة و قمت أصرخ بوجه زوجتي " أنا أحسن بلوغر بالكويت , فاهمتني, أنا أحسن بلوغر!" طبعا رد زوجتي كان
لو فيك خير صير أحسن
أب لبنتك
أحسن زوج لزوجتك
أحسن ابن لعائلتك

و بالفعل قمت أفكر و أقول أحسن بلوغر و أنا حياتي على حافة الانهيار, شالفايدة
عيوني راحت
انذارات بالدوام
وزني زاد
بنتي تشوف سايقنا فاروق أكثر مني


لذلك و بدلا من الانسحاب من المسابقة و التفرغ لحياتي العائلية

قررت أن

أزيد النار حطب و لازم أفوز بالمسابقة

الله يعطيهم العافية على المساعدة

لكن, هل الحل فعلا بدفع العشرة آلاف؟

هل أصبحنا نعتمد على المبادرات الفردية لحل كل مشكلة؟

لا تعليق الصراحة

سؤال

هل الآسيوي اللي معاشه بالكاد يصك المئة دينار قادر على شراء و تأجير بانشيات؟

ما تقولولي أين الفخر في القبض على ثلاثين أو خمسين أو مئة آسيوي

طول ما الكفيل نايم بالعسل و لا أحد يحاسبه؟

عندك مصنع و ما عندك خطاط يكتبلك اللوحة بسبع دنانير؟


يا سلام عالتصريحات اللي تبرد الجبد

طيب يا مستشار يا أمني يا عنتر زمانك

دام انك بايعها و ناوي تسويها حرب اقليمية ليش ما طقيت الصدر و دشيت بجيشك؟

و الا بس شاطر تشيش و تدعمهم بالسلاح و المال و خلهم يحترقون؟

أنا من زمان أقول, لا تشارك الأهل بالشغل

أحلى شي ان المحامي يبتسم

طلاب الهيئة للتعليم التطبيقي

اخواني

مناشدتكم تفشل و اسلوبكم رايح فيها

منو حطكم ناطق رسمي باسم الهيئة عشان تحددون حاجتها الماسة و تطالبون باسمها ؟

و لك مني سيت سواطير موديل ألفين و سبعة

أشوه انك ليلحين ما طحت عالبلوغز

صراحة اعلان جذبني

مدفوع من بيت الزكاة

يفتخر بالأعمال الخيرية العظيمة للسيد بدر شيخان

و السؤال هو

شنو الرسالة التي يوصلها الاعلان؟

تبرع ببيت الزكاة و نسويلك دعاية؟

خوش صلة رحم

أهم شي ما يبون فلوس؟

موضوع يؤرقني من زمان

متى نحترف و نطلعلنا كم فلس من التدوين , خاصة بعد اعلان الأخ بدر الكويت الاعتزال

لأسباب مادية؟

http://www.secularkuwait.org/vb/showthread.php?p=194077&posted=1#post194077

31 comments:

iDip said...

اخترت لقب للرائد الشيخ مالك حمود المالك

Jack Bauer
الكويت

وان شاء الله يحوز على رضاه
==========

اش راح تسوي لنا اذا فزت؟

متفرغ said...

انشالله المركز الاول يكون من نصيبك تستاهل :)

KuwaitVoice said...

الرابط المؤلم جدا .. إعتزال بدر الكويت

http://www.secularkuwait.org/vb/showthread.
php?t=15381

خساره كبيره بأن يبتعد بدر ، أول من سيفرح بهذا الخبر هم سراق الكلمه ولصوصها .. أكثر من سيفتقد بدر هم أعضاء الشبكه اليبراليه :(

فبدر كان الأخ والأب والزميل والمعلم

نحن بإنتظارك يا بدر وبإنتظار حركة لنا صوت

الله يهداك كله مطقوق .. إنزين حط الرابط خل الناس تعرف شالسالفه :)


فيما يخص لقب افضل مدونة كويتية ..

طبعا انا اتمنالك الفوز من كل قلبي .. وانت تستحق اللقب عن جداره .. قمت بترشيح الزملاء في ساحة الصفاة وبوجيج وكله مطقوق .. فعلا اهم كانوا أجدر مدونين لسنة 2006 وكنت سأضيف مدونات زيدون وشروق وآيا .. لكن للأسف شروط الترشيح التي وضعها الزملاء في الشبكه الليبراليه كانت تقتصر فقط على ترشيح
3 مدونات ..

قمت بالتصويت صباح هذا اليوم ..

كان الإختيار صعب ، وصعب جدا ، فكل الأسماء التي وصلت للتنافس على اللقب تستحق الفوز ..

لكنني بالأخير صوت :)

نتمنى الفوز للجميع ونحيي الزميل الرائع الطارق ونتمنى له التوفيق الى جانب زملائه في ساحة الصفاة وكله مطقوق

ملاحظه : لن يستطع أحد بالتسجيل بالشبكه الليبراليه الكويتيه الى حين إنتهاء موعد التصويت ، كي لا يتم التلاعب بالنتيجه

blacklight said...

الغالي مطقوق صوتي لك بلا مناقشه ,للأسف أنا مكروه بالشبكه وماعندي لوبي هناك نفس صاحبي موزارت بس لا تحاتي أخليه يصوتلك اهو ولوبيه :P
keep the good work , even if u didnt win best blogger award u r the best in my eyes ;).

أبو جيج يدور نعاله said...

إذا ما فازت مدونتك راح أعفس الدنيا

lawyer said...

wooooooooooow

e7na fakhoren fik :))

فعلا شنو الي يخلينا من نفتح البلوجز
نشوووووف انت اشحاط تالي نكمل

كلنا ويااااكك
مطقوووووووووووووووق

جابل بيييييتك

بس هم لا تقصر



صج الرياييل ما يعرفون يسون اكثر من شي

احنا الحريم
بلوج
بيت
عيال
مسؤليه

هههههههههههههه

Arfana said...

alf mabrook man :-)

كلكم تستاهلون التصويت وايد صعب
:-)

tweety said...

الف مبروك

قولولولولولولولولولولولش

تستاهل كل خير على جهودك الحثيثة
حلوة حثيثة :p

عاد ما نوصيك نبي بعد النتيجة انشالله اتسوي لنا حفلة واتييب لنا وائل كفوري وفضل شاكر

بوصالح said...

الأخ كلا مطقوق .. كلامك حلو تعليقاتك أروع .. ودي والله لو تستلم أحمد الفهد و احمد اليوسف على الخفيف ... شرايك ؟

KQ8 said...

زين عاداذا فزت ان شاء الله شيبون يعطونك..ولا بيحطون لك بنر في موقعهم..مثل ماهم مبتلشين مو عارفين يحطون بنر كل يوم لهم سالفة لوول

===

اعجبتني سالفة البنغاليين اللي قابضين عليهم

..مو المشكله ان اللي يقوم بعملية القبض من طقة ولد عمك ولد قبيلتك..والكفيل يصير ولد عم هذول..يعني لاطبنا ولا غدا الشر

==

سالفة العشر آلاف..تبين ان مباحثنا..ماقدروا يوصلون حق المغتصب..واعتقد انه وبسبب التغطية الصحفية وقف نشاطه وإنحاش..وخلى القرعه ترعى

يعني..قادرين يصدون ارهابين في وقت قياسي..ومو قادرين يصيدون هالمصري...شسالفة

طائر بلا وطن said...

ههههههههههه زيدها حطب

تستاهل كل خير يا بوسلمى
نشيط و مجتهد و معطي من وقتك
و مدونتك حلوة و متنوعة
و الاهم انك انسان متواصل مع الكل و تسمع
للكل و هذه للأسف مو عند وايد ناس

يصير اصوت لك ؟ باصوت

:

أما عن الصور فاقترح على طلاّب الهيئة يعلقون
لافتات عند مداخل و مخارج المناطق

و في الشوارع

و يستعينون بأحد الفطاحلة ليكتب قصيدة
من عشرين بيت يوزعونها على الجرايد

لمياء الحالمة said...

بوسلمى

إن كان التدوين سيجعلك تتنازل عن الوقت الذي ستقضيه مع عائلتك, ولو بنسبة واحد بالمئة, فليذهب التدوين للجحيم

العائلة أولا واخيرا

Unknown said...

مبادرة فردية مرة ثانية
يا مطقوق الدولة دولة افراد هذا موضوع منتهين منه

التعليق الثاني
اذا تبى مفتاح علشان تنجح قولى اضبطك بالشبكة الليبرالية اذاكان اكو تصويت اترسلك وانيتات وكلكااات لى امس

التعليق الثالث
الله يهداه بدر شيخان ما سمع ان ناس كانت تعطي الصدقة باليمين ولا تعلم الشمال
لكن الله يجازيه خير

التعليق الرابع
عجبنى الoffer
مال المشجع بين الراتب تصدق اكو اشتراك art
والله فله وناسة اقعد بالملعب وصفق وجاى رايح راد وفوق هذا فلوس

Mohammad Al-Yousifi said...

السلام عليكم

آيدب
اذا فزت يا طويل العمر بسويلكم شي ما صار و لا استوى

لقاء اسبوعي مع رئيس الوزراء
بلوغر لكل دائرة حكومية بدرجة وكيل
بينشن فاند للمدونين المتقاعدين
بيوت حكومة سوبر ديلوكس في مدينة الحرير لكل مدون

و الباجي لي فزنا انشاءالله

متفرغ
حسافة ما عندنا بالتزكية مثلكم:)

فويس
والله الساحة و الطارق هم حبايبنا و بالفعل لي فازوا سأكون فرحان لهم أيضا, يستاهلون

اسأل ربعك بالشبكة شنو الجائزة؟
اذا مادية ابيها , بس اذا معنوية ما ابيها
لول

بلاك
بعد جبدي والله بلاكي, انا مشكلتي ان كل المتمردين ربعي

ابا جيج
اذا ما فزت بقدم طعن في النتيجة مثل ما سوه باسل الراشد

تعالوا شصار عليه؟

لوير
في حل ثاني و هو ان اشتري لاب توبات حق سلمى و امها و احطلهم بلوغات و يصيرون مدمنين مثلي

أرفانه
ادري وايد صعب , عيل شحقة مناديكم و طالب فزعتكم؟

تويتي
وائل كفوري و فضل شاكر صعبة

أييبلكم كرامة مرسال و احمد فتحي شرايج؟

بو صالح
استلمهم على شنو؟ مساكين واحد مختفي و الثاني توه فايزين على فلسطين و مستانس من المنتخب الاولمبي, ماقدر اطب فيه الى اجل مسمى

كراكوتا
اخوي الارهابيين يصيدونهم بيوم و ليلة لأنهم معروفين و صارلهم سنين يراقبونهم و يراقبون كل تحركاتهم بس ربعنا ما يتجرؤون عليهم الا بعد ما يطيح الفاس بالراس

و هذا مغتصب اليهال ما ينصاد الا اذا احد من ربعه فتّن عليه, شلون بيعرفونه؟ لا عندهم اسمه و لا شكله و الصعايدة تارسين حولي

طائر
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=224030

هذا الرابط اهديه لطلبة التطبيقي

و ما قصرت يا حلو

لمياء
ترى اللي كاتبه غشمرة, عيوني مسويلها ليزك و وزني حمدالله نزلت خمسة كيلو و بنتي هم حمداله مجابلها

بس كنت بكسر خاطركم للتصويت

مشاري
مسكين القبقب راحت عليه

روح شوفه يبيع مسابيح و ساعات مختربة بالديرة

دكتورة
آمين يا دكتورة

أوركل
قطونا على صخر و انا مو مزهب عمري و ما اشتغلت عليهم من قبل

حتى انا مو مسجل

نشوفكم اليوم انشاءالله في فندق حياة ريجنسي لمشاهدة فيلم عندما يتكلم الشعب الجزء الثاني للمخرج عامر زهير

الساعة سبع تبدي الاحتفال و نتوقع الفلم على الساعة ثمان

بحضور السعدون و الخطيب و كم كبير من الشخصيات

wonders.me said...

والله السالفة ما تسوة

لا تشبيه بينك وبين الساحة
لك أسلوب يجذب ولهم تعليقاتهم

والله يعطيك العافية

Kasik Ya Watan said...

الله يوفقك ... تستاهل كل خير إنشالله

... وكاسك

White Wings said...

وزارة الاعلام يتبعهم، بالخفاء، محل باجة، لذلك تشلع العيون وتقصص الأصابع
اللهم قد بلغت، ديروا بالكم
وانت أحسن مطقوق على البلوق الكويتي، أنا أشهد

Shurouq said...

كله مطقوق
تستاهل المركز الأول وفوقه بطلين فيمتو هدية
مواضيعك الأخيرة روعة.. وتعليقاتك على قصاصات الجرايد أروع

شفت فيلم عامر الزهير والا لأ؟
آنا انشغلت وما قدرت أروح :(

Shurouq said...

Oh, and KuwaitVoice,
Thank you very much :) أخجلتم تواضعنا

آنا ما أقايش يم الأسامي المرشحة

bo9ali7 said...

اخذها مني
انت الاول

Kwaitiyya said...

تستاهل كل خير
انت الأول انشالله
ومدونتك من المدونات اللي لازم نمر عليها ن الصبح

موفق انشالله ومنها للأعلى
بس لازم تراعي بيتك
أهلك أولى

بالتوفيق

الأجنحة المتكسرة said...

عندك مصنع و ما عندك خطاط يكتبلك اللوحة بسبع دنانير؟

LooooooooooL

كله مطقوق شدراك لا يكون مجرب :p


بالتوفيق وإن شاء الله تكون الأول في كل شيء

Maximilian said...

salaaaaaam 7jii

difinetly my vote is for u :)

u deserve it man

Mother Courage said...

Mabrook in advance!

um-miT3ib said...

zooR BLogna , feee Shai 7aggiKk ;p

Doctor said...

بوسلمى
والله من اول يوم ترشيح وانا شقال مسجات حق الربع علشان يذكرون اسم مدونتك لانك بالفعل تستاهل ويوم عرفت انه تم الاخذ بغالبية الاصوات وظهرت اسم مدونتك من بين ثلاث مدونات هم اشتغلت مرة ثانية مسجات حق الربع
والله تستاهل صج تعبت على مدونتك وتستاهل الفوز
باذن الله انت الاول من دون منازع
وهيهات منا الذلة
تذكرها :)

Alia said...

ان شاءالله فايز ...الصراحة موضوعاتك تتعب اللي يقراها .. الله يعين اللي يكتبها .. يعطيك العافية

وآنا أقول سلمى مسيرها تكبر وتفهم .. خصوصا لما تراويها الجائزة .. عاد إنت خش لك أي شي وقول لها هذي جائزتي

أما المدام .. فقوللها قاعد أكون روحي واشتغل عشان اضمن مستقبلنا

وبالتوفيق

وعلى فكرة إمبلى طايح على البلوغز ..دير بالك لا تلعب بالنار تحرق - تقطع - صابيعك

Mohammad Al-Yousifi said...

السلام عليكم

ووندر
انا هم قلت جذي
انا لا اقارن بالساحة , فهم اصبحوا اليوم مصدر أساسي للأخبار التي لا تنشر بالجرائد و خاصة وقت الأزمات

انا مدون على باب الله

كاسك
cheers mate

وايت
i am thinking of changing the name of the blog?

do u think the funny/silly name is downgrading or upgrading the blog?

شروق
والله شفت الفلم من نصه و عندي الكثير من الملاحظات اللي ودي اكتبها للاستاز عامر

و التجمع صراحة كان شوي بارد , يمكن لأني ما اعرف الكثير من الموجودين

حمادينو
بييبلك عشا من مكدونلدز عناد

لول

لا انشاءالله انزلكم عشا غوزي و مشاوي من اللي نفسك بيه

بوصالح
من بأك لباب السما

كتي
لا توصين حريص
:)

كويتية
انشاءالله:)

الأجنحة
مو معاي حق؟

كيوت
ثانك يو

مذر
راح ننطر لين آخر صندوق:)

أم مدعاب
كوكاو

دكتور
اذكرها جيدا

ندوة النيباري يوم قالوا بيحولونها للمحكمة الدستورية

عاليا
لوول

عجيبين القائمين على الاعلام بالكويت

نو ووندر مستوى اعلامنا مكسر الدنيا و كاسر سوق القنوات الفضائية

فيزوقراطي said...

مبـــــــــــروك

عاد اتصدق لو يسون مسابقة أحلى بلوغر هم انت اللي راح تفوز .. ولو يسون مسابقة أقوى بلوغر هم راح تكون انت ..

بعد عاد سالفة احسن زوج وابو وابن مادري .. نتركها للجنة التحكيم :)

ويالله نبي نشوفك من زمان ما قعدنا معاك

Mozart said...

بعد التشاور مع وجهاء القبيله قررنا اعطاء صوتن عور للبلوقر كله مطقوق

تستاهل يا زميلنها

keep up the good work

neelaah said...

صوت مقطوع
واعتقد صندوق الحريم مصوقر