Friday, May 11, 2007

تزندقنا و قعدنا

ما كنت متشجع وايد لنشر هذا الموضوع بسبب عدم الاقبال على موضوعي السابق و حسيت بوجود فجوة بيني و بين المعلقين, ما أدري شنو السبب؟
***
المهم قررت أحط هالبوست كطعم راح أعرف منه سبب هذه الفجوة فكونوا حذرين بالتعليق ترى كل كلمة محسوبة
*** أتوقع من بعد هذا القرار الصحف الاعلانية كلها بتسكر
عاشت وزارة الاعلام و سياسة
دس السم في العسل
هل تعتقدون أن المعلنين سيتجهون الى عالم المدونات كبديل؟

خبر عجيب غريب ليلحين مو مصدق عيوني
شنو يعني فريق سري لرصد طريقة رفع العلم؟
أول شي شنو الطريقة الصحيحة لرفع العلم؟
ثاني شي ليش الفريق سري؟
ليش ما يكون فريق علني و اذا شافوا الغلط يجون يعدلونه؟
ثالث شي هل أعضاء الفريق يستلمون معاشات؟
اذا في معاشات ترى انا أنفع حق الرصد السري
بس اذا صدنا علم مرفوع غلط شنسوي و شنو عقوبته؟
اعدام؟

التصريحات العسكرية هي أكثر شي يعكر مزاجي هالأيام

ما أدري وزرائنا و وزيراتنا شنو يتريقون؟

شنو ممكن تكون ماكل قبل هالتصريح؟

باجة؟ فول؟ بيكن؟

يا جماعة تصريح يبيله جرأة

الفين و سبعة , القضاء على ظاهرة التمارض

والله شكلها بألفين و سبعة القضاء على ظاهرة وزيرة اسمها معصومة

استفتاء نتيجته مرعبة و هي

تأييد 83% للرقابة على الكتب

***

أنا راضي بهالنتيجة بس كان ودي الأخ اللي قام

مشكورا بعمل الاستبيان يسأل من يريد رأيه

ان كان يقرأ بالأساس أو لا؟

رقابة عمى بعينكم انشاءالله

قد تكون انسان مثقف و متعلم

قد تكون انسان خلوق و تحترم الناس

قد تكون انسان طيب و ملتزم بمسؤولياتك

قد تكون انسان صاحب انجازات مشرفة

كل هذا لا يهم

غلطة واحدة

في لحظة غضب واحدة

لدقيقة واحدة

كفيلة بأن تفضحك الجرايد و تسويك علج بحلوج الناس

و تتحول الى انسان تلخصت حياته كلها بعنوان من هالعناوين

شيخ الاسلام و امام الوسطية

عبدالرحمن عبد الخالق

الله يكثر من امثالك يا شيخ

فعلا أثلجت صدورنا بانتصارك لدين محمد - ص

و ردك كيد الأعداء الى نحورهم غير مأسوف عليهم

خصوصا الزنادقة اللي يسلمون على الكلاب و الخنازير النجسة

أقول شيخنا

شرايك بابن لادن و 11 سبتمبر؟

برّد جبدي



41 comments:

كويتي said...

الظاهر اللى مسوي هالقرار .. بطل الجريده الصبح و قعد ينقي اعلانات الجريده كلها .. ما خلى شي

..............................

مادري شسالفتهم (عيايز الأسرة) كل يوم طالعتلنا وحده ومسويتلها لجنه ولا جمعيه ولا تجمع ...
وحده تظبط الأعلام .. والثانيه تصيد عبده الشيطان .. شهالفراغه
بس اي والله .. ليش الفريق سري ؟؟

...............................

خنت حيلي معصومه .. جابلي العلاج بالخارج أول
منو اللي قاعد على يمينها .. لا يكون اللي ببالي

...............................

والله هالناس ما تدري شالسالفه .. يدورون الأجر من ورا هالسوالف .. تلقى واحد صايع و سرسري ويقولك لازم نسوي رقابه .. حسباله بيرضي ربه جذي ؟!!؟

...............................

انا شاك ان (عبدالرزاق النجار) اهو اللي قاعد يطق الاوادم .. ما بقى هوشه بالديره الا و كاتب عنها !!؟

...............................

مو حرام .. هالمخدي يجابلنا كل يوم بتلفزيون الكويت .. ويعطونه نص صفحه بالجرايد .. مالت على هالديره

اي والله تزندقنا وقعدنا

ButterFlier said...

7abeeebi ma6gooog

law et7e6 soorat tweety haman ba7e6 comment ;p

love u man

Unknown said...

واضح أن المقالة المنشورة بجريدة الفتن تمثل جزء من حملة (السلف و حدس )المعدة لأستجواب وزير العدل و الاوقاف . وجريدة القبس قاعدة تفضح تحركاتهم هالايام . وأما عبدالرحمن عبدالخالق وهو كبيرهم الذي علمهم السحر فهو مصري الجنسية متزوج من أخت رئيس جمعية الأصلاح السابق ! وعلاقته قويه بفهد الخنة ! وهو نموذج لكل متسلق أتخذ من الدين وظيفة للحصول على مكاسب دنيويه بغض النظر عن الحلال أو الحرام

أبو إسحق said...

الخبر الاول : و ليش ما تحاولون تمنعون الاعلانات اللي تارسه الشوارع اول و بعدين تتفرغون للي في الجرايد؟!

الخبر الثاني : يبيلهم ((جيمس بندق)) على قولت العيال كبرت

الخبر الثالث : خلصت الظواهر ؟!

الخبر الرابع : القطو ما يحب الا خناقه ... و ربعنا مالهم خلق يفكرون شنو اللي يصلح لهم و اللي ما يصلح لهم ...الحكومه ابخص عندهم

الخبر الخامس : الصبح تقرا الخبر بالجريده و بليل تعرف الاسامي يا من الديوانيه او من حريمنا

الخبر السادس : عفيه قلب متحمل هالكره بل بل بل

تشكرات

LiL ALiEN said...

بدر الحميضي بالمستشفى
تتوقع من دعاوي المديونين؟

queenB said...

kila ma6goog ,what ilike about u always judge urself before anyone judge u..and the best u know where did mistake i don`t know if u borned this way or learned that from american!!anyway the most what i like undercover team just to see how they hang flag!!!those undercover from FBI,or CIA.if for flag they hired undercover to say our opinion loud what will hire.!!!!!!

ناصر الكويت said...

ليش عنصري في مواضيعك الأخيره يا محمد افندي

لازم ابو عمامه ورديه علشان مانقول عنصري

Mohammad Al-Yousifi said...

السلام

ملؤوف
ايه اللي في بالك, عشان جذي تصريحها ناري

بترفليير
i wrote about tweety!
http://kilama6goog.blogspot.com/2005/09/blog-post.html

oracle
بس ماشاءالله عليه , ويهه مريح و كلامه مقنع

لول

بو اسحق
انا مو ضد حملة الاعتناء بالعلم كونه رمز الدولة , بس شكو الفريق سري ؟ ليش ما يكون فريق علني يمشي و يوزع اعلام عاليهال و الشباب و يوريهم شلون يحافظون عليه

العقلية البوليسية منتشرة هالأيام

ليل ألين
stick to the subject please, i was commenting on the MOI entry not al humaiظy

queen
imagin news papers the next day, A MIDLLE AGE WHITE FEMALE WAS COUGHT HANGING A DIRTY FLAG ON HER CAR

lol

ناصر الحلو
انا من زمان عنصري بس انت استيعابك بطيء

ButterFlier said...

eheheh etsadig enik qawi o wallah enik katib kebeer teswa shewarib alf daynasoor lamaaa al7een yaktib bel jarayed elma3fna malatna :)

BlogLess said...

أنا معاك في استبيان القبس الغبي

بصراحة عندي إحساس واحساسي عمره ما خاب

الجماعة في مركز معلومات القبس يحبون التأليف

والنسب الموجودة وهمية

والعينات أشباح أشخاص

خل يستريحون بس

AseeL said...

مشالله عليك زحمة بوستاتك
هذا هو سببي الوجيه لعدم التعليق منذ حقبة من الزمن

Unknown said...

انا اتمنى ان يتجه الاعلان حق المدونات عشان نترسمل شوي :)

اما عن الفريق السري فانا اتوقع ان اهمه تعودوا على هذه الطريقه والتجسس والمنع


وعن معصومه فانا متفائل فيها ارجو ان لا انخذل


واما عن الرقابه للكتب فانا اتوقع ان وليد الطبطبائي قاعد يصوت ويسوي رفرش ويصوت مره ثانيه لان من غير المنطقي ان انسان يريد فرظ رقابه وخاصه على الكتب

Almas said...

في ناس ماعندها شغل غير الناس

بمعنى إنهم فاضين

لأن الصحفي إلي يركض ويلهث وراء أخبار الناس المأساوية فاضي وفاشل

أصلا عيب عليهم .. التشهير بالناس ونشر خصوصيتها على عالملأ .. حتى لو كان بدون ذكر أسماء .. ولو .. هم الشغلة موشي

بوست مخلط .. خوش خلطة

الحارث بن همّام said...

لوووووووول .. اي والله شكو سرّي ؟؟ أخاف صج بس ؟؟:)

تسلم مطقوق على هاللفتات الجميلة

بومريوم said...

تغيرت عقب الشهرة و قمت تزف الزوار:)
ما أرضى على اللين ترى

ليل ألين
stick to the subject please, i was commenting on the MOI entry not al humaiظy

Mohammad Al-Yousifi said...

السلام

بترفليير
زوجتي صارلها اسبوع كل ما اشوفها تقولي من هذي بتر فليير و شكو تقولك آي لوف يو و انا احاول اقنعها انك ريال و مو بنت

أشوه توها اقتنعت

بلوجليس
أو انهم رايحين ندوة ثوابت الأمة و مسوين الاستبيان هناك

أسيل
تبين مسافط خاصة للسيدات؟

حمودي
الموضوع فعلا مصيبة و مو بسيط, 83% نسبة ساحقة لا بد الموضوع فيه انّ

الماس
انا مو قاعد اطب بالكاتب و لا الجريدة لكن بس كنت افكر ان هالأخبار أسخف من انها تنحط بالجرايد

يعني ريال متهاوش ويا زوجته مو خبر ينحط بالجريدة

الحارث
أهلا بك صديقنا الجديد

بو مريوم
والله ما زفيته بس الأخ طنش الموضوع و قاضب الحميضي و بعدين انت شوف اهو و ربعه شيسوون فيني لمن أعلق عنده

حاطله ثلاثة من عيال رميثية قاعدين و يتشمتون باللي اكو و اللي ماكو مو مخلين احد بحاله ضغاط بالكل

و اذا زعل الألين اقوله يبا سوري و هاك بوسة على طربوشه

Unknown said...

اولا انا ضد الرقابة على الكتب

ثاني شى شفيهم شبو على الاعلانات ما يبون الناس تبيع ؟
بعدين الله يهداك اللى يتيريق جذى الله يعين الفراش اللى بالمكتب

يا سفن اب يا بييريه

وهالمعصومة ابتلشت بهالاوادم اللى عندنا

وبعدين الصراحة الجرايد على اخبار جرايم مصخرة

بنغالى يحشر --- فى بطل

شتقول بالله انا شكو فيه اهو اثول انا ابتلش؟

عبدالخالق
قعدت اقرى الصفحة يا كثر ما فيها كلمة زنديق
ما ادرى ولا افقه باللى قاله بس احس كان ممكن يستخدم مفردات احسن

LiL ALiEN said...

انا مو زعلان .. والله انا مسكين مو مترقع

على فكره مطقوق انت بأي مسيد تصلي؟
قولي خل ايي اطر عند بابه .. يقولون المشاهير يقطون فلوس بالهبل

بعدين منو من عيال الرميثيه؟ وينهم؟ عجبتني بودي قاردات الرميثيه

KQ8 said...

لحد الان عقلية خش ولا إتطلع وقفل ولا تبطل وسكر ولا تفتح معششة ومعفنه في روس بعض المسؤولين..وبعضهم ما الومهم كون اي تصريح انفتاحي سيسبب بإنهيا شلال النعوت الغير سنعه من اعضاء مجلس القبائل الذي اصبح يشرع لنا ويمنحنا صكوك الممنوع والمسموح
==
يبا هاذي امثال فاضية مثلها مثل اوراد مثلها مثل البواب مالت مجمع صباح السالم ..هذول نموذج من بنات الاسرة للاسف..مفترة مخوخهم وماعندهم شي يسوونه وقاعدين يسون نفسهم اضحوكة
==
انا احساسي مثلك معصومة مشروع تأزيم قادم..مع اني من الاشخاص اللي ما احب المتمارضين واعتقد ان هالظاهره مصخت..لكن..فيه طرق اخرى لحل الموضوع
==
شوف العينه اللي حاطين عليها الاستبيان وانت تعرف اذا الاستبيان وفرضيته صحيحة ولا لا
==

mtfa2el said...

الله يهداك مقالتك يبيلها دراسة بروحها عشان ادزلي تعليق سنع !!
تدري شلون ماني معلق الا على ام البنجابي و عمة راعي النظارات السود اللي يفر بالخالدية على قولة بو عبد العزيز أحمد السعدون
أمثال الأحمد !!
الظاهر وايد تشوفين برزن بريك !!!
أقول استريحي بس قالت فريق سري قالت !!

بومريوم said...

ما تدرى ان مدونة الاليين مدعومة من بورمية؟

متفرغ said...

يالزين التفاؤل زيناه .... بتقضي على التمارض في سنة وحدة و ما باقي من هالسنة الا النص .... ننطر و نشوف يمكن تصدق :)

wakee7 said...

تعليقاتك بدت تصير عنيفه مطقوق - الظاهر عقب الشهرة - خاصة عقب ما قريت تعليقك بساحة الصفاة واستخدام مفردات مو عادتك تستخدمها مثل (يا ثور) لا مو عادتك

Mohammad Al-Yousifi said...

السلام

مشاري
الشهادة لله اني من أشد محبين معصومة المبارك و اتمنى لها مواصلة المشوار السياسي و القيادي

يمكن البعض حاس اني حاط عليها بس والله ماكو شي مجرد ان بط جبدي تصريحها

ألين
أصلي بمسيد شعبان

لوول

و ربعك اللي ذاك اليوم ضغطني بالانونمس تدري منو

كراكوتا
عندي نظرية طويلة بسالفة تعاقب الأجيال و كيف ان كل جيل يكون عكس اللي قبله و المشكلة ان من الاكستريم الى الاكستريم

اكستريم مو آيسكريم

متفائل
ياخي ادرس الموضوع أكثر و لا تعلق على شي يوهقنا, علق عالنهام وخر عن الشيوخ

بو مريوم
انا سامع ان ليل الين موقع عقد احتكار مع فلاش تي في و ان بينه و بين السلمان مشاكل

و لذلك لو تلاحظ بالفترة الاخيرة فناة فلاش مستواها نازل و السلمان صاير اهو المخرج و اهو الممثل و اهو اللي يسوي الدعايات و اهو المشاهد و اهو الناقد

كله من الين, يقال و العهدة على الراوي ان الخلاف يتلخص بثلاثة و عشرين دينار و كرتون كيك ساراليك

متفرغ
عشون عيل

wakee7 said...

لاحوول
مطقوق لقيت لك تعليق عنيف ثاني - شفيك - عند بومريوم تقول فيه : عندي قناعة قديمة بأن كل من (يضرط) بسوال الأصل....
نو نو واتز ذات ؟؟
كم داون هني
:)

Anonymous said...

بدعــت يا مطقوق في معصومة و السمبوسة...
مو أول مرة تطلع علينا معصومة 1985 في مثل هذه التصريحات المضحكة
------
إستفتاء ال80% للرقابة على الكتب و المطبوعات شوف وين سووه..
إذا عرف السبب بطل العجب.!!
------
يا مطقوق بصريح العبارة..
صحافتنا أصبحت مهزلـة بسبب هؤلاء
أعرف الكثير من المحررين شخصيا..وأثار دهشتي
مستواهم اللغوي في الكتابة و القراءة
طبــعا المبدأ و الفكر حدث ولا حرج
لاندعي الكمـــال بس
ما يكتب في الصحافة لايرقى لأن يكتب
في غرف التشات و المحادثة من بذاءة
ولنــا بكبيرهم.."فــؤاد الهــاشم"
أوصخ مثــال !

barrak said...

اولا شنو معطيات الاقبال عندك

يعني البوست اللي فات كان عدد المعلقين مااشفوا غليلك
بس فيه كثرهم واكثر منهم يقرون الجرايد ويفكرون مطقوق شبيقول

Mohammad Al-Yousifi said...

السلام

وكيح
شوف قلبي انا عندي ثلاث مستويات

مستوى أكتب فيه البوستات و عادة اكون فيه جدا متحفظ

مستوى أكتب فيه العليقات بالبلوج هني و أكون فيه شوي فاتحها بس مو عالآخر

و مستوى اللي أعلق فيه على بوستات الربع في باجي المدونات و اكون فيه ماخذ راحتي

بس اللي ما توقعته ان واحد بيروح يصيّد علي هناك و ايي يحطها هني

و بعدين كلمة ثور ما كانت مباشرة حق شخص معين و كلمة يضرط من عاداتنا و تقاليدنا الأصيلة بالكويت و معناتها يتفلسف

عتيج
اي والله اي والله اي والله

براك
انا هم اكتب و اتخيل نوعية التعليقات , يعني وانا احط عن شغلة متخيل بالضبط منو راح يستانس و منو راح تنبط جبده و منو راح يسبني

فأنصدم لمن اشوف ماكو ري أكشن

Mother Courage said...

kila ma6goog!!

ما أصدق؟ آسفة بس التعليقات على هالموضوع أقوى من الموضوع

التعليق اللي كتبتة بمدونة ثانية, قديم؟ قوية قوية

;-p

AuThoress said...

مطقــــــــوق :

رقابة الكتب،ما أستبعد ولا أكذّب ان النسبة صحيحة، شفيك يا أخي، ترى العالم بالكويت مفترة روسها، كلهم مجلبين بالدين، يعني "ميزة" وعبالهم "زين" وانه من مميزات البني آدم هاليومين،، انت ما سمعت عن وحدة من الصديقات جاي يخطبها شخص ما، تقول لها والدته : اسم الله عليه يصوم الست؟؟

فــ نسبة الموافقين ع الرقابة ع الكتب واردة جدا، في مجتمع صار تلفزيونه "الرسمي" يذيع ويعرض أناشيد على سبيل الترفيه،قبيل وبعيد النشرات والإعلانات،شي يمجّد الحجاب وآخر الوسطية...بس محّد يعلّم احد، ان الوطن غالي جدا ويستحق التضحية، وان الاجيال لما تتثقف تصحّ الامة وتنمو بعقولها، مو بسجّادتهاومسبحتها وتنظيرها الكلامي باسم الدين

جميل ما طرحت يا مطقوق

Almas said...

عاوزبن فرفشة والنبي

Actions

N said...

KM,
الخبر مصدره كويت نيوز
وكذلك كونا :)

ButterFlier said...

ma6goog shrayek eb jareeedaat el wasa6 ?

ButterFlier said...

goool 7aag almadaam rayaal o jaikar ba3ad ;p

What Will Be , Will Be .. said...

اي والله ليش سري ؟؟؟

اتهقى عادي نرفع العلم من دريشةالسياره ؟؟ وإلا لازم من التنته ؟؟؟

Mohammad Al-Yousifi said...

السلام

مذر
ما فهمت؟ عن شنو تتكلمين؟

الكاتبة
عجيبة سالفة الأناشيد

شخصيا أستمتع فيها بس عاد مو بتلفزيون الكويت!

الماس
ياي ياي

وقار
عن شنو تتكلم؟

بترفلير
يا حسافة :)

وات ويل بي
تبينها شرعيا و الا قانونيا؟

N said...

KM,
عن السؤال اللي طرحته ببلوقي

ButterFlier said...

ma6goog

desh jibla o es7aab el invite maal 7amalat laaaiih meeeta ??

yestahloon alshabaab tara o adri ent ma etkhalee

Alia said...

تتحلطم عشان الكومنتس ما وصلوا 30
ترى البلوغرز قاعد يزيدون بشكل خرافي وعلى هالأساس الكومنتس قاعد تقل
يعني إحمد ربك .. غيرك ما يحصل 10
يعني لا تحط اللوم على نفسك


بس هذا ما يمنع انك زنديق وامبريالي بعد

Unknown said...

أحسن جريدة هالايام جريدة الوسط

والسبب أنها توزع مجانا لمشتركي القبس

nickname said...

بو سلمى

أنا بطلت قراءة جرايد من يوم تعرفت على بلوقك

ف ليش كسرت فيني و بطلت تكتب يومياً