Saturday, July 21, 2007

نفتتحها بخير

الأفلام المصرية تشوه اللهجة اللبنانية؟
.
سؤال يطرح نفسه
.
شنو العدل باللهجة اللبنانية اللي ممكن انه يتشوه؟
.
و هم بدنا الحئيئا , مين أتل رفيئ الحريري؟

جماعتنا الشيعة

.

وين ما يروحون يتحلطمون أن الحكومة ما تسمح لهم يبنون مسايد و حسينيات

.

و ان عطوهم اترسوا الجرايد بمشاكلهم

.

هوشات و نجرة و محاكم و مظاهرات و مناشدات و فتاوي على منو

.

يرمم المسيد؟

رجال المباحث الفحول
.
عنتر زمانه و رامبو مكانه على
.
الهنود و البنغلاديشيين و الفلبن
.
بس في أمه خير يحط صورته و هو يصيد ساس البلا و المجرم الصجي
.
الكفيل الكويتي

الملحن الشاب - حده شاب - فهد الناصر

.

طاق أبر تلحين

.

بايقين منه 300 لحن

.

السؤال , حتى بتهوفن و أنور عبدالله ما عندهم 300 لحن

.

شكله عقب كل صلاة يعطيك لحن

هذي آخرتها

.

تصويت سخيف

على هوشة سخيفة

بين أثنين سخيفين

بسبب تصريحات سخيفة

على قضية سخيفة

و تنحط

على الصفحة الاولى

.

بجريدة سخيفة

لاحظوا ان المصافط فاضية

.

و لاحظوا ان الحمار خايف على سيارته و صافط عوي

.

انشاءالله تندعم

قول انك تييب حلويات بالطيارة عالطلب

.

ليش اللف و الدوران و اسلوب التشويق و الاثارة

.

أكيد و طبعا و ودكم

.

عطنا واحد زلاميطو على حساب ليل ألين

أعترف ان الأخ العزيز عاجل سبقني
.
بالتعليق على هالموضوع
.
بس ما قدرت أقاوم
.
عموما لحد يزعل ترى الموزوع غشمرة
.
مالنا خلق يطلعلنا خضير عقلة و شحومي و يسبونا بالمجلس

44 comments:

ButterFlier said...

إستفتاء الوطن تافه و ماعنده سالفه

و على طاري السفر
العموم سوريا شطاري ولا ديرة بدو؟

خوش بوست يا أمر

LiL ALiEN said...

زلاطيمو يسوي غازات

وبعدين تعال صج .. شسالفة؟ لاري وعدنان شعندهم بألبانيا؟

وبالنسبه حق تعليم "الهوو إز" خل امرك على يوم مكتبك بسوق المناخ وهناك ان شاء الله اعلمك خطوه بخطوه

hamdool said...

أول شي لأنها لهجه لبنانيه
منا لغه عربيي

وتوني من يومين رحت فيلم مطب
صناعي وحاطين يعني تاجر لبناني الياهل يعرف يتحجى أحسن منه

شخسرانين لو إييبون ممثل لبناني
علشان الناس تصدقهم
w they stop the low budget movies!
______________________________

وبالنسبه للمسجد آنا ما قريت هالخبر
إلا في الجريده اللي إنت ما تحبها
وقلت عنها سخيفه وأعتقد إنها
قاعده تثير النعره الطائفيه
الله يبعدها عنك وعني وعن أهل
الكويت كلهم ترى مو ناقصين هم
____________________________
الهنود مالهم ذنب الذنب ذنب اللي يابهم .. والسؤال اللي يطرح نفسه
كم مره آنا ذكرت كلمة ذنب
فووووووق!؟

hehehehehehehe
_____________________________
لا تلوم الملحن الشاب
شلون شاب ومصلع؟

ترى أغلب الوقت
الصحافه والمجلات
يفبركون الخبر علشان
يشد القارئ مثل ما صار معاك
ويعتبرون هذا نجاح
!!!!!!!!!!!!!!!!!!
وبالأخير مسكين الملحن ماله ذنب
_______________________
هالهوشه والمجلس بإجازه
عيل لو مداومين جان شصار!؟
_________________________
إذا ما إندعم آنا الحين بدق
سلف وأروح أدعمه
بس إذا السالفه قلبت صج
وبيصير طق راح أدق عليك
تيي تنطق بدالي أوكي
_______________________
ما أبي الحلويات دام إنها من
دول الضد
_________________________
ما أدري شنو آخر موضوع لأن الخط صغير

وسامحنا على أي إزعاج سببته لك
أو للساده الزوار خلال أول زياره لي

:)

UmmEl3yal said...

LoL ,, Funny as usual! What is the Secret behind Syria? Any theories?!

Anonymous said...

امممممم

شسالفة سوريا؟

بو حامد said...

اللهجه لبنانيه تحاول سرقه البساط من المصريه ولكن هيهات :)

التصويت فعلا سخيف .

والاسخف منه الي صافط مكان المعاقين .

تسلم ايدك عمو ، لا فض فوك

ناصر الكويت said...

!!!!!!!!!!!!!

ليش حاط صورة سيارتي بدون اذني ولا بعد تسبني وتدعي علي


للعلم اللي كان وياي معاق

ويقولك الله يسامحك وهذا اقرب مصفط اقدر انزل منه

nEo said...

سوريا يا صاحب

شسالفة الاخوان على ألبانيا ؟


ها؟


بالي بالك ؟


يبي (يتمتع؟)

iDip said...

هوشة المليفي والبراك وباجي الاخبار السخيفة اللي تزين الصفحة الاولى من جريدة الوطن.. تجيب القامت

من تشوفها تقول أكيد باجر خبر الصحفة الاولى
ARMAGEDDON !!!
============
والآخ\الاخت مكان المعاقين
حسبي الله ونعم الوكيل
============
أعلن القطيعة مع أحمد لاري لأنه خون وما قال لي انه رايح

iDip said...

وعساها فاتحة خير
:)

bydvsj said...

الافلام المصريه تشوه اللهجه اللبنانبه:

سخاااافه طيب ليش مو خايفين على اللهجه اللبنانيه من اللغه الفرنسيه الى غالباما يتكلمون فيها.عجايب
_____________

موضوع المسايد والحسنيات انا بفهم شغله بشنو ماعندنا مشاكل وهوشات الكويتيين قامو يتهاوشون على كل شى لو مافى احد جدامهم تهاوشو مع الطوفه
________________

الكفيل الكويتى:

ويتحلطمون وايقولون ليش امريكا تتهم الكويت بتجاره الرقيق دافنين روسنا بالتراب نفس النعام
______________________
الملحن الشاب:

متى مداه يكتب 300 لحن , لا يكون ملحنهم واهوه طفل نفس الموسيقى موزارت

زين والله عندنا موزارت كويتى

_________________


بالنسبه للتصويت الى حيل سخيف فهذا شى طبيعى ومتوقع بجريده لاوطن توقع منها الغير متوقع .
______________________

الى صافط بمكان المعاقين وعوى ,
انسان للاسف تفكيره عوى صج لقالو الاحساس نعمه .
____________
اعلان الحلويات بدعو بالاعلان ما بى حلويات مو ناقصه ايصير فينى سكر.
__________________

تعليقى الوحيد على موضوع الاخ عاجل هو: لوووول:) فقط لا غير

أبو جيج يدور نعاله said...

بس جم تعليق على الطاير و ماشى...وراى طيارة إمسافر لمنغوليا

يمدحون عرايس لحم الخيول هناك


أولا إملاحظ لهجتك صايرة حادة شوى و مانى قايل عدائية....و مو عاجبك شى فى الديرة ..لا بالجرايد و لا بأداء وزارة الداخلية و كبساتهم على كراتين الكوسا و الخوخ المفقص...لا حواجب فهد الناصر مستسيغها...و لا إستفتاءات أبو قتادة لمنو يطشر تفال أكثر و هو يصارخ...حتى شباب الكويت ما عاجبينك بإستعراضهم لأهم خواص الرجولة...بعد حلو زلاطيمو قاعد تنتقده؟؟ تدرى شنو حلويات زلاطيمو؟ صارلهم فوق الألف سنة شغالين..أول فرع كان بالأندلس عاصمة المسلمين...و آخر شى قاعد إتشهر بنوابنا و تفضحهم بأماكن إجازاتهم...وين تبيهم يروحون يعنى؟؟
ملوا من المزارع و الشاليهات و الشقق و الجواخير...خلهم يشمون هوه نقى شوى ....خلهم يلبسون شورتات و يريحون فى غرف السونا و المساج ...وراهم موسم حافل إن شاء الله


و بعدين رد على تساؤلاتى و لا إتنط عليها و تتجاهلها مثل الكنغر

bo9ali7 said...

alestfta2 9ij ma95
hathy jaredat alwa6n?

زهر الخُزامى said...

وايد عجبني البوست

بس عندي تعليق: انا شايفة بعضالنواب في قناة الراى يفصحون عن وجهتهم بالاجازة

الصرعاوي قال كلش كلش ذا بعدت انا وزوجتي والعيال... تركيا

(يعني بلد اسلامي لا صليبي)

وخضير قال باروح ويا الاولاد الاراضي المقدسة والرياض!!!

(يعني يكون حدسي ولا اله لا الله لبيك اللهم لبيك)

ليش التكلك على راس الاوادم؟

اي والله

Mohammad Al-Yousifi said...

سلام

بتر
والله مادري شسالفتهم مع سوريا, و الأسامي ما توحي زيارة سيدة زينب

ليل الين
ا ل ب ا ن ي ا

ل ب ن ا ن

نفس الأحرف

بس مش عاوزين شبهة

همدول
click on the pic to inlarge it

umle3yal
رايحين يحلون مشكلة الجولان لول

كله انسى
لول شكلي بمل من هالسؤال

شكلهم رايحين يستفيدون من التجربة الديموغراطية السورية

بوحامد
اذكر اول ما طلعت روبي زعلوا اللبنانيات قالوا هالمصرية تقلدنا

كفوكم

ناصر
الله يسامح الجميع

شكو صافط عوي ما خليتنا نسفط يمك؟

نيو
رايحين يشيعون الالبان

لوول

آيدب
اهو خل يقولي انا الأول

الأقربون أولى من المعروف

نور
هذا بايع خضار و ماسكينه جذي عيل مال المخدرات شيسوون فيه!

بوجيج
أول شي تروح و ترد بالسلامة , بغيت تييبلي بالطو مال الجيش الشيوعي الأخضر مع الخوذة الفرو حق البر

ثانيا , اعترف اني صاير عدائي و بديت أتأثر بالجو و بالضغوطات اللي محاصرتنا من كل صوب

الاذاعة يغثني فيها عبدالناصر الزاير و برنامج الموسوعة الفقهية و مواضيعها

التلفزيون كل ما افتحه و أجابل هالعداد تنهار أعصابي

فكرت اسافر بس سمعت عن الحال في بعض السفارات و المذلة هونت و قلت نتحمل القعدة هني

امس رحت مارينا مول و ياخي كأني مو عايش بالكويت , أشكال الناس غير , الشباب صايرين ما يستحون و فيهم تمرد مو طبيعي

الشرطة و ما ادراك ما الشرطة , والله العظيم يا بو جيج لو أكتب فيهم عشرين بوست ما تبرد دودتي منهم

عموما انا نفسيتي تعبانة خصوصا مع المجهود الجبار اللي ابذله في التدوين و بالأخير ماكو مقابل مادي , قاعد افكر ابيع ذمتي و أصير دمبكجي

أحتاج منتور يساعدني و يدليني الطريج و انت ما قاع تتجاوب معاي؟

قولي شسوي؟ انصحني ؟ ارشدني ؟ الصاحب ساحب ياخوي و انا راقي بأخلاقي

AseeL said...

على طاري اللهجة اللبنانية

من كثر اعجابي بطريقته بالكلام بالفيلم كنت مركزة على نهاية الفيلم عشان اشوف اسمه..طلع الاخ اسمه مدحت قاسم
ما يعرفون يدفعون دينارين زيادة اييبون فيهم طبال لبناني يمثل

* * *

النواب يسافرون ويخلون الشعب مع حملة تهليق

سوريا عليها دوووس

الشرع حلل اربع
LOL

N said...

عاد انا حالف ما اطب سوريا

-
بخصوص البوست السابق:
مو مستغرب من شي
بس its قرآن not قرءان :P

Anonymous said...

اعلان الحلويات عجيب يبليه مصحح لغوي
والظاهر الاخ ماوصله اختراع الطلب عن طريق النت بدال هالعباله والاعلان اللي يفشل اللي نفس اعلان بسكوت السعاده

وهذا سايت زلاطيمو اذا حاب تطلب لنا يا بوسلمى بمناسبة السنتين على المدونة

www.zalatimosweets.com

Almas said...

أول شي لحظة لحظة لحظة

فيني مليووووووون حرة

وأخيرا مسكوا المجرم .. حسبي الله عليه

وحش حولي

مال يعلقونه بالصفاة

والله خسارة فيه يقمة الماي

سبحان الله .. يمهل ولا يهمل

نقول حق الشرطة يعطيكم ألف ألف عافية

آآآآآآخخخخخخ فيني حرة أبي ياخذون فيه اجراء لا صار ولا استوى

المصافط

رائع .. خوش لفتة

لفتة المصافط

عشت والله .. وتسلم إيدك

شي يبط الجبد

تحملني .. ترى بطلع إلي بقلبي

هاللي يصفطون مكان المعاقين ما يفكرون بهالناس

والله في أمراض إعاقات .. المريض مايقدر يمشي تحت الشمس خمس
دقايق
ممكن إتييله سكته دماغية

ليش يعرضون المرضى للتعب وزود أمراض
شحقى؟؟؟؟؟؟
مايكفي معاناتهم!مايكفي الألم النفسي؟ مايكفي تهميش المجتمع لهم؟ كثيرة معاناتهم بالحياة

شحقى نزيد عليهم

ألاحظ سيارات تصفط بهالمواقف الخاصة من غير مايكون عليها ستيكر وهالشي أشوفه جدام الجمعيات .. الأسواق .. والمجمعات

بكل مكان

للأسف مافي توعية ولا مسؤولية اتجاه هالناس

ما نقول إلا الله يهديهم

KQ8 said...

بوسلمى الوطن كلش ما تحب الشر...مره تنغم حق هذا ومره تنغم حق هذاك..
==
بخصوص وجهة السفر القاسم المشترك هو سوريا...اخاف نوابنا اللي بيروحون سوريا جهات استخباراتية لربع الاسد...كلشي جاييز

{ 13 }/طاطعش said...

الحومار صاحب سيارة البورش طبيعي يحط سيارته في مكان المعاقين لأن نظريتي أحممم ان أي حد يدفع نص مليون على سيارة ويمشي فيها في شوارعنا أكيد عنده اعاقة ذهنية ..لوووووووووول

زلاميطووووووو ...ينفع اسم دلع حق حد لووووووول

اما سوريا ..فالسالفة هي ..النسوووااااان ياباشا ..من بعد هالمسلسلات رجالنا تعرفو على " نوع أنثى " جديد لووووول .. سوق جديد بعد السوق المغربي والمصري ..

العدوة + صحراوي لوووووول ..انزين ماتروح فيها سب وقذف ..؟؟

وما أعرف كيف يروحون ( كان ) في الصيف ؟؟ كلها مفاصيخ ..لووووول وربعنا كل واحد بشورت( السيقان العاريه ) لوووول .. وزوجته الحجيه ملفوفه بعبايتها المودرن جلحه ملحه حالتها بالبلا لوووول وعيالهم قرود يبغون يصيرون مثل اللي هناك مو عارفين ومو لايق أصلا لووووووووول ..خربو ديكور البلد عربووووو ..
مرة ثانية ..زلاميطوووووووووووووووو

barrak said...

رياض السنباطي اللي اهو رياض السنباطي

ماالف 300 لحن
وبعدين لاتظلم الريال

اهو قال باقوا 300مذهب يعني مو اغاني
لاتظلم فهد الناصر السنباطي ال شوبان

Unknown said...

لازم لبنان تقتدي بالكويت وتشكل لجنه الظواهر الدخيله بالمجلس عندهم ويبونلهم واحد عبقري وايد مثل الطبطبائي يصير رئيس حقها عشان ينقذون اللهجه لانها من العادات والتقاليد

جدول السفرات عجيب :)

3abeer said...

مواقف المعاقين في ديرتنا مو واضحه .. ما لازم نلومهم أغلب اللي يستغلون مواقف المعاقين وما فيهم إعاقه جسديه تكون إعاقتهم ذهنيه
علشان شذي لازم يحطون مواقف للمتخلفين ومواقف لمتبلدي الإحساس ومواقف للخمه ومواقف بعييييده للناس السنعه.. وشوف شلون يلتزمون بالنظام

بيت القرين said...

khooooooooosh post

aham shay bo 300 la7an mabyoog

hatha '3eir el mo mabyoog :D

mtfa2el said...

300 لحن !!!
هذا صك على الطبقات اللي بيسوونها باليابان
بيسون امية طبقاااات
بيتك بيت جارك !!
لوووول
و هالي صافط
جان كسرت شي بسيارته و كتبت له ذكرى
من مشجع عرباوي

Nooni said...

والله عفيه جمارك يمنمعون الهدوم و يدخلون زلاطيمو!!

عفيه عالبلديه السنعه بس شاطره اتسكر وسابي علينا
بس والله خوش تجاره عربيه ١٠٠٪ :P

BTW كتير كتير لابئلك الِلِبنايني يا زلمِه

BlogLess said...

لا لآ مطقوق

إلا اللهجة اللبنانية

لمعلوماتك

اللبنانيين كلاهم عسل خفيف عالقلب حتى لو كانت حروف لهجتم مايعة شوي

بس حلوة

ولو تلف العالم العربي كله راح تتأكد إن المصري .. مع احترامي لكل المصريين .. ما يقدرون يضبطون اللهجة الكويتية تحديدا

ويمكن اي لهجة خليجية

وما ودك تسمع الواحد منهم يتكلم حتى لبناني

فما بالك بالكويتي

الله يعينهم

ما ودي أكثر عليهم
خاصة بعد سخطهم وزعلهم على الاهرامات

:)

متفرغ said...

ك م جنك قريت مخي فالبوست اللي طاف كنت ابي اقول لك لو تحط بوست فيه تعليقاتك على الاخبار و العناوين فالجرايد ..... على طاري الملحن الشاب وين بتهوفن عنه 300 عاد .... السيارة لازم احد ايي و يفشش توايرها و يكسر الجزاز و يهد له ملحوظة حلوة تذكره بانه هالموقف للمعوقين ...... الحلويات لين يوصلون بالطيارة تلقاهم ذايبين حلاتها تاكل الاكل و هو فرش بالذات الكنافة ..... الخرافي و الخليفة كشخة و سلمولي على شتاد بارك و الكرتنر حق اللي رايحين فيينا :)

MANAF said...

شوف راح اعلق اكثر من مره

الحين بعلق على الموضوع الاول

فلم مطب صناعي

اللي خذه دور التاجر اللبناني

كانت لهجته مادري شنو جنه من عيم لبنان

:)

موضوع ربعنا والمسجد

من متى اهما توافقو

ما تشوفهم بالانتخابات

ايننووووون

كلها تضارب مصالح

منو مرجعك ومنو مو مرجعك

انت مو من الجمعيه الثقافيه وانت من الجمعيه الثقافيه

دووووووووووخه

..

موضوع فهد الناصر

اكيد هذا مانشيت يعني بروبيغاندا

مو صج

هذا ما يعني انه الولد مو شاطر

بس على قولتك

عبدالوهاب ما سواها الله يرحمه

:)

برجع لك بعدين

Unknown said...

ما ادري ليش ذكرتنى بمصرى مرة بحفلة المغنى قاعد يغنى اغنية خليجية جان يقول واحد مصرى غنى عربى عاوزين عربى

زلاطيمو عجيب

بعدين الله يهداكم ليش ما تسوون عقد مع جمعية احياء التراث ويبنون مسايدكم :)))


الهنود يايين يشتغلون الشره على الدرو اللى يايبهم


المحلن الكبير مركب مكينة طراد بايده ؟

والله المليفى ريال بس الدايخ مسلم اللى ما يعرف يحترم احد

راعي البورش شكله مزج بس جان زين زالق سيارته بالسويج

6 سوريا؟؟
تهقى يخططون حق غزو يديد؟

Shopa said...

just because I like to be special.
Off topic : Happy Blogverasary

White Wings said...

بصراحة مطقوق، سالفة البراك والمليفي لوعت جبدي تماما، كأنهم في الابتدائي، فشلونا
وكلملي ليتل ايلين على واحد زلاطيمو
والبوست روعة كالعادة

Fahad Al Askr said...

الفلوس عمرها ما سوت من حيوان آدمي، بس البورش يمكن سوت من آدمي حيوان

أعتذر عن عدم التعليق على البوست السابق بداعي الهياتة، لكن كل عام وإنت بخي على قولة عبد الحسين عبد الرضا دام الموضوع فيه مسايد شيعة

بالديسار said...

سيدي الفاضل

ودي بس أعلق على موضوع المسجد
يعني الشيعة في الكويت لازالوا في معمعة مسجد مقامس ومسجد الصادق وقفية الميرزا الحائري فقط لينظم لهم الجديد مسجد الموسوي

صلحوا حالكم أول بعدين تعالوا كلموا الغير

وبعدين يقولك الجماعة محاربة

كفو من قلب

أما البانيا فإذا عرف السبب بطل العجب ... الرحلة بلوشي على حساب المجلس الموقر

بس خلك على سوريا احسن من غيرها على الأقل يتكلمون عربي وعندهم بقلاوة زينة وشركة العقيلة مسوية مشروع وايد عود للكل
:)

ودمت بخير

Organic Kuwait said...

haw kel waa7ed ey7eb lahjeta o ma yabee a7ad eyghayyer feeha , ya3ni mathalan ma tetnarfaz etha sheft musalsal kuwaiti eyta7achon eb lahja ghareeba jeddan jeddan ma chenha Kuwaiti, bas other countries 3abalhum enna hatha Kuwaiti, haw eshdarrahum?
myself, i love enni asma3 el lebnaneyat el 3ayayez yet7achoon a7es lahjat-hum feeha turath! This has nothing to do with my love for taboula and 7ummus ..
bas tadreee im very quiet around Lebanese, madree a7es mo layeg net7acha kel wa7ed eb lahjeta in the same conversation, fa i keep it very very short, madree laish.. its so uncomfortable for me to have a dialog with a Lebanese, especially if he is a guy.. to me it sounds funny , rayli kella yeth7ak 3lay lamma an7a6 eb hal mawqef le’anna aboole3 eb reejeee before and after each and every sentence o madree laish mukhi yet3ammad ey7o6 kalemat qalja, too Kuwaiti, I wouldn’t normally use in my everyday conversations!

physio-80 said...

اي والله الإستفتاء سخييييييف مثلهم

Mohammad Al-Yousifi said...

سلام

أنثى
أسد على غيري و فار بالبيت

سكانة حريمهم

اذا أم العيال قالت أبي - لنننننن دننننن - وين فيه شدة يقولها امشي اوديج الأراضي المقدسة؟

13
اذا رايحين هناك للحريم فلام الله اللي يلومهم

كراكوتا
بالضبط , مالك امل حكومتنا تخرب علاقتها بسوريا , تشتغل عليهم استجوابات مالها والي

براك
الحين غير سالفة الالحان , اللي بايقهم شبيسوي فيهم؟ يبيعهم جملة؟

بوصالح
الوطن يطقون اصبع عالسالفة , حوبتهم

أسيل
الله يعين السوريات على نوابنا , ريحة زقاير و أرف

لوول

حمودي
قول منو اللبناني البطالي اللي زعلان على اللهجة؟ حرب و هواش و مظاهرات و اعتصامات و ماكو حكومة و لا مجلس و لا انتخابات و الحبيب مطنقر على اللهجة

عبير
الموقف في مجمع الصالحية يعني حتى البعيد قريب , بس اعتقد الأخ صافط جدام الاصنصير عشان البنات يشوفون سيارته

القرين
ترى تلفوني ما سكت من الاسبوع اللي طاف الكل يدق يسألني منو هذي بنت القرين

خطاطيبج زادوا

متفائل
يا معود بورش تيربو اليديد , عليه بالعافية بس شتسوي أخلاق نداري

جودي
ويييع

يا شين الكويتي اذا تحجه لبناني, عندي واحد من الربع مزيون و كله عباله انه لبناني , اقوله انت حلاتك ساكت , من تتكلم لبناني يخترب ديكورك

بلوجليس
انا من عشاغ اللهية اللبنانية , بس عاد مطنقرين عشان الفلم قوية يعني

لهجتهم حلوة بس ضروبة فعلى شنو زعلانين؟

يبيلهم زئفة كبيرة

متفرغ
ما توصي على شي من مشهد؟؟ عندنا اثنين رايحين هناك؟

مناف
اذكر ايام نبيها خمسة واحد من الربع يقولي ما نبيها خمسة , اقوله ليش؟ يقولي الشيعة ما يطلعون فيها

قتله و من زين الشيعة لي اطلعوا؟ كل خمستعش واحد مسوينلهم حزب و طايحيله طعن بالثانيين , هذا ما نصلي وراه و هذا ما نعطيه الخمس و يبون يفوزون بعد

قلعتكم

مشاري
يبا السالفة فيها ئفلووووسسسسس

عبالك كل هالمحاكم و الهواش جهاد في سبيل الله؟

وراها بيزات

فيزو
بس اعترف ان الوطن دمهم صاير خفيف هالأيام , توم اند جيري

بالدسار
اعتقد المفروض المجلس ينشيء مكتب سفريات خاص بالأعضاء و عوايلهم , و يضبطون لهم رحلات جروبات بالصيف

عاد اخذ حش و عك لمن يرجعون كل مرت نائب تحش بزوجة النائب الثاني

ممكن هالشي يضبط علاقات النواب بينهم و بين بعض

أم ضاري
ليش متعقدة منهم؟

ترى عادي ناس طيبين ما يعضون و لا يطقون

زفيهم يضحكون

العسكر
البورش خلتني اصير عدائي على قولة بو جيج

وايت
شدعوة, قلنا صرتي - و كنتي - مهمة و ندوات و مقالات بس عاد مو لي هالدرجة تكشتين فينا

شوبا
ثانك يو اند الفال تو يو انساالله

وقار
يبا والله شايفها تنكتب بالطريقتين

ما تقرون قرآن انتوا؟

مورجن
سويت تحرياتي امس و اكتشفت ان زلاطيمو محل مشهور هناك و على قولتهم محد ياكل فيه الا الملوك و الناس الهاي قلاص

الماس
هدئي من روعك و مبروك على القبض على مجرم حولي و لو ان الأخ ساكن بخيطان

حنطفيس said...

آنا موملوع جبدي الا سعدون حماد وسفرته سويسرا !!؟

هذي شيفة واحد يروح سويسرا ؟!!؟

اللي يعين اللي بالطيارة من مجابل ويهه الودر

Ms. Sarah said...

300 la7an? mashaallaaaaaah :p

oo el hoshat el sakheefa ma etkhale9, this isn't the first and it won't be the last...

oo el 3away hathak mukha 3away!

Zala6eemoo... hehehe :p

Unknown said...

زلاطيمو لحد يقول عنه شيء
ترى ازعل هذا حبيبي

-----------

حلالالالالالالالك

3atreis said...

.,

شكله عقب كل صلاة يعطيك لحن
هههههههههههههههه
فصلت معاها :D

.,


على ذكر سفريات النواب
.,
دام مو من جيبهم
إذاً طلبات الست هانم حرم النائب أوامر
اشعليهم بيروحون سوريا ولا سويسرا
نفس الصرفية ..


.,’

أما الهوشة اللي صايرة
بين المليفي والبراك
والمشكلة حاطينه بالصفحة الاولى


حتى مسيلمة الكذاب جايبين سيرته .,!@@
عِفوووو عنه هالمسيلمة
أصلن مسيلمة رفع الراية لهم

تعظيم لقدراتهم العجيبة
على الكذب والخرابيط


..,’



وبالاخير أقول لازم نحافظ عاللهجة اللبنانية ..
لما فيها من تاريخ عظيم لحضارة عظيمة قائمة على اللهجي اللبنانيي

AyyA said...

LOOOOOOL, 3AJEEB MA6QOOQ

بيت القرين said...

ma6goog
shtaby ya3ny :p

ma ra7 adfa3 lek mokalamat :p
o la ra7 agool 2asfa az3ajtek :p
yoba elly yse2lek again gool lah beit el grain tgool lek
mo sho'3lek :p
dasha b sharry mo ;)