Monday, January 14, 2008

دكتور وليد ... أنت الأمل

عندما كنت في لندن
.
تصفحت أحد الجرايد اللندنية
.
فوجدت اعلان كبير
.
يشكر و يهنيء الشعب البريطاني و شعوب العالم
.
بمناسبة الكرسمس و العام الميلادي الجديد
.
مع ذكر مجموعة من الآيات و الأحاديث الشريفة التي تذكر محاسن نبي الله عيسى عليه السلام
.
الاعلان مذّيل بأسماء مسلمين من كافة الدول الاسلامية و هو منشور باسم المسلمين بشكل عام
.
كنت سعيدا جدا بهذه الروح السمحة و القلوب المهذبة
.
.
.
.
و بعد الوصول الى الكويت
.
قرأت عناوين ندوة هل نحتفل مع من شتم الله؟
.
و طبعا كان دور البطولة للنائب الدكتور السباح
.
وليد الطبطبائي
.
و اللي فعلا حسسني بالفخر للمستوى الرفيع و الأدب الجم الي وصلناله
.
.
يقول دكتورنا و كاتبنا الأمين
.
الغرب ما يحبنا , ليش نتقرب منهم؟
.
و طبعا الحبيب يقول ان الحكومة
.
اليهودية برئاسة الشيخ ناصر المحمد
.
تحاول بشتى الطرق انها تحول عطلة الجمعة الى الأحد
.

.

بارك الله فيكم

.

.
و أنا سرحان بهالاعلان
.
أشوف منو هالماليزي المزيون اللي حاطين صورته
.
و الا الحبيب بشارنو لاعب منتخبنا
.
أثاري الحبيب مبطل كرة و طايحله بيع شاليهات بماليزيا
.
و يقولون ليش منتخبنا طايح حظه
.
.

.

عظم الله أجركم جميعا بوفاة المجاهدة بينازير بوتو

.

رئيسة حزب الشعب الباكستاني

.

و طبعا من المعروف ان حزب الشعب هو أقوى حزب باكستاني و يزخر بكمية ضخمة من الكفاءات

.

و الدليل على ذلك انها أول ما ماتت قام الحزب و عيّن ولدها رئيس على الحزب

.

الولد عمره 19 و يدرس بلندن

.

و أول قرار سواه هو تغيير اسم الحزب من

.

حزب الشعب

.

الى

.

حزب هاري بوتر

.

و عاشت الديموقراطية

.

.

الريال فرنسي

.

و البنت فرنسية

.

المصريين شكو رازين ويوهم؟

.

بتقنعوني ان كل اللي بشرم الشيخ و الغردئة و بورت غالب متزوجين على سنة الله و رسوله؟

.

.

القبس , أفضل جريدة كويتية حسب احصاءاتي الخاصة

.

أعتبرها جريدة النخبة و المثقفين

.

و بما ان النخبة و المثقفين يحتاجون الى قراءة الطالع

.

أبت القبس الا أن تزود قراءها الكرام بقراءة أبراج

.

VERY SOPHISTICATED

.

تعالج أمور حياتك نقطة نقطة

.

.

تلوموني لي افتخرت اني كويتي؟

.

شوفوا الذرابة

.

حتى بالطرارة ربعنا ذربين

.

اعلان بالجريدة

.

تهنئة الوالد بالأنفيرسري مال المنصب اليديد

.

شوية شعر واقعي ما فيه نفاق

.

و بعدين بالخط الصغير كلش عالطرف

.

هذا رقم حسابي و انت كريم و احنا نستاهل

.

31 comments:

Fahad Al Askr said...

الإعلان اللي شفته كان منشور بصحف عالمية، واللي نشره جماعة الإسلام الجديد ربع الإخوان طارق السويدان وعمغو خالد

والطبطبائي ظليمته شينه، ما سوى شي بس قمع حريات، لكن لا تلومه، لوم حكومتك اللي طايعته

اجار الدين كشمش said...

الله هداك يا بو سسلمى

اتقارن بين مسلمين لندن
رابين بالريجنت بارك

الي الطبطبائي ربات يواخير جبد

حرام عليك

فمالله

Salah said...

الناس يحبون التعميم او الاستريو تايبنج

فيقولون على سبيل المثال
شعب الديرة الفلانية مرتشبن وشعب الديرة الفلانية نصابين

وكل خوفي ان يسموونه

شعب الطرارة

وكل ما شافوا كويتي
تخيلوه طرار

ولا حول ولا قوة الا بالله

حلم جميل بوطن أفضل said...

كارلا بروني أيطالية

تهقي يعطونه 4 آلاف لي تزوج؟

bo9ali7 said...

الطبطبائي خل يستقيل بالاول وتالي خل يتفلسف على كيفه

فراوله said...

مساالورد والجوري
عزيزي بوسلمي
بشارنو
جرب الرياضة
وماشاف منها فايده
قال
ماكوا الا الشاليهات
:)
تحياتي لك
:)

Amethyst said...

El6ab6aba2i -> No comment;\ He almost ruined my high school days, and now, he's brainwashing people with his idealistic ideas.

Shesawi Bashar? Ma lega $$ enough from soccer, gal ajarebli shay thani..

6rara kashkha hathi;p

White Wings said...

أنا أحس وليد الطبطبائي يسوي هالحركات عمداً عشان يبط مرارة الليبراليين
:)
وساركوزي باط مرارتي أنا لأنه ترك زوجته أبو عيون زايغة
مافي فايدة في الرياييل
:)

Sn3a said...

وايد حلو الاعلان مالهم
خصوصا ان ثبتو فيه على الشهاده والتوحيد مع ذكر سيدنا عيسى صاحب مناسبه الكرسمس


اهم شي الطراره
والله يفشلون

جنون إحساس said...

تهنئة المسيحيين بأعيادهم حرام شرعاً لكنه ضروري للعلاقات بين البلدين
السياسة تقول جذيه

بشار تأزم من الوضع الرياضي مسكين ليش
شيقعده بالملاعب؟
الشاليهات توكل عيش وتسوي شغل


الإعلان:
الشرهه ع الجريدة اللي وافقت تحط هالإعلان اللي يفشل, بس هم ترى معذور كاتب القصيدة شوف حالنا وشوف حال غيرنا, عسى الله يتمم عليهم

بوصالح said...

تعليقي راح يكون عن الإعلان

من ردى وضعنا صار الشعب يطر من حكام الدول المجاورة

للعلم حمدان ماراح يرده و ماراح يقصر معاه .. و بيوقف معاه لكن مو عيب

هذا حال بلد .. شعبه يطر من حكام الدول المجاورة ؟؟!

الصراحة .. هزلت

someone_q8 said...

السلام عليكم

اعتقد ان المفروض الكل يحترم راي الدين واللي ما يدري شنو راي الدين في هالمناسبة يروح ويبحث عن الصح مو على مزاجه يتكلم لانه مو راضي عن رأي يخالفه في الفكر ,
حبيت اقول ان الاختلاف في الرأي لا يفسد للود قضية , لانصير رادكاليين في الطرح
هذا اذا انتوا تؤمنون بالديموقراطية لكن اللي اشوفه اهوه راديكالية
######################

اما بالنسبة للاعلان فهو صج يفشل ان الكويتي قاعد يطر من الدول المجاورة , لي هالدرجة وصلنا الله يالدنيا

لك مني كل تحية بوسلمى وعساك عالقوة

فريج سعود said...

والله صج المفروض جملة عبدالحسين لداود حسين إلي هي وانتوا مبققين عيونكم ع الطل
المفروض تنقال للطبطبائي
-------
بس بالذمة هذا اعلان الشعر صجي اقصد رقم الحساب ترى قوية اذا ضج
-------
اعلان بشار كالعادة توارد الخواطر بيني وبينك بغيت اعلق عليه بس انت فكيتني
والشرهها مو على بشار الريال يايتله فلوس بيقول مابي
الشرهه على شركة الحبيب الي ما يفقهون ط.... التسويق

Kwaitiyya said...

اهم شي الحب: اهتم بمظهرك حتى توقد الشعلة في قلبها لوول

ساركوزي المصريين محترين منه مو قادرين يسوون اللي يسويه

أما الطبطبائي فا شكله مشتهي يروح لشواطئ ايطاليا هالمره

Bad-Ran said...

كسر خاطري بشار :)

Unknown said...

كارلا ايطالية يا بو سلمى

سدرة العشـــاق said...

شياب الثرى للثريا
( اللي بلندن و اللي بالكويت)
---

بعد الطرارة لازم تواكب العصر
---
يعطيك العافية

J Daily said...
This comment has been removed by the author.
Mohammad Al-Yousifi said...

ترى ذبحتوني

كارلا ايطالية و ايطالية

بالله ما تقولولي شالفرق بين ايطاليا او فرنسية؟

كلهم باليورو!

شكلهم مو بس المصريين محترين

:)

فتى الجبل said...

البنت ايطالية يا مطقوق
مو فرنسية

فتى الجبل said...

لا لا لا
الايطالية أحلى
فيها من ريحة العرب

فريج سعود said...

تعال نسيت اقول لك
ترى الحرام ان هالمزيونة تنام بروحها مو العكس

Eng_Q8 said...

هذي سوالف النائب المغوار الغارق بالبحار وليد الطبطبائي
ودي يروح يسبح بمكان مافيه احد عشان لي غرق ما يلقى من يسمع صوته

وبالنسبه للمصريين مو تدري الحبايب الدين عندهم مقطع مايصير يسكن وياها الا متزوجها عرفي

وخل بشار يترزق الله اهو الوحيد الي مقتنع ان منتخبنا سلطه عشان جذي اعتزل

حسام بن ضرار said...

اما هالطرار...... صج ويه عريض

فاصخ الحيا

joy said...

هالسنفور ما يعيش بدون هالبلبلة والخرابيط اللي مالها معنى كل شوي يطلعلك ابفنتق


اما الماليزي المزيوون
كااااااااااااااااك
حتى انا وايد استغربت عليه
مو بس ماليزيا بعد يبيع بيوت بانجلترا؟؟!!

حزب هاري بوتر
كااااااااااااااااااااااااااك
امبيه غشيت من الضحك


والطرارة فنتق والشاطر اللي يعطونه
:)

Mohammad Al-Yousifi said...

joy

تفوز بجائزة أحسن تعليق

الوحيدة اللي مثبته كل القطات اللي بالبوست

Mother Courage said...

LOOOL she's italiaaan!!!

G said...

-- I think its hysterical that he paid for advertising to ask for money. Yes I'm sure Yola-Man's* gonna reimburse your advertising costs, idiot!
*I'm not mocking, I just don't know the little one's name.

-- Is anyone with me that this 80's thing is depressing more than it is nostalgic? We've been stuck for over 30 years.

-- Speaking of Saturday's...I hope Al-Mutair's enjoying his Jewish Sabbath as much as I am.

azoori said...

كلهم باليورو صح
بس
الازوريين احلى
وطاقينهم بكاس العالم
:(
بشار يا بشار
هذا حال التخبطات الرياضيه شوف وين ودتك
:(
زين انك اعتزلت دوليا
جان صار الحال
اعلان بالجريده بعد :(
ومع هذا بشار للحين يبدع بالملعب
مو مثل غيره ملصقين بالمنتخب
ومولاقين شغل ثاني
:)

أم السادة said...

للأسف بأن التعليقات على موضوع الأحتفال بالكريسماس صادر من أشخاص مسلمين وعرب فزعوا واحتجوا على الكلام الي قاله دكتور وليد الطبطبائي مع العلم أن الكلام ماصدر من الدكتور وليد بس بل صدر من كل شخص عنده غيره على دينه بس عندي سؤال لكل شخص علق على الموضوع بشكل سلبي وينكككككككككم ماحتجيتم وششتم وطنزتو لما رحلو الاجازات الدينية ومن ضمنها اجازه رأس السنة الهجرية

AlthaMonserrateCherilyn said...

رجاءا مو عشان شيعي قاعد تنتقد الدكتور وليد
لو انت رجل حط موضوع عن من يقول تفجير المقاهي عمل وطني
وثاني شي اذا بدينك يجوز انك تبارك النصارى في احتفالاتهم فهذا شانك