Friday, January 08, 2010

زقوم ببطن العدو

.
الحجية زين فرحانة أوي بتمرير 22 بوينت ثري مليون رسالة أس أم أس خلال رأس السنة
.
و نحن أيضا نبارك للحجية مو زين بهذا الانجاز العظيم
.
بس ممكن أحد يفهمني ليش الرسائل اللي بعثتها بُعِثت مرتين ؟
.
و ليش صاحبي يدق علي من أمريكا يقولي سَكِّر جهازك
.
لأن واصلني منك فوق الخمسة و ثلاثين مسج حتى الآن و مو راضي توقف؟
.
و يصكوني بفاتورة 60 دينار و يقطعون خطي ؟
.
سؤالي هو
.
هل المسجات المكررة تُحسب على العميل؟
.
و هل الشركات الأخرى تستخدم نفس الـ ألاعيب لزيادة الأرباح؟
.
و إذا بحوِّل خطي
.
هل تنصحوني بالوطنية أو فيفا؟
.

38 comments:

كويتي شعبي said...

أنا كنت احد عملاء زين

حولت فيفا و فعلا قمت أحس بفرق شاسع ما بين فاتورة الشركتين وصلت لي النصيفة من غير مبالغة

نفس الأستخدام بس شتان بين الأسعار

فيفا .. تقدر

panadool said...

السلام عليكم
أكثر من واحد نصحنى بالتغير الى الوطنيه حيث ان خطى زين و
اعانى من نفس المشاكل اللى ذكرتها , الحين أدور رقم حلوو


شكرا

MARSHAL Q8 said...

فيها ان السالفة ..

خصوصا مع اندثار المسجات تقريبا بوجود البلاك بيري !

حنطفيس said...

watania

الأستاذ مزيكا said...

السلام
صراحه انت مثل معاناتي ماتقدر تعرف فاتورتك بالضبط جم
مرع انا لا ليش مره بل مرات اروح ادفع فاتوره مثلا 80 دينار اروح اسافر ثلاث ايام التلفون مغلق ابشوف
ارد ابطل الخط ....عليك فاتوره بقيمة 14 دينار
تروح ليش يالحبيب انا دافع يقول فاتورتك جذيه ....ورني يروح يطلعلك برنت طول عرض وهقه وهذه الحاله وياهم!

الدســتور said...

شفت شلون
الله يرحم الأمين ماكان يعلق
:))

بو سلمى أنطر مابقى شي على سالفة الخط يكون ملكك فقط تقوم بتغيير الشركة وتحتفظ بالرقم

وبعدها حول الى فيفا على طول

well_serviceman said...

مشكله المسجات خصوصا لمن ترسلها لواحد بالخارج بحيث انه يحسب علينا بأمريكا استلام المسج مو بس الإرسال ، حقيقة ما انصحك تغير لهذا السبب ، لنه كل الخطوط تقريبا تعلق ، بيوم رأس السنه وصلتني مسجات لا تعد ولا تحصى وكل واحد فيهم من شركه!!

enter-q8 said...

فيفا ببدايتها اوكي
لكن الوطنية و اقطع بس
طبعا غير الهدايا اللي تقطها عليك الوطنية بين فترة و فترة

azoori said...

هذا الي يصير معي ايضا
وكنت مفكر لان خطي تابع لعقد شركات
وحتى لما حولته الى باقة ويانا نفس الشيء صار
والحين لما حولت لعقد شركه مره اخرى نفس المشاكل
ولا تنسى اذا خطك دولي ايضا
وسافرت ورجعت راح تشوف الفاتوره
من وحي الخيال

طبعا التفكير الان اني احول فيفا
لسببين
1- حجم الضغط خفيف على شبكتهم
2- كثير من الي حولوا على فيفا ينصحوني وايضا سرعة الانترنت عندهم اسرع

ساره النومس said...

الوتنية احسن

انا عندي نفس المشكلة صراحة

t.q8 said...

اكيد الوطنيه
***********

حلمانه اني اسال عن فاتورة اختي
بزين واني بدفعها ولا يقولولي مطلوب 15 الف وانا عيوني تبحلقت 15 الف مره وحده ولا تقولي مشتركه بخدمة بلاك بيري

aziz said...

على حد علمي انلك لن تحاسب.

وعلى العموم كل شركات الاتصالات اللي عندنا نفس الطقه. مع الاسف شركات الاتصالات بالكويت يبتزون المواطنين والمواصلات شغاله كأنها *طوط* حقهم.

روح شوف اي ديره ثانيه بالعالم وشوف شنو الخدمات وكم اسعارها وقارن مع اللي عندنا وراح تكره عيشتك. طول عمري اقول زقوم ببطونهم وشوف شلون فلوسهم مافيها بركه.

سرحان said...

Message duplicates do not count

مـغـاتيــــــــــــر said...

انزين أنا بحول خطي بعد بس ابي رقمي شلوووون تنحل هالمشكلة ؟ // مو المفروض الرقم ملكي لأني شاريته ؟

مَـــــعْــــمَــــعَـــــه said...

ما ارده من المربوط الا المفتلت واقضب مينونك لا اييك اين منه

كلهم حراميه بس فيفا اهونهم توه بالمهنه

مَـــــعْــــمَــــعَـــــه said...
This comment has been removed by the author.
عبدالله الكيفاني said...

خلك على التلفون الارضي بلاش ومافيه اي احراج مثل قبل واذا احد بغاك يدقلك بيجر :)

Anonymous said...

قطيعة تقطع المسجات و اللي يبعتوها على اللي بيقروها

بلاش و النبي سيرة المسجات دي عشان بتعمل معايا حساسيه في اللي إسمه إيه ده

لووووووووووووووووووول



ما عندكم فوطافون ؟ :I

lil.D said...

انا ضحكني العنوان :) حسيته من خاطر

نحن نعاني بين دووو والخدمه اللي لكم عليها واتصالات اللي اسعارها خياليه -ـ-
استغلال عيني عينك ههههه الله يعينا ويعينكم

The Bodyguard said...

7ateit eedak 3ala eljar7 ... good point.

فريج سعود said...

عندي خط مقطوع ومسحوب من اكثر من سنة

عليه ٥٩ وكسور

قبل فترة طرشوا لي مسج يقولون عليك

٦٠ وكسور

شلون زاد ما ادري

هذا غير المبلغ الي دفعته فبل اسبوعين وما نزل بحساب خطي وراح بحساب الايجو ولو ماكان المبلغ الي دفعته كبير جان ما انتبهت

السالفة فيها انّ كبيرة وزين قاعد تبوقنا اشكره

الظاهر يبيلنا حملة مضادة

Unknown said...

سالفة خطك يكون ملكك ويمكنك التغيير بين الشركات تم تأجيلها لحين بيع مجموعة الخرافي لحصتها المؤثرة في زين . يعني وزير المواصلات البصيري يرد التحية لجاسم الخرافي اللي عينه وزيرا بالحكومة الحالية . والسبب أن الغالبية العظمى من المشتركين يعتبرون من عملاء زين بسبب أقدمية تواجد زين بالسوق مما يعني خسارة زين لجزء كبير من ايراداتها مما سيؤثر سلبا على السعر المطلوب عند بيع حصة الخرافي .
ترى ما سر تعلق كل مشترك برقم هاتفه النقال وامتناعه عن تغيير الشركة حتى لو أدى ذلك لخسائر مالية كبيرة كما يحدث مع مشتركي زين ؟

Maximilian said...

Orange oo eg6a3

AyyA said...

العزيز مطقوق
أول إنتخابات مرت علي و أنا في أمريكا كلفتني المسجات ٣٠٠ دينار و أغلبها مسجات متكرره من زين، فقطعت الخط بنفسي بعد الدفع علي مضض
تحياتي

Anonymous said...

السلام عليكم

من تجربة قريب لي تم تحويل الخط من زين إلى فيفا .. وكان فيه فرق شاسع بالفاتورة رغم انه الاستخدام ماتغير..

لكن فيفا يعيبها حاليا ضعف التغطية أحياناً

وأنا لازلت أستخدم خط الوطنية وماعندي مشاكل

لكن زين أصبحت سيئة السمعة

أنصح بفيفا .. مع الأيام القادمة ستتطور أكثر وعروضهم وخدمة العملاء ممتازة لديهم

why me said...

اي شفيك حسب

حتى لو تلفونك علق ويطرش مسجات

كل شي بحسابه

اهو ما علق اهي حركه مقصوده



أنا أنصحك وطنيه فيفا لأ




وصباحك ورد

Frankom said...

حوّل الى الوطنية وادعيلي

فاتورتي (بزين) كانت 40 بالشهر مع اني ما تكلم وايد

فاتورتي مع الوطنية 13 دينار طويل العمر وهم أحس وايد

الحوري said...

سو مثلي
قص خطوطك من زين وروح اي شركه ثانيه
وهم ما راح يخلونك
بيدقون عليك بعد جم يوم وبيعطونك خطوط ذهبيه مجانا +اشتراك مجاني ٦ اشهر
+ ١٠٠ دقيقه مجانيه لكل شهر
كل هذا علشان لا اتفارقهم
يعني غصب بيزيدون مشتركينهم علشان اتتم البيعه للهنود
جرب ومنت خسران
لا واذا عنك وصلة ايجو وقصيتها راح يعطونك شهرين مجانيين ويردونها لك

White Wings said...

العام في أسبانيا أرسل تلفوني فوق الأربعين رسالة لزوجي ونفس العد منه لي، وصلنا الكويت وكل واحد فاتورته كبر مخه
:)

الفيفا حلوين بس قلبي مو مطاوعني أهد زين بالرغم من كل الذي كان
:)

أحمد الحيدر said...

والله لو بيدي قوطي روب وحبل وافتك ههههههه

بس شنسوي مضطرين الجماعة نفس المنشار طالعين ماكلين نازلين ماكلين ..

واي شي يصير ينحسب على العمل والشركة منزهة عن الخطأ ..

فيفا ما جربتهم الصراحة بس الوطنية ما تختلف وايد عن زين :)

تحياتي ..

بو ذياب said...

قالوا اخذ اختها
قال الله يلعن الثنتين :)

Anonymous said...

أنا و ريلي حولنا فيفا

و مستانسين و مرتاحين على الآخر... و حاطين بعض بست فرند فكل مكالماتنا حق بعض ببلاش!

شخباري الوطنية؟

تبي تعرف الفرق بين فيفا و زين؟ شوف الفرق بين أملق دعاية اللي أوادم بالبر ياكلون دونت مالت زين -ناهيك عن دعاية جمبليي اللي مالها معنى- و الدعاية الجميلة مالت فيفا اللي ناس تطير و فرحانة

بس العيب الوحيد في فيفا انه ارسالهم يقطع شوي لأنهم ما عندهم 600 برج ابكل صكة بالكويت... مع الزمن المشكلة تنحل

على الأقل إن طلعت فاتورتي اروح أونلاين و اشوف كل ثانية تكلمتها و حق منو و كم كلفتني

مو زين اللي أروح لهم يقولون لي 5 دنانير الورقة و آخرتها أرقام من عندهم!

توكل على الله و روح فيفا...

Kuwaiti said...

أنا ما أدري والله اسمها شركة زين و هي شركة مساهمة ولكن في الحقيقة اهي مو زين و شركة تدار حسب مزاج سعد و طريقته اذا حبتك عيني. والعالمية اللي اذانا فيها نتيجتها أن شركات الاتصالات الكويتيه راح تصير ذكرى مثل درب الزلق لأن يبي كاش و يبي يفتك من القروض و الحين كل ساع حاط لنا دعاية هندية . أنا اقول لكل التجار في الكويت خلونا نبيع كل الشركات على الهند و نأجر المنازل و الشقق على اللبنانين و نشغل كله فلسطن أرخص و أوربح لنا. وكل عام و زين بخير

radiantguy.com said...

انا وايد اسمع عن زين انهم حراميه و يبوقون من الناس مو مخلين احد بحاله....و عندي صديقي يشتغل اهناك فسألته "هل انتو صج تبوقون الناس؟"....قالي زين ما تبوق تبوق بمعنى الكلمة...زين تخلي الناس يشتركون يخدمات بدون لا يدرون و ياخذون منهم فلوس الخدمه.

انا مع الوطنيه من اول ما طلعت و كلش ما عندي مشاكل معاهم صج انهم ناس سنعين...بخصوص فيفا مادري عنها عندي خط منهم و الحين مادري وين السم كارد...يعني ما جربته بس اللي ملاحظه من الناس اللي عندهم فيفا، وايد ادق عليهم الخط يكون مغلق بس اهوه مو مغلق يكون.

Kuwait73 said...

تبي تفتك من الفواتير اخذ سيناو اذا تتذكرونه مال الامارات :)

ترقبوا الشركة الرابعه الرقم يبتدئ ب7

عساكم على القوه

Anonymous said...

neyadah.wordpress.com

ام عبدالله said...

لازين و لا الوطنية ما طاح الا انبطح

ام عبدالله said...

لازين و لا الوطنية ما طاح الا انبطح