Tuesday, February 28, 2006

هل كيف يحصل غش في التجارة؟


أول ما تدخل المحل تشوف التي شيرت أو القميص على المانيكان تقول بس, هذا القميص المسكت, هذا الي بيطلعني سمبتيك

تشتري القميص و ترجع البيت, تلبس القميص و تشوف روحك بالمرايا

يطلع القميص الي شاريه خيمة, و السبة انه بالمحلات دايما يحطون دبوس صغير بالقميص و يغيرون قصته أو الستايل ماله

هذا الي أنا أسميه غش تجاري


تتمشى بأحد المجمعات التجارية الي أول حرف من اسمه الصالحية, و تمر على محل أول حرف من اسمه تناغرا و تشوف العجب العجاب

غوري أو كوب ستيل يذكرني في قلاصات الحسينية او مسيد النقي الي بالدسمة ينباع بخمسة و ستين دينار؟ اي نعم , خمسة و ستين دينار مو ليره مو تومان مو درهم مو دولار, دينااااااااار يعني أكثر من ميتين و عشرين دولار

ليش يالظالمين ياللي ما تخافون الله, خمسة و ستين دينار

على قولة عبد الحسين " مصنوع من ذهب؟ خاتم النبي سليمان معلق به؟

شكو خمسة و ستين دينار

أيضا غش تجاري

13 comments:

Anonymous said...

loooooooooooooooooooooool wanassah el post! me like =D

متفرغ said...

ههههههههه المطقوق عيل ما شفت المواعين و القلاصات اللي تنباع في هارودز و تيفاني اند كو و هيرميس اللي في نيو بوند ستريت الغش التجاري بعينه و علمه.... بالنسبة للفنايل العكس يصير لي كل ماشوف فانيلة و ارجع اجربها فالبيت تطلع ضيجة علي و تحال لقوة الاحتياط - في حال لو ضعفت بالمستقبل :)

طائر بلا وطن said...

لوووووووووووووووول

على طاري القميص ترى اجسام ربعنا
هي اللي تفشل .. كلش مو كول
:p

ارفع السعر عشان يكبر بعين الزباين
صج ان الرخيص فيه علة و الغالي فيه حكمة
بس الربع حيل مصخوها

خلك من هذا كله و جاوبني

ليش لما نكون بره الديرة نشتري بخبال
حتى لو السعر دبل؟

ana_sokkarah said...

عاشو والله هذا وانتو الرياييل جذيه شلون احنا الحريييييييم خساير الله وكيلكم بالمجمع إياه رحت (ال.في) بشتري ملفع بسبعين دييينااااااااار (سفنتي كي دي) الملفع حدة عااااااااادي حتى التقليد موجود منه عند الهنود عاد آنا الله يسلمني ويخليني شريته ويوم رحت البيت جان احصللي زف عجيييييب ماله والي وماله نهاية من بداية من حكومتنا الرشيدة الله يخليها الماما خو من هالحجي يالمسرفة وووو ومن هذا القبيل بس عاد شدعوة همني هبااااال وياني وفلوس وبيدي شسوي مو اشتري احسننننن... عادي الفصلات عجيبة ومرة رحت فيلا مودا والله شي عجيب خلصت الرصيد بس مو فخفخة لا والله بس فصلاتي العجيبة الغريبة تصير معاي بالفلوس ولا آنا خوش بنية... عاد أقولك مو بس الغششش التجاري لاعب دور حتى مخنا احنا يا المشترين ما نفكر يا تييلك فصلة ولا فخفخة ولا حتى عناد ولعانة ترى عادي تصير بأحسن العوايل..
(;
عموما موضوع حدة شيق ونشكرلك هالمشاركة الحلوة :)

Mother Courage said...

hehe, and people actually still buy those over priced products !!

have you heard of the kuwaiti girl who bought a Fendi bag for 8(some say 10) thousand kuwaiti dinars , she kept it in the shop window and asked the seller to tell everyone who enters the shop about the price and her name + her mom's name !!!! yes this is a true story, last week , salhiyah complex , kuwait !!


على قولة جدي الله يحفظه

ماطقوا فيها شبل

bo_ghazi said...

أبيخ شي لما يعجبك تي شيرت و عشان يطلع قدك بالعرض ، لازم طوله يوصل الى ركبك

Nunu-San said...

اللي انا أعرفه ان التجارة كلها ماشية عالغش, بس حلوة الصور
=D

Anonymous said...

ما اري شنو مفهوم الغش التجاري عندك ؟؟
بس الغش التجاري يكون لما نفس البضاعه يكون لها سعر معين و في مكان ثاني تلقي اغلي أو ارخص .. هني يصير في تلاعب في الاسعار
بس اعتقد اذا تناغرا تبيع القلاص ب 65 و بنفس السعر ينباع في كل انحاء العالم .. هذا مو غش تجاري هذه ترجع حق رغبات الناس .. يعني مثل لوي فيتون سعره في العالم كله نفس الشي مو في الكويت سعر و في الصين سعر ثاني!!

يعني لازم كل الناس تركب لادا و تشتري من المحاميد ؟؟

Mohammad Al-Yousifi said...

أشكركم جزيلا على المشاركة

الأخ أنونمس
ثانك يو

متفرغ
همم والله انا مو سالفة السعر أكو قلاصات تحف تسوى, بس هذا لا ستايل ولا ماتيريال و لا هم يحزنون

و بالنسبة للفنايل ياخي خل يشيلون الدبوس عشان نشوف عدل شكل الفنيلة عالجسم

طاير
أين انت ؟ لونج تايم

و جوابا لك ياخي برة فلوسهم ما فيها بركة, يعني الباوند يسوى نص دينار بس والله أنا أحس كأنه مية فلس لمن أكون بلندن

انتي سكرة
مشكورة عالمشاركة الفعالة و المتفاعلة جدا متحمسة للموضوع أكثر مني

مذر كورج
والله شقولج, الكشخة و التزقرت مو عيب و لو اهيا شارية الجنطة و مقتنعة انها تسوى و مستانسة عليها و شي كان أفورد ات, مو مشكلة

بس المشكلة و الفكرة الي نسفت الفلم كله انها شارية الجنطة حق المشاحط و التفلسف و هني أقول اسفي على هالفلوس الي الله حطها عند هالخبلة

هاج
والله عاد ان بغيت الصج, الصورة ماخذها من تناغرا الراية مو الصالحية و كنت رايح أتغدى هناك

بو غازي
اي والله و يا كره الماركات الأسبانية و الايطالية مقاس الأكس لارج جنه سمال عندنا

نونو
أشكرج جزيلا

سوم وان
والله كلامك صح و العنوان أنا يايبه كطنازة من درب الزلق

صباحك سكر
والله الدنيا مادري شصاير فيها, لكن لا تخافين أنا رسالتي بالدنيا هي اصلاح الطائرات و محاربة الغلاء الفاحش

Anonymous said...

LoooooooooooooooooooooooL

post raaa2e3

pazzle said...

لوووول... انا المحل الوحيد يمكن الي ما احب اشتري منه تناغرا.. جد احس انه يستغفلني غصب...

انا اول مره ادش واقرا البلوغ والراحه وايد وايد عجبني .. والله يعطيك العافية...

pazzle said...

الراحه= الصراحه

ana_sokkarah said...

(*^_^*) أخجلتني
لوووووووووول