باختصار
تجمع أقوى من أي تجمع سابق
حضور كثيف منذ الساعة السابعة و النصف
***
النواب الحاضرين حسب الذاكرة
أحمد لاري
عدنان عبدالصمد
عبدالله الرومي
علي الراشد
عبدالله عكاش
د.وليد الطبطبائي
احمد السعدون
احمد المليفي
محمد الصقر
محمد الخليفة
د. عادل الصرعاوي
مسلم البراك
وليد الجري
***
طبعا ما فيه داعي أذكرلكم ماذا قال النواب
ستجدون المختصر في مدونات اخرى و الجرايد باكر
اللي ودي أتكلم عنه هو ما حصل في نهاية التجمع
***
عندما ألقى النائب وليد الطبطبائي كلمته جاء على ذكر تجمع العدالة الزرقاء فقال
جايين بكم باص من الجهرا و الصليبخات و بلا بلا بلا
قام شخص من الحضور و اتجه الى منظمين التجمع و قال
أنا من الجهرا و الطبطبائي غلط علينا و ابيه يعتذر في نفس المكان و ابي أرد عليه
قالوله المنظمين الدكتور طبطبائي مو موجود بس نكلمه بالتلفون
رفض بشدة و اصرار و قال اذا عندكم ديموقراطية خلوني ارد عليه بالميكرفون
قالوله يا ابن الحلال جدول الحفل مخصص للنواب و باقيلنا أكثر من شخص
و ما نقدر نخليك تتكلم بالميكرفون
طبعا اهني تحلطم و مشى بس مبين انه ناوي على شي
***
بعد الشوي استلم الميكرفون عريف الحفل و ذكر ان الطبطبائي يعتذر عن كلمته و قد خانه التعبير
و بعدها جاء دور النائب الجهراوي محمد الخليفة و أيضا تكلم باسهاب عن الطبطبائي و كيف انه مو قصده اللي قاله
و بعد ان انتهى الخليفة من كلامه و نزل من المسرح
تقدم الشخص منه و قام يصرخ و التم عليه الحضور
و طبعا زاد الهرج و المرج و الحبيب استانس على الكاميرات و الصحفيين
فصعد على كرسي و قام يصارخ
و تفركشت الجمعة
***
عموما التجمع كان قوي و الخطاب فيه كان قوي و الحضور كان قوي
***
نبيها خمس و الوعد يوم الأربعاء
47 comments:
yaa36eeekook el3afyaa keleekom ...
oo mashkooreeein 3alaa hal jehed ..
ya36eeh el3afya
التجمع كان قوي الصراحه
الكل مدشدش لوول محد سمع نصيحتك :P
okh..9adatni ilcamera! i guess i better go do another plastic surgery :/
last night was great..lots of new faces & very positive responses..except for one little very loud smurf...
هههههههه لالالالازم اللويه تصير فى اى تجمع ما يعبرون ربعنا
وفى ملاحظه ترى عادل الصرعاوى مو دكتور
خوش صور، يعطيك العافية :). أحلى شي إنك إمصور ذاك إلّي عصب. أنا على أخر شي وقت كلمة الخليفة خلصت بطارية الكاميرا. الحين قاعد أضيف باجي الصور، تقريبا بعد 28 صورة
I know for a fact that there were many people from al jahra yesterday, they did not object to what have been said by Al Tabtabai. And I know for a fact that many of AlJahra as will as the rest of Kuwait came to the blue rally. I’m not from Al Jahra, however I think that AlTabtabai was discriminating against specific people. This is good because it shows you how close minded these religious people are.
The religious mindset is always discriminate between the public and their elite. They think that they know it all!! In the other hand the socialist movements always look at the masses as an inspiration point. What a difference!
أعتقد أن الأخ لوما سالفة الجهراء كان راح يشوفله أي سالفة ثانية عشان يسوي لوية.
خوش صور
ولو إنني ما شفتك أمس
وين كنت منخش؟
الصور جميلة و تجمع أمس أجمل و الله يطيكم ألف عافية
صور حلوة وجميلة بس يا ريت لو يتكبرون
شوى للشياب فقط اللى
ما يشوفون ;)
فى تجمع يوم الأربعاء ؟
no one has the fight pics?
لا يا جماعه لا تظلمونه، الريال كان من صجه لحد دازة ولا شي، والطبطبائي الصراحة خربط، يعني لازم يتفلسف شوي فريق مخابرات ومادشنو.
انا صج ماكان بيني وبين الريال اللي استثير الا مترين حده كان قريب مني، والريال بدا كلامه بأدب ماصارخ بين الناس، لا اول شي نادى بوخليفة "محمد الخليفة" لانه من دايرته وقاله خله يعتذر بالصحافة وبوخليفه كان جدا جدا جدا لبق معاه لانه بدوي ويعرف يشلون يتعامل مع جماعته، باس خشمه وراضاه، لكن هالناس التمت حوله واستثارته.
النقطة الثانية ، ليش الاخ منذر عريف الحفل ماخلاه يتكلم بالمايكروفون، الصراحة عريف الحفل كان دوري سلبي وقام يصارخ عشان يغطي على اللوية اللي سواها الريال، بصورة بايخة وقسمت الحضور، وعطت هالمشاكس اهتمام، لو انا من منذر جان وقفت الحفل دقيقتين وناديته وقلت له يقول اللي بقلبه واعتذرت وخلاص، اما انه يقول منذر انها محاولة تخريبية ويصارخ وعلطول النشيد الوطني كانت مو حلوة وقللت من هيبة النواب، حتى لاحظت انا النائب مسلم البراك كان مشدود لهالشخص وحاس فيه انه من قلبه مو تمثيل ولا عملية تخريبية.
والله ماني من الجهرا، ولاني من مؤيدي الازرق، انا سعدوني حتى النخاع، لكن وايد حز بخاطري انه شخص مايقدر يعبر عن اللي بقلبه، وانا احمل هاللوية اللي صارت حق وليد الطبطبائي والاخ عريف الحفل اللي ماقدر يحتوي هالمشكلة.
========================
يا جماعه انا استغربت وين نواب الحركة الدستورية؟؟؟ مو كانوا يتخطرفون ايام الانتخابت في مقر السعدون و"جنغلونا" في صيحاتهم؟؟ والله تناقض غريب رهيب، ماندري شنو بيوصلون له!!
=========================
تحية للاخوة المنظمين، وودي اقترح انه بالمستقبل لا تدخلون معاكم مجاميع ثانية لانهم يبون يسيسون هالتحركات لصالحهم مثل ماحص قبل لما اعتلت "اعلام الائتلافية" والصراحة ماكان لها اي سنع. يعني لا الشيعة ولا التحالف رفعوا شي.
==========================
طولت عليكم ادري..
بس والله فاقد فداوية امريكانا.. يا جماعة شفتوهم حضروا؟؟
وانشالله انشالله انشاللله يوم 12/7 بغني حق السعدون وبلبس البخنق وبقول... مواق في مشيته مواق
وياك يا بوعبدالعزيز
============== قاطعوا الوطن========
I love picture #5, the one with the parliament in the background and part of the wooden roof of the stage appears too. Very artistic. if only those stupid flashes weren't in the way :@
we were very few people wearing the orange t-shirts.so can I skip it on wednesday and wear a dishdasha?i looked like a fool last night as all my friends were wearing dishdashas
السلام
هامور
مشكور حبي
دونز
يعافيك عزيزي
شوت
محد يقرأ مدونتي:(
مني
لوول دير بالك نكست تايم
كتي
مو دكتور؟ لا تلوميني كتبتها الساعة 2 الفجر و كنت هلكان
بوجويس
تشرفنا بشوفتك
برولاتراتيون
اسمك ذابحني ماني قادر اكتبه
تبي الصج احنا كلنا عنصريين مو بس الدينين أو غيرهم, كلنا فينا عنصرية بس في ناس يظهرونها و في ناس يكتمونها
أنونمس
اختلف معاك مع احترامي لرأيك
عاليا
مو منخش و مريت صوبكم كذا مرة و تقدرين تلقين راسك بالصورة الثانية
ولد شويخ
الله يعافيك اخوي
سعود
ماكو تجمع الأربعاء كنت اقصد انتخابات الرآسة
عزيز
قلبي انت ما كان فيه هوشة , مثل ما قلت الريال أول ما صرخ التموا عليه الصحفيين و الناس و محد طقه او جاسه, اصلا اهو قعد لين كل الناس مشوا كان قاعد و يحوس ويانا
مجرم
صج انك مجرم
اتفق معاك الف بالمية , كل كلمة كتبتها فشلت انا في كتابتها
مشكور
حنان
كنت موجود و افتر أصور و مريت صوبكم كذا مرة بس ماشاءالله عليكم تركيز بالندوة
و الفلاشات و الكشافات كانوا ما يساعدون على التصوير و هذا كلام بوناز شيخ المصورين
شاي حليب
يبا تعال سلط ملط محنا رادينك, ذبحتنا بسالفة البرتقالي
سلام
يعطيك العافيه كله مطقوق على هالتغطيه الحلوه اللي عودتنا عليها ..
قواك الله
كله مطقوق ... سمعت كلامك
ولبست رياضي ... و نص ربعي
ماعرفوني و كل التجمع مغترين :)
خرعتنا انا قلت بتصير مصايب
و مشى الوضع فوق الممتاااااز
!وهقتني ... ولازم تعوضني
:)
kila ma6gog
3omre ent mashkor 3al ma3loma
مطقوق
يعطيك العافية و لكن تصحيح: عريف التجمع أبلغ الحضور عن تقدير الطبطبائي لأهالي الجهراء و الصليبيخات بعدما أثار هذه النقطة النائب الخليفة و ليس قبل ما تكلم الخليفة. ثم إن الطبطبائي ذكر أن المخابرات خرجوا بباصات من تلك المنطقتين
as a fact,
و لم يكن على سبيل الامتهان، هكذا كان فهمي لكلام الطبطبائي
الدكتور الطبطبائي كان يقصد
النائبين خلف دميثير و طلال العيار
هم اكثر من جمع الناس بباصات و جابوهم
فقال الجهرا و الصليبيخات على ان
الكل يفهم القصد.. وبعدين اهل
الجهراءوالصليبيخات كلنا نشدهدلهم
انهم طلعو الخليفه و البصيري و خضير
والحربش. و هم ابطال و يعرفون من
المقصود بهالكلام. لكن اللي براسه بطحه
يحسس عليها. ولو هالكلمه مانقالت
كان طلعله اي شي ثاني يخرب التجمع فيه
والحمدلله التجمع كان ناجح ناجح ناجح
و نسيت اشكرك على الصور :)
نعم النائب الطبطبائي لازم يوضح في كلامه ويحدد ولا يعمم
بس أيضاً ماكو داعي لكل هذا التشنج لان أكيد الطبطبائي ما يقصد كل اهل الجهره والصليبيخات
أنا كنت اعتقد وكثير من الحضور أنه ما كان له داعي أنهاء التجمع وكان من الافضل السيطره على الموضوع وتكملة المهرجان
ملاحظه :التنظيم كان روعه والحضور كان وايد حلو رغم الاجواء الحاره لكم الشكر
والله يعطيكم العافيه
هاي
مشكور على الصور الحلوة والتغطية الموجزة وعقبال مانشوفك بالسى ان ان
:p
حتى لما الطبطبائي غلط ىعلى الجهراء حملت المسؤلية على الجهراء,خافوا الله وبسكم عنصرية أنظفوا ياناس
رغم أن الدوائر الخمس ضالمة لأبناء الجهراء,الا أننا قاتلنا من أجلها ووقفنا من أجلها وناشدنا الناس في الجهراء في التصويت من أجلها,وهاهي الجهراء تقدم ثلاث نواب من أصل أربع من المويدين لها,وعندما تقاس أفرازاتنا في المجلس فأننا أسمى وأرقى من الجابرية والشامية,ولكن المشكلة في النظرة الرجعية التي تشكلون بها أرائكم عن الغير
كله مطقوق
مو غريب ان مصور الوطن دائما يكون بالقرب من هالسوالف؟
يا ترى هل نشيط زيادة ؟ أم في تنسيق مع بو بزمة الجهراوي
نسيت ادعوك انت وباقي الزملاء لمشاهدة بعض الصور التي التقطتها وشوية مقاطع فيديو
بالتوفيق
السلام عليكم
فويس
مشكور انت ايضا على تغطيتك
أحمد
مشكور يا حلو على التزامك بالتعليمات العليا و اسألك سؤال, شنو وضع راس اللي كان لابس امس قترة و عقال بهالرطوبة ؟
لا أدري عنك , بس انا ما ودي اصلع قبل الخمسة و ثلاثين
لول
عزيز
حياك يا حلو
مرقابي
اعذرني ياخوي ترى كاتب ان اللي اقوله حسب الذاكرة و كانت الاحداث متسارعة فيمكن متخربط شوي
فري كويت
التجمع كان منتهي خلقة بعد كلمة الخليفة و السعدون من البداية ما كان ناوي يتكلم و يخطب لأنه بيقولون اهو اللي ميمع النواب عشان ينتخبونه و يضغط عليهم
الطبطبائي امس ما كان بالفورمة ابدا
تويتي
من بؤط لباب السما يا رب
أنونمس
ممكن توريني وين تحاملت على الجهراء؟ انا لم اذكر الجهراء بسوء؟ شكلك مضيع
أنونمس
و النعم فيك و بالجهرا و صليبخات و الكويت كلها, بس ليش كاتب هالكلام هني؟ انا وا امثل وليد الطبطبائي و لم اذكر نواب الجهراء و اهلها بسوء؟
نورني الله ينور عليك؟
عاجل
ما اعتقد السالفة مفبركة, انا كنت قريب منها من اول ما بدت
اما عن مصور الوطن فلو تلاحظ الوطن عندها تغطيتين اليوم
التغطية اللي فوق زينة و شبه محايدة
أما تغطية مبارك القناعي فهي التغطية الموبوءة كالعادة
انسان مريض و منحط و الكذب عنده ببيزة و هذا كفوه او و جريدته
كاتب ان اللي عصب كان معترض على كلام النواب كلهم مو بس الطبطبائي, و كاتب ان المنظمين منعوه من الكلام بينما هم لم يسمحوا له بالكلام في الميكرفون كفقرة رئيسية من الحفل و ما ينلامون لأنه الريال كان معصب و ممكن يسب أو يخلقلنا مشكلة اخرى
و السخيف كاتب ان منعوه من التصوير , صج أثول, كل الجرايد صورت و انا مصور و شايفه واقف على بعد نص متر من الاحداث و يصور
عموما هذا متوقع من هالاشكال الوصخة
_______________________
للتوضيح
أعتقد ان الدكتور وليد الطبطبائي أخطا و غلط عندما قال الجهرا و الصليبخات و عنوان الموضوع غلطة الشاطر, يعني اعتقد ان ما كان اكو سبب معقول يجعله يحدد المناطق و يختزلها بمنطقتين , و انا شخصيا اعرف ناس من جميع المناطق كانوا من ضمن الحشود الزرقاء على قولتهم
من الدسمة و اليرموك و الضاحية و كل مكان بالكويت, مو بس الجهرا
و طبعا هذا ماله علاقة و اصلا ماني شايف فايدة من الهجوم الآن على العدالة الزرقاء أو غيرهم بس الله يهدي اللي كان السبب
و الحين خل يقول اللي شبكنا يخلصنا
و السلام
صح لسانك كله مطقوق، هم يبون يفرقون بينا، بس يوم دش صدام الكويت محد قال هذا جهراوي وهذا حضري، ابدا كلنا واحد، وماكو فرق، وهم اللي يبون يثيرون هالنعرات بينا.
وصح لسانك لما قلت انه الريال ماكان قصده، بعدين انا هم كنت يمه انت شنو كنت لابس، انا كنت لابس تي شيرت اخضر وماكنت اخز البنات صراحه :)
وبالنسبة للقناعي، صج تغطيته ماكانت محايده كلش، للاسف، يعني عمره الصحافي كبر عمري بالضبط تقريبا، بس مادري هو الله يهداه سالك مسلك ابوه في التبصم وحب الخشوم (هو ولد فيصل القناعي امين جمعية الصحافيين)
عالعموم يا جماعه لا تحرون نفسكم على ما ينشر في الوطن، الاول ابو حرامي ناقلات فطلع ولده حرامي حقائق، والثاني ابوه بصام فطلع ولده عليه، ناس تبي تاكل خلوهم ياكلون.. مرتزقة مالت على القيم اللي تربوا عليها !!
واعيد واكرر واقول...
مواق في مشيتك يالسعدون مواق
==========قاطعوا الوطن==========
الشرهه على أنا اللى أسألكم تنصحونى
ما راح تشوفون رقعة وجهى أبد والشرهه على اللى يوقف بعز الحر معاكم
صج مو كفو
وأعتزل البرتقالى من اليوم
أنا والجهراوى اللى طب فيه الطبطبائى
والبقيه جايه
ممكن اعرف شنو الفايده من هذا كله؟
صور حلوه
قواك الله
عندنا موضوع مهم
و في استفتاء ياريت تمر
سلام عليكم
اليوم يوم عجيب
أخيرا اعترف فينا بو راكان و حطنا بالجريدة, صج لي قالوا العمل العمل العمل هو الطريق الصحيح للوصول الى الهدف, اذكر ايام ما كان كل يوم يسوي دعاية حق زيدون و شلون كنت احتر و اقول مو قبول يسوي دعاية حق اللي يصيرله لكن ربكم ما يضيع مجهود العبد و أخيرا سوالي دعاية
انا اليوم سعيد
مجرم
والله ما احر نفسي بس اللي يحرني ان اكو ناس سذج يصدقون المكتوب بالوطن, و اللي يبط جبدي ان ماكو مصداقية, يعني لو السالفة محد ناقلها و شايفها جان ميخالف
كل الجرايد ناقلينها و مصورين و الأثول كاتب انهم مانعين الصحفيين من التصوير
شاي حليب
لا تعتزل و لا تزعل تعال نبيك
نارك و لا جنة اللي يعلقون بساحة الصفاة, عالأقل انت نقدر نتفاهم وياك
بس صراحة مصختها كل شوي جنك ياهل يسأل امه يوم العيد شنو البس و شنو البس؟ البس اللي تبيه اهم شي المشاركة
مركس كويت
ماكو فايدة والله, شوفتكم كفاية
نيله
خوش موضوع بس من قال انه مهم؟؟
لووول
سلام و مشكور ابو راكان
طلبت مني أنورك وراح أنورك:
أولا :طبعا اهني تحلطم و مشى بس مبين انه ناوي على شي
ثانيا:
و طبعا زاد الهرج و المرج و الحبيب استانس على الكاميرات و الصحفيين
فصعد على كرسي و قام يصارخ
أتمنى أنك تنورت أنا متأكد أنك متنور بس يمكمن خانك التعبير نفس الفضالة والطبطبائي وغيره وغيره
بس والله حرام عذبتوا جملة خانة التعبير أشتم وسب وألعن وحطها بظهر خانة التعبير مسكينة هالجملة
انونمس
ما نورتني الله ينور عليك
الكلام اللي ذكرته انا كاتبه بحق الشخص اللي صرخ و عصب بالتجمع مو بحق أهل الجهراء كلهم
اتقوا الله شوي و كونوا موضوعيين
بتلبسني تهمة غصب طيب!
انا قلت الريال تحلطم و مشى و شكله ناوي يسوي شي و هذا اللي حصل , ما كذبت
و قلت انه قام يصرخ و صعد عالكرسي و الصحافة ملتمة عليه و هذا حصل و حاطلك الصورة و تلقاها بكل الجرايد
بالله ما تقولي وين التحامل على الجهراء؟
kila ma6goog
الله يعينك ...هذي السياسة و ماتسوي , تعال فك روحك الحين
واحنا معاكم يوم الاربعاء. بس على الله ما يفنشوننا من وظايفنا كل يومين كاشتين بالدوام ورايحين تجمع برتغالي.
تستاهل الكويت
ياسيدي الموضوع طول
ياسيدي التحامل بأنك رافض أحتجاج الشخص
ياسيدي أنت خرجت الى الشارع لكي تحتج على وضع البلد خرجت الى الشارع لتحتج على الفساد
خرجت الى الشارع من اجل الكويت
فأسمح له بأن يحتج أسمح له بأن يقول أنا تعرضت لأهانه
وبس وسلامتك وأحيك على المجهود الذي قمت بة طاول الفتره السابقة
لأنني أعيش خارج الكويت وكنت أنت مصدر الأخبار لي بعد التضليل الأعلامي من قبل صحافتنا والحجب المتعمد للحقيقة
فشكرا لك من القلب ولكن أسمح لمن تعرض لغبن بأن يحتج
فيعلم الله أنني حزنت جدا من كلمة الطبطبائي لأنني من سكان الجهراء
ولتاريخ فأغلب من تكلم بنفس عنصري هم النواب المتأسلمين ومن كان مدعوم من قبلهم
فعلى سبيل المثال
عبدالله العرادة
مبارك الدويلة
العدساني
الفضالة
الطبطبائي
وتحياتي لك
السلام عليكم
لا تلوموني كل شوي اعلق , ابي اوصلهم اربعين مو عارف شلون
أود أوضح نقطة و هي انني قلت الوعد يوم الأربعاء أقصد التصويت عالرئاسة و ليس ان هناك تجمع فلا يضيق خلقكم, افراج
مذر
اي والله انا وين و السياسة وين, انا مال قص و لزق جرايد و طنازة
بيبسي
ماكو تجمع الاربعاء و بيني و بينكم انا اكثر واحد مليت من التجمعات, يبيلنا بريك
أنونمس
أول شي انا اشكرك على المتابعة و صدقني ياخوي انا احاول قدر الامكان لمن اكتب اكون موضوعي و محايد و لا اتحامل على احد و لا اجرح احد
و يمكن اللي متابع يلاحظ انني الى الآن لم امدح السعدون و لم انتقد الخرافي او الثلاثي, يعني انا جدا متحفظ بالنقد و مذمة الناس
حتى الشيخ احمد الفهد ما كتبت عنه انتقاد لأجل الانتقاد و اللي قلته فيه كان كلام موضوعي و وجهة نظر بدون تجريح
لذلك فأزعل عندما يتهموني في التحامل و التحيز و العنصرية
ياخوي انا مو ضد ان الشخص يطالب بحقه , لكن انا كنت قريب منه و حسيت ان الريال يبي يطلع اسمه بالميكرفون بأي طريقة و كان متشنج و الشباب متوهقين فيه
الشباب لمن يدعون النواب ما يقدرون يفرضون على النواب شيقولون و شنو ما يقولون , يعني قصة باصات الجهراء قطها الطبطبائي مو والله الشباب كاتبينها لأنهم عنصريين و الطبطبائي قراها
حتى سالفة مناقصة الخرافي اللي قالها عدنان عبدالصمد مو شباب الساحة
هذيل نواب و عندهم حصانة و جماهير و المفروض يكونون مسؤولين عن كلامهم, و حرام ان الشباب المنظمين يتحملون خطايا النواب
هذه وجهة نظري و آسف على سوء التفاهم و عزيز و غالي
بساعد عشان توصلهم أربعين
ودي أعلق على الحركة الأنتهازية الأسلامية
أستغرب من الناس أستغرابهم
من موقف الحركة الأنتهازية الأخير فالمتتبع لهم بتاريخهم عامودين وماقفهم أفقيا
يجد الكثير من من علامات الأستفهام
عموديا
تحتاج الى الكثير من الكتابة والشرح
أما أفقيا فأنها معاصرة بشكل مجازي
فمثلا في سوريا أجتمعوا مع ممثلين من النظام السوري لعمل صفقة وترك باقي التجمعات السورية المعارضة
وفي ليبيا تقدموا في مبادرة لعمر القذافي ويكون القذافي على رأس الصلطة
وفي مصر لم يترشح منهم أحد لرآسة الجمهورية ولم يدعموا أحد
وتم بموجبة السماح لهم بخوض الأنتخابات التشريعية
وأختم بنشيدهم الذي ينشدوه بعد نجاحم في كل أنتخابات في الكويت وتغنوا بة في الجهراء بعد الأنتخابات الأخير :(أن للأسلام صرحا كل مافيه حسن لاتسألني من بناة أنه البنا حسن)ليس محمد صلى الله عليه وسلم بل البنا حسن
الطبطبائي عفس الدنيا
السلام عليكم جميعا
في حكمه تقول لا تطلقن القول في غير بصر إن اللسان غير مأمون الضرر
وكل شيء أن زاد عن حده انقلب ضده
وسلامتكم
حياكم بالخيمتنا
اتشرف بالمرور
تجمع جيد
وان شاء الله تجمعنا يوم الأربعاء يكون أقوى وأكثر فائدة
نريد تحقيق التغيير، نريد أن نرى خطواته الأولى
قواك الله على التغطية المميزة
شسالفة الأوادم على تجمع يوم الأربعاء..
يبا ماكو تجمع يوم الأربعاء.. كل ما هنالك أن الجلسة الأربعاء وهنالك مجاميع ستحضر الجلسة.. لكن مو شي منظم ورسمي
واللي بيحضر الجلسة، حطو ببالكم إن الخرافي بيفوز، فلا تستغربون إن فاز وبلا حركات وتخريب والرجاء إلتزام الهدوء، لأن حركة أي واحد فينا محسوبة على الكل
إعذرني مطقوق إني تكلمت بالموضوع هني.. بس أبي أوصل التعليقات لي خمسين
يعطيكم العافية
Post a Comment