Friday, March 30, 2007

Too Busy to Think!

والله يضحكون الوطن و حملتهم الجبارة ضد الطالب السوري
تكفون منو الجهات الخارجية الدايخة و البطالية اللي بتدعم
تجمع القوى الطلابية؟
أخاف بس جيش المهدي و انا مادري؟

أذكر أيام أمريكا كانت المحلات الاسلامية تبيع
كاتشب و بيتزا خضروات و كاتبه عليها
حلال
ذكروني بباي باي لندن
معلوم اللحومات اللي عدنا كلها زبخ اسلامي

يا سلام على الدقرة

متسلق عاد؟

لول

هل من شروط الفنان ان اسلوبه

يكون شوارعي؟

يتقلقس؟

والله دينارنا أحلى و أرقى

شنو درون؟

و ليش حاط اعلام كل دول الخليج؟

شفايدة التوحد عجل؟

أشوف التدريبات على قمع المظاهرات زايدة هاليومين؟
تهقون نغزة؟
انا اقول لازم نسوي دورات فن التعامل الراقي مع المظاهرات
و بدون مطّاعات لو سمحتوا
بالتفاهم كل شي ينحل


لا تعليق

منو الجني الفاضي اللي يهد رؤساء الدول و البليونيرية و يجابل

مصور مسلسلاتك و ملابسه الداخلية؟
شهالجني الفاشل و شنو هالفنانين المهلوسين

لاكينه عصير راوخ من أيام الغزو

القضية و كسبتوها

ليش الفضايح؟


31 comments:

wonders.me said...

أي والله " بالتفاهم كل شي ينحل "
فشلون الناس اتفاهم؟

nEo said...

اقولك شي يكدر

العملة الخليجية اسمها (كرم) قمة


يعني تروح تشتري عشا يطله حسابك كرمين و نص!!!

كويتي said...

دقرة وائل الحساوي بردت جبدي .. لوووووووووووول

ـــــــــــــــــ

الله يستر .. جنهم يبوون الثورجية يا مطقوق .. مرة عرض قوات القمع .. ومرة تدريب .. ما يندرا شنو ناوي هذاك ؟!؟

ـــــــــــــــــ

من صجه هالخبل ؟!؟ شنو جني يلعب بصراويل مساعد المخرج ؟!؟

{ 13 } said...

عملة الخليج في 2010 بتكون روبية هندية ..وفي 2050 بتكون بيض ..لوووووووووووووول
بصراحه أحسن ناس يسوون مظاهرات ..المصريين ..يعني بليز ..ماشاءالله اي شئ يصير في أقل من 24 ساعه تلاقي ميدان التحرير ازدحم باليافطات وانواع الصيحات التظاهرية ..و" أضحك" مظاهرات في البحرين ..كل ماحد من الحكومة قالو لهم طيط ..عصبوا وتراكضوا بالشارع بيافطات لوووووووول

بـركـــــان said...

بعد التحيه

اسم دورون غريب عجيب ..
اما بالنسبه لمدح القضاء .. فهذه مشكلة نفاق اجتماعي قمنا نعاني منها الكثير مؤخرا ..

:)

بركـــان ثائر

As YoU LiKE said...

السؤال مو شلون تحركت الملابس الداخلية .. السؤال هو ليششششش الملابس الداخلية !

بالنسبة للدقرة مااعتقد انه جاسم بودي .. اتوقع شخص ثاني.

بالنسبة للعملة .. خلهم يخلون السفر بين الدول الخليجية بالبطاقة المدنية اول شي بعدين يوحدون العملة ..

بعدين اول مرة اسمع مكياج حلال ؟؟ شلون حلال ؟

سلام مربع

queenB said...

Dear,ma6goog&as u like, yes there makeup hala&pizza 7lal.do u know why they said that .it mean they didn`t use Lard from pig"which m`call it in arabic i think"Dhen alkanzeer".also vegetables some time when want vegetables look shiny they spray it with lard...

AyyA said...

KM
LOL, a very good one about “the Jasem Budai response “ :)
And I’m surprised that you didn’t get it Ma6goog, the director Alsalman is promoting his movie, and this is his brilliant, cheep way to advertise. And don’t be surprised; a lot of people will buy that :p

nEo said...

بعدين في سؤال قوي يطرح نفسه


ليش ملابس داخلية على السرير ؟


مسكين

Mohammad Al-Yousifi said...

سلام

شلونكم يا حلوين؟

مبروك عليكم فوز شذى حسون بلقب سطار أكاديمي

وندر
يوم كنا مسوين تجمع جدام المجلس كان فيه واحد من القوات الخاصة طوله 3 متر بعرض مترين , مصك اسمه فرج

عاد رحت قتله شوف اخوي وكت الصكة انت دز بس لا تطق, ما فينا شدة عليك

نيو
والله دينارنا ما فيه شي و ما نبي نغيره

ملقوف
لوول وائل الحساوي عطوه كشف التسلل

13
اعتقد احنا مظاهراتنا تفوز بلقب أكشخ مظاهرات

نظارات أرماني و تي شيرتات لاكوست و شورتات غاب

بركان
حق الفضايح يشكرون القضاء لأن حكم على خالهم

أس يو لايك
حتى لو شخص ثاني بس مادة الضغاط بثرثرة تعليمات مباشرة من السيد المحترم رئيس التحرير

كوين
اسمحيلي بس انا ماني مقتنع بهالسالفة و اعتقد ان هالتعقيدات مجرد استغلال للدين للتكسب

آيا
بس والله فكري فيها ليش عمرنا ما سمعنا عن مليونير يشوف يني أو رئيس دولة يطلعله يني؟

نيو
شكله اليني طالعله يقوله غسّل أندرويريك يا قذر

Unknown said...

ماكو عملة خليجية

فى احد يستقيل من بنك ويصير دمبكجى

صج الناس مذاهب

As YoU LiKE said...

queenb
يخرب بيته الخنزير .. ماخلو شي ماطلعوه منه.
بس هل في مكياج للأكل يعني عشان يصير حلال ولا حرام ؟

شكراً للتوضيح.

Chai-7aleeb said...

للعلم


إجمالى حجم مبيعات مواد التجميل و العطور بالخليج هى مليارين دولار سنوياً

حريمنا وايد يشخبطون على وجوههم

LiL ALiEN said...

kila ma6goog
As YoU LiKE
nEo

الأسئلة الاقوى

ليش فاصخين الملابس الداخلية باللوكيشن؟

شنو نوع المشهد اللي يتطلب من الشخص انه يفصخ ملابسه الداخليه وعلى "سرير" او "فراش" في بيت مسكون؟

راعيها said...

لوووول

الظاهر ملابسه الداخليه تحركت من الكائنات الحيه اللي عايشه فيها



الاعلان الاخير .. زين ماحطوا صورته بعد المسكين :)

الحجيه said...

السلام عليكم جميعا


عجيبة استراحت مدونتك تونس ما ادري من وين تطيح على هالمواضيع الأنتيكه كلش ولا مكياج حلال تحس العالم متخلفين معقوله يستخفون بعقول الناس

العملة الموحدة خل أول نوحد كلمتنا كدول خليج
خل نصير على قلب واحد عقب فكروا بالعملة

الحين عرفنا فضت التظاهر بس ما عرفنا سبب ثورة المتظاهرين !!؟

استغفر الله مو عارفين شلون يلفتون النظر أخر شيء ملابس داخليه خل يروح يتعالج احسله

تدير ليش الإعلان يكيدون العزال لااكثر ولا اقل

Q8Sky said...

LoooL aham shay el3omla eli etyeeb elmaRa`9 o el7aRij o el`3atha ba3ad ;/ !!

o 5al9eeny aby da3aya aFshaal 7aq elFilm el Fasheeeel ( o el ketab yebaien mn elsalman :S )

ThnXx Kila Ma6QoQ o Keep it UP ;)

متفرغ said...

هههههههههه ..... العملة الخليجية مثل الرفيج ينطرى لكن ما ينجاف و العملة انشالله راح تقر في 2110 .... و الصورة الاخيرة بصراحة لا تعليق من صجهم ستروا على ما واجهتو .... تسلم على هالبوست الخفيف الحلو :)

tweety said...

من صجكم اسم العملة جذي !!؟
حده يلوع الجبد


تصحيحا لمقتطفاتك : هذا مو فنان سلمك الله يقال انه مذيع يعني مارحت بعيد عنبر اخو بلال مو هالايام الكل يمثل ويغني ويذيع ويرسم ...


لوووول
على سالفة اليني
يعني دعاية حق برنامجهم ! بس صج تسائلت اشمعنى الملابس الداخلية اللي طارت !!!!؟

queenB said...

Dear,ma6goog, u better beleiave it !!!! after all these years muslim women they used makeup without complain .i think smart agent in arab world wanna made himself smart.all famouse makeup they are from lard...as u like lard is not just for food. also for make up and other thing like when u buy perfume saup also use it as spray to make old vegetable look fresh and shiny is not ingredents includ oil and that from lard?????.!!!at the end the problem from islamic country in USA or europe they don`t care.to them that business..and charge agent more money and agent sell it more expensive than regulare makeup we know.but i`m always confused why we care about silly stuff.awoman who buy makeup 7lal why..???!!!nothing happened before when she used from pig`s lard..i don`t know who crazeiest agent or who buy 7lal makeup..if she realy care about islam my opinion she dosen`t need makeup and that mean she is religious right??!!!is not that double standered!!!

Mother Courage said...

الأعلان الاخير:

الفلوس با بوسلمى تغير النفوس! شوفة عيني إخوان إخلصه يتزاردون بالجمعيات العمومية! الله يكافينا الشر!

Chai-7aleeb

نحب نلوّن...مواهب مدفونة !

Mother Courage said...

الله يا أحنا بنشق اليورو شق

=/

Unknown said...

عملة خليجية ماكو
عمان انسحبت
والكويت بالطريج للانسحاب وانا اتوقع احسن للامور كثيرة

قناة فلاش الصراحة تضحك عليها برامج
واهم شى الاعلانات

بعدين شقصتهم على سالفة المظاهرات ترى احنا شعب مسالم وطيب حدنا نحذف قواطى بيبسى بملعب لخسر العربى او القادسية
والا اقولك القادسية ما يخسر
والبنات يبجون بالمطار على بشار الشطى

يعنى احنا حدنا رواااق
خل يهدون اللعب علينا شوى:))

Unknown said...

يوم كنا مسوين تجمع جدام المجلس كان فيه واحد من القوات الخاصة طوله 3 متر بعرض مترين , مصك اسمه فرج

هذا ردك يا مطقوق

افاااااااا ما طلعت تنحاش
مرة ثانية قولى اعلمك شلون تصير مقاوم شرس
تفل عليه وارررررركض
:)))

Almas said...

قوة

أهو فيه مكياج حلال .. ومكياج حرام؟

الحلال فهمنا

بس .. المكياج الحرام شنو يعني؟
مصنوع من خلاصة عصعص الـ (-)مثلا وإلا شنو بالضبط؟

والله بلشة هالناس كل واحد يبي ينشهر مو عارف شلون

الجني الفاشل والمخرج

أهو من يوم ما مثل دور طروب وحالته كسيفة
الله يعينه على ما بلاه ربي

Unknown said...

عبدالله السلمان !! شيء عجيب وفلاش قناته الفاشله هم بعد شي عجيب

من صجه؟ أخاف حاشته لوثه

N said...

الاتحادات يقولون ان وجود تجمع القوى الطلابية غير رسمي
زين الاتحادات هذي نفسها..هل اهي رسمية؟ وقانونية؟
مشكله اللي يتفلسفون ومايدرون شالطبخه
اللهم اتحاد امريكا اهو اللي رسمي
-

شسالفة الخليجيين ويا البعير؟
ماني خابر قبل يعبدونه بشبه الجزيرة
-

وائل الحساوي .. قـمّـط

أبو جيج يدور نعاله said...
This comment has been removed by the author.
KuwaitVoice said...

لوووووول فيلم عبدالله السلمان

الصراحة ضحكني .. يا عبيط يا يستهبل

بوست رائع مطقوق

Unknown said...

جاسم بودي
دقرته قويه

0

و العمله الجديده

إسمها بايخ

شنو درن!

إسم مرض

0

و المظاهرات حدها نغزه
بس حق منو ؟

Sara said...

اي والله القضية واكسبوها ليش بعد رازين اساميهم يالجريدة :/

وبالنسبة للقاء الجديعي ترا مو شرط يكون هذا أسلوبه بالكلام، ممكن يكون أسلوب اللي كاتب اللقاء، الجرايد والمجلات صايرين يكتبون بأسلوب غير لائق ويتلفظون بألفاظ جديدة بعالم الكتابة .. للأسف زايدين هاليوم والناس مستانسة :/