Monday, May 14, 2007

طرزان

ندوة لي متى؟
7:30
جمعية الخريجين
تجمع القوى الطلابية
الثلاثاء 15-5

عزيز و غالي يا طرزان
أبشر بالفزعة يا ابن العم
و منا الى الاخوة القراء
نبي فزعتكم حق اخوكم طرزان

ما هكذا تكون الخصومة يا جريدة الراي


يا جماعة ذكروني بموقف الراي العام من نبيها خمسة؟


مسك الختام

نائبنا العزيز وليد الطبطبائي

أول شي شلونك؟

انشاءالله مرتاح؟

أدري انك مضغوط و الشغل معور راسك

بس

هذا مو عذر انك تخوره بالتصريحات

شنو هالعقلية و التحليل العبقري ؟

ايران متحالفة مع أمريكا؟

و شنو تقصد بأنك تغضب على حال السنة في العراق و ايران؟

هل هذا عذر لاضطهاد الشيعة في الكويت؟

يعني وحدة بوحدة؟

و بعدين تقول انك ضد الطائفية؟

و تصرح ان ارهابيين شيعة دشوا الكويت؟

اتق الله يا أخي و فكنا من تصريحاتك

تكفه جابل وزير الأوقاف و وخر عن سوالف سنة و شيعة و عراق و ايران و أمريكا

46 comments:

LiL ALiEN said...

موفاهم!

يعني ندوة لي متى؟ تبون تناقشون فيها شلون تدورون على طرزان والراي تبي تساعدكم ان تنشر الخبر والطبطبائي يقول ان الطرزان ارهابي شيعي؟

انزين الغدا شنو؟

حسام بن ضرار said...
This comment has been removed by the author.
حسام بن ضرار said...

طرزان:

هذا لو آدمي ضايع جان ما اكتبوا عنه جذي

ما اقول إلا الله يعين شيتا على فقدانك يالطرزان




جريدة الراي:

عيب الصحافه تكون رسالتها جذي





الطبطبائي:
بعيداً عن الحسابات الاخرى
الاخ الشيخ الاستاذ الدكتور النائب بومساعد صاحب نكته و طرفه و تصريحات ناريهبس في نفس الوقت ياليت ما يكثر من هالسوالف عشان الناس ما تمله و خل يركز على خدمة قضايا المنطقه اكثر

و اعتقد ان السياسه لها ناسها الذين هم بالتأكيد ليسوا رجال الدين

Alia said...

ما قلت لنا شنو كانت نتيجة البوست اللي طاف ؟؟ الناس تقبلوا الملاقة وإلا لأ؟

أربعين كومنت .. راضي علينا؟

Unknown said...

انا اقول يا بخت طرزان بس هذا الشغل على الاقل لى ضعت تحس فى ناس مهتمة

Anonymous said...

enzain lish 6arazan? Tarzan shlon 9arat 6arazat, qa9di lesh ma ektiboo eb 7arf el taa2?

Ana bathil fe Tucson Dar el 7annan a7sanlii :p

أبو إسحق said...
This comment has been removed by the author.
أبو إسحق said...

معدل وزن القطو 2.5-3 كيلو و طرزان 6...ثور مو طرزان

صحيفة الراي ... عيب و الله

و الطبطبائي مو نفسه اللي كتب انا احب الشيعه بالجريده ؟ الله يعينه على نفسه

ناصر الكويت said...

طرزان على حسب المنطقة الى ضاع فيها

اذى العاشرة الامل معدوم


مطقوق ليش عصبت

إيران اجدع ناس ولا تزعل

Mother Courage said...

كلة مطقوق


اهو عنصري لأنه ضد ايران... انزين لو كان مع ايران؟ بيكون خوش ريّال أكيد

Mohammad Al-Yousifi said...

السلام

الين
والله اني ميت يوع و ليلحين مو متغدي و الساعة 10 بليل

اعزمني؟

بن ضرار
مشكلة الطبطبائي انه يعتقد انه مثل مسلم البراك و الصرعاوي و فيصل مسلم متمكن من الخطابة و اطلاق التصريحات النارية

وهقنا ايام نبيها خمسة قط قطة على الجهراء و بغت تصك هوشة بسبته

علياء
اربعين كومنت صراحة احرجتوني فيها

جد والله ترى انا بانزيني الكومنتس

حطي و مسحي

مشاري
جذي يكونون معلقين فيه الجنطة اللي فيها دفتر الجيكات و سويج التجوري؟

ليالي
كان فيه مطعم اسمه رويال كباب شخباره؟

على كامبل و جلين او قبل شوي

أخيه

ليت الشباب يعود يوما

ابو اسحق
الطبطبائي ماشي على طريقة

أحبكم يا كفار , اموت عليكم يا عيال الرافضة

ناصر الحلو
ضربتني عالوتر الحساس

مذر
طبعا ودي عاوزة كلام

iDip said...

صورة شخصية رياضية+نقد هدام

أحد سمات الصفحات الرياضية عندنا
حتى جريدة الوسط الجديدة
بلشت بمرزوق الغانم وثنتها بطلال الفهد

أنا على يوم بحط صورتك.. وهات يا نقد


على طاري نائبنا المغوار بومساعد
ترى الريال يعشق السباحة
ومتحلف بـ
Ian Thorpe

مثل ما انا متخلف فيك
;p

نشوفك بكرة؟

tweety said...

أنا أقول لو تتصل بأهل طرزان اتشور عليهم ياخذوني أشتغل عندهم طرزان
أكون شاكرة لك

بلد طرزانااااااااات يا جدعان

wakee7 said...

خلاص ما راح اصيد كومنتاتك على قولتك

:)

N said...

موقف الراي من حملة نبيها خمسة قامت بتزوير وزيادة عدد الجموع الزرقاء :P

طرزان طرزان وشيتا رفيقه..

الطبطبائي صاحب الصوت الناعم الخافت لازال "يغثنا" بتصريحاته الطائفية
الدوده تلعب !

Mother Courage said...

اذا هجمت علينا ايران, من بيكفلنا؟

;-p

متفرغ said...

حشى مب قطو روبوت ... مدرب وله اوراق ثبوتية و الله حاله .... المهم عاد يلقونه :)

ButterFlier said...

Kafoo 3alaik ya altheeb o wedi ashoofik bacher eb jam3eyat alkhereejeen balbislik warda 7amra ;p

كويتي said...

مطقوق ترا (ليل إلين) قاعد يحش فيك عندي .. لايقص عليك بجم عزيمه :P

bo_sale7 said...

طرزان هاذا سالفته سالفة

اما بالنسبة لبومساعد ..سوالفه ما تخلص ...بس سالفة انه ايران متحالفة مع امريكا ..ما استبعدها ...تذكر ايران غيت ؟

بعدين بعالم السياسة مافي عدو دائم ولا صديق دائم ... الكل يمشي ورا مصلحته ...بدون حيا ولا دين
ان كان ايران ولا غيرها

السياسة يبيلها بعد نظر وتكتكة

تحياتي

barrak said...

بالنسبة لموضوع جبوري
شلون جذيه يتكلمون عنه واخوه الى الان يكتب بنفس الصفحه

Ra-1 said...

آنا لما شفت الإعلان اكسروا خاطري إن القطو ضايع وشكلهم يحبونه وايد
بس المواصفات إلي كانبينها اتخلي إلي يلقاه يبوقه مو يرجعه :p
وبعدين مو كاتبين إذا في مكافأة !
:)

Almas said...

مسكين .. والله ترزان مايستاهل

مضيع بيتهم! .. يا حراااام

كسر خاتري

وعليا .. أخاف يتيح بحفراا ويتأور

ما يقدر عالتيحات

عفية لا تخلونه بروحاا

KQ8 said...

بوسلمى

الى متى..صج الى متى هالندوات..وبعدين..للحين لاطبنا ولا غدا الشر

==
بخصوص طرزان..تلقاه رامينه..الحين..ولا مديوس وطابع بحدى شوارع الكويت

blacklight said...

لاحظوا أن الطبطبائي كلما ياب طاري إيران دخل سالفة شيعه الكويت بالموضوع بشكل مباشر أو غير مباشر صج عيب عليك يا نائب "الأمه" والأمه منك تتبرى

فعلا الوضع بالكويت صار مخيف هجمه صحراويه على الحريات العامه نائب يثير الطائفيه دون استنكار أو مطالبه برفع الحصانه
تحركوا يا جماعه ترى عطينهم ويه بزياده.

Mohammad Al-Yousifi said...

السلام

آيدب
يالله شوي و ياي

تويتي
بس لازم تجتازين اختبارات الذكاء و اللغة اللي اجتازها طرطر

وكيح
أيوا يا راجل

وقار
دودكي

مذر
أحرجتيني بسؤالج

بس في سؤال ثاني و هو

ليش تهجم علينا ايران؟ مسوين شي غلط؟

متفرغ
سمعت انهم لقوه عند سفارة القطاوة يشترط ما يرد الا اذا زادوا معاشه

بترفلير
عاد سلّم

ملقوف
ما حش الريال

أعترف انها سيارتي و انا ما غلطت

لوول

بوصالح
ما قلنا شي

بس عاد امريكا طقت طالبان و صدام عشان ايران؟ هذي سذاجة وانا اخوك

السؤال لو طقت امريكا ايران فهل سيكون ذلك أيضا تكتكة بينهم؟

دكتور براك
مو هذا اللي باط جبدي و انا شخصيا من معجبين بو بدر بس صراحة ما هقيته يسوي بأخوه جذي مهما كان السبب

را 1
المكافئة من طرطر

الماس
تهقين طرطر يصيف بالكويت هالسنة؟

كراكوتا
ندوة و فعل تمام

ندوة و بدون فعل مو مشكلة

بس نو ندوة و نو فعل هذي مصيبة

شي أحسن من لا شي

بلاك لايت
طبطب ما عليه شرهة بس الخوف من اللي يقتنع بكلامه و هؤلاء كثر للأسف

جهل

ButterFlier said...

asalim 3aad

الحارث بن همّام said...

الله يا كثر الطرزانات اللي عندنا بالفريج ..


حسافة على جريدة محترمة مثل الراي تلوّث صفحاتها بهالحركات الصبيانية

Anonymous said...

The problem that everybody is talking about is that America will attack Iran or vice versa.
What is everybody doing is just talking and not searching the parameters of the problem or the backgrounds of it. Ok Bush is stupid, but not that stupid, and he might even be smarter than you think. It is a matter of Money Money Money. The national American Debt has reached $8,821,195,283,845.75 in simple words, its almost 9 trillion Dollars. The national Debt is increasing in an amount of $1.38 billion per day since September 29, 2006!
Lets go back an look at what happened in 1929 when the stock market crashed an the US went in a Great depression. And lets remember that most of the inverstments in the United States are from the GCC countries. Taking this money out of the the US markets will Cripple the US economy and will make the US of A go through another Great Depression.
With the currenct dept, imagine when attacking the Iran, most likely the Debt will tripple which will make it 27 trillion dollars atleast, and with the withdrawl of the money from American markets, imagine the size of the imflamation in the prices, it will be the End of what we know as the Great US of A. Remember that what supports the United States as a Country is the Economy and nothing else, and without it... i think you got the picture. As i said before, the currenct Adminsration is not that stupid and might be Smarter that what you think.
Statistically most Dicision influencors in the congress are Aristocrats, the wealthy ones, the big corporations, what would they think about that?
that is just my humble opinion, i got sick and tired of people talking about a potintial war, but nobody ever researched it a little bit.

Kar

Anonymous said...

كلش ولا طرزان !!!
مادري شفيكم عليه بالعكس..هالطرزان يستاهل يسونله حملة و مظاهرات شعبية للبحث عنه !
إذا تبون طرزانات..تعالوا فريجنا عقب الغدا ولا تالي الليل..تشوفون "قززز" من الطرازانات العتوية



الطبطبائي مع تصريحاته النارية لم تختلف على ماجاء على لسان أحمد لاري الإسبوع الماضي في إستهجانه بسبب تعرض الجزيرة لأحد معازيبه الطائفيين..
إبتلشنا بهالمطاوعة..وجوه مختلفة لعملة واحدة = التخلف و التعنفص !






جريدة الراي..المفروض تتحول إلى صحيفة موسيقية تختص بأغاني الراي المغاربية..وايد أفضل من أخبار الأحوال الشخصية و الفضايح بالمخافر "السبهللة".



Alia

****
انا اشوف هالبوست مليق..بس هم راح أعلق و بشوف..مهما تزيد بالملاقة يتكون الإبداع و الفضول
يلله ملقلق



-----------------

EXzombie said...

قطاوة و طيور و جلاب، هذا جنه ريوق كوري، الطبطبائي يوم تضحك عليه و يوم يعجبك بالكلام، و سوالفه ما تنمل، يسافرلك لي اخر الدنيا علشان يوصل "التجربة الكويتية" للعالم و فجأة تقرى انه غرق بالبحر، يطالب مع الي طالبوا بمنع "بربيكان" و باربي و لما قابلناه و سألناه تعنفص و و عصب.....!!! الطبطبائي ترى يونس، الدقة مو بروحه يعني ياية من الصوبين القلاف من نفس النمونة، و يمكن اكثر شي ضحكت عليه لما طاح و قام يلعلع انه دموع نساء اهل البيت برقبة الناخبين لأنهم ما صوتوا له.......!!! الطبطبائي و القلاف يدرون منو الارهابيين الصجيين و ساكتين عنهم

بعدين يا كثر ندواتكم لما اكون برة الديرة، شوفوا لكم صرفة ضبطوا ندوة اقدر احضرها، و على الرأي ما ادري شقول انا للحين اقراها، بس هالحركة غبية منهم، اخوه زميل لهم، يعني بيسكت على هالشغلة.....؟!؟!؟

Almas said...

طرطراني .. يمكن يصيف عندنا

عاد أهو حاصله؟

هالدلال .. والنغنغة .. والأناسة

وين بيحصلها؟

خل يسترييييح بمكانه ويهيع

Mohammad Al-Yousifi said...

السلام

بترفلير
ليش ما سلمت؟

الحارث
اي والله

حمودي
علمهم فهمهم

عتيج
على قولتك

اكزومبي
عطنا نوت قبل الوصول بشهر

الماس
الله يرحمه

نتمنى فوز منتخبنا اليوم

ButterFlier said...

ma a3rif shaklik

Chai-7aleeb said...

الراى..... والراى الآخر

MA7AD said...

tars el-6razanat bl-deeRa oo bl-majles ;p

Shurouq said...

مطقوق
بودي كان يبي جريدته وتلفزيونه يصيرون برتقاليين، بس ما حصل له

ذكرني لي شفتك أقول لك السالفة


وطرزان.. طرزان.. يصعد الشجرة بدقيقة
طرزان.. طرزان.. اهوه والشاذي رفيجة

Mohammad Al-Yousifi said...

السلام

المزاج زفت و الحمدلله

الجو بره غبار و المباراة مليقة

فلير
لابس أضيج بولو شيرت بالندوة

أشوكا
طرزان يطلع روبن هود على حرامية المجلس

شروق
همم شكله بو داهم واضح البوسسس

شاي حليب
الراي و الراي الاهلق

bo bader said...

بو سلمى شلونك

ودي أعلق على موضوع أهمية الندوات واللقاءات العامة.

برأيي الخاص أن تكرار الندوات والمناقشات العامة حول أي موضوع له عدة فوائد:
١- يساهم في توعية المواطنين بقضايا هامة وملحة .
٢- يساعد على تكوين رأي عام مستنير بين أفراد المجتمع .
٣- يزيد التواصل بين المواطنين وممثليهم النواب ليزداد الضغط عليهم لمتابعة أي قضية يراها الشعب مهمة .
٤- وهي فرصة للتيارات السياسية لطرح ما لديها وتمكين المواطن البسيط من التحاور معها .

صدقوني ان الوعي الشعبي الكويتي ما زال دون المستوى المطلوب ويجب الإكثار من الأنشطة السياسية العامة لزيادة نسبة هذا الوعي

Doctor said...

عزيزي بوسلمى
جابر نصار
استغربت هذا الهجوم وبصراحة شيء جميل ان تتطرق لمثل هذه الامور الدخيلة على الصحافة الكويتية يا عزيزي اختلاف الرأي لا يفسد في الود قضية لكن الظاهر هذا الراي في جريدة الراي شي ثاني ومختلف
الطبطبائي
بومساعد الله يهداه امسوي روحه اسكت قبل يومين كاتب عن خلافة الامام الحسن عليه السلام وقبل جم سنة مقالة انا سني واحب الشيعة وهو طالع نازل نقد وكلام عن الشيعة اي تناقض اكثر من هذا!!!!!صج جلة حيا

Яeema said...

عجيييييييييييب إنت
ههههههه

ButterFlier said...

o 3alamik metrasis ;p

min 3end allah alsa3a yakhooy

Unknown said...

ليد الطبطبائي يظحكني اكثر من النكت ملوت الصعايده او المحششين لانه بالظبط مايدري شيقول واهبل الله يبعد الهبل عنا وعنكم . والمشكبه انه يطلع الاول :(

بـركـــــان said...

على سالفة القطو طرزان .. اول مره اشوف عتوي اسود يكسر خاطري صاير لونه رمادي على بني من كثر الغبار .. مو ناقص الا احد ينفضه ..

بركــان ثائر

Q8links said...

مطقوق

عندنا اعتراضات كثيرة على الطبطبائي لكن في بعض المواقف لا تملك إلا أنك تحترمه

تحياتي

Mohammad Al-Yousifi said...

السلام

بو بدر
هلا بالحبيب

أوافقك الرأي بأهمية الندوات و خصوصا هذه الأيام لأننا فعلا نعيش في مرحلة عنق الزجاجة

الجماعة مهسترين و ناوين يوصلون الأمور الى مستويات جديدة من الانحدار و الكفر

دكتور

القصة مو قصة يحب أو ما يحب الشيعة فهذا رأيه و كيفه , لكن كنائب في مجلس الأمة المفروض يكون أذكى من جذي و يعرف شلون يصرح و شلون يتكلم

يعني شنو مصلحتنا من الكلام عن حال السنة في ايران أو العراق؟

هل هو جاهل ما يدري عن الفتنة و القتل من الطرفين اللي صاير بالعراق ؟ هل يود ان يشارك اخوانه العراقيين و يساعدهم من خلال ممارسة نشاط مكمل في الكويت؟

و ثاني شي يقول ارهابيين شيعة دخلوا الكويت؟! ما سمع الأخ بالقاعدة و أسود الجزيرة؟ و الا ذيلي بالنسبة له رفاق و شرطة الكويت أهم الأعداء؟

اهو عموما مو مال تصاريح و صيدة حلوة للجرايد

ريما
ما شفتي شي
:)

بترفلير
أي ساعة؟

حمودي
ما اعتقد الانتخابات الياية يطلع في المقدمة

بركان
شوف من ناحية أخرى تصدق ما الومهم

يعني طرطر ممكن يكون اوفى من بعض بني آدم و أفضل منهم خلقا فلا تلومهم

ترى الصديج الوفي نادر هالأيام

كويت لنكس
من ناحية الاحترام فالحمدلله نحترم الجميع سواء طبطبائي أو غيره

لكن عندما يخوره شخص بهالطريقة فيجب أن ننتقد و ما اعتقد اننا كفرنا بالنقد

بالعكس حدي صاير مسالم هالأيام