ضايق خلقي
.
لحد يسأل ليش
.
بس هذي الهبة اليديدة
.
من رديت من لبنان و كل ما أشوف أحد يقولي ضيقة خلق
.
عسى ما شر شباب و شابات؟
.
.
عموما
.
أعترف لكم بأن المزاج 24 تحت الصفر
.
و ما عندي شي يديد
.
يالله مع السلامة
.
.
مشتهي تموت؟
.
مو بكيفك أصلا انت لازم تموت
.
بس ها ؟ مو كل موته موته
.
لازم تموت موته زقرتية
.
موته تليق بمقامك العالي و قوامك الرشيق
.
لازم تخطط حق موتتك
.
تبي موته عادية و الا مشتهي يضيفونلك لقب شهيد؟
.
.
تبي اعلان عزاك يكون نص صفحة داخلية و الا ربع صفحة خارجية ؟
.
جاوبني ؟ ما أسمع ؟ ما تفرق؟
.
لا ياخوي ذاك أول ما تفرق , الحين لعبتها بالموته
.
حتى شوف؟
.
. وايد ناس ما درينا عنهم و هم أحياء
.
.
اذا كنت عايش بدون برستيج , فالأفضل أن تموت ببرستيج
.
***
.
. نداء الى كل تجار المخدرات الأعزاء
.
أول شي يعطيكم العافية على مجهودكم الجبار في تهريب المخدرات
.
و تسويقها بالشكل الصحيح في البلد
.
و الحلو فيكم انكم تتبنون خطط توسعية مدروسة تمام
.
.
و حرصا من الادارة العامة لمكافحة المخدرات
.
فقد قررنا نشر صور
.
فريق ادارة المعلومات في المكافحة
.
مع رئيسهم بدون نقص و لا زيادة
.
شوفوهم عدل و تمقلوا فيهم
.
هذيل كلهم مباحث و مخبرين
.
مو يصيدونكم؟
.
.
. شباب احياء التراث
.
يبون المدينة الترفيهية حقهم بروحهم
.
يستحون يلعبون جدام البنات و العايلات
.
.
.
.
شوي غالي
.
***
.
أحيانا يستأسد الشيطان على عقلي
.
و يبدأ بنشاطاته الوسوسية
.
وس وس وس ,,,,, وس وس وس
.
فيزوغ العقل و يهيم بعيدا عن الحق
.
و فجأة
.
تتدخل يد القدر و يتملكني الجوع
.
و أفتح الثلاجة
.
لأرى بأم عيني الدليل القاطع
.
و البدر الساطع
.
الباذنجانة
.
. و الخيارة
.
.
أشهد أن لا اله الا الله
.
و ناطر رحلتي القادمة للشبرة لأشهد أن محمد رسول الله
.
***
.
يمهل و لا يهمل
.
الآن
.
ينام الشيعة و هم مرتاحون
.
يحلمون و هم يعلمون
.
يقينا
.
بأن هناك من يفهم أحلامهم و يفسرها بالحق المبين
.
سيد عيسى
.
فالك الطيب
.
دربك خضر مولانا
.
.
كما توقعنا
.
بدأ أهل البيت في الظهور بالأحلام
.
الفال للمراجع العظمى
.
.
الاخ زوجته متوفية - الله يرحمها
.
و مقحط , واصل حده
.
متعشي أم الربيان و نايم
.
حلم فيها حلم وردي
.
السيد عيسى يقوله تذكرها بالحسنى و قراءة القرآن
.
ما عليك منه حجي , روح صيّغ
.
.
الأخ الأول يقول حلمان بخروف
.
التفسير : ترزق بولد خروف مثلك انشاءالله
.
اللهم كثّر خرفاننا
.
آمين
.
الأخت الثانية حلمانه انها قاعدة بالمكتب وحيدة
.
التفسير: راح تتفنشين انشاءالله و الله أعلم
35 comments:
متابعة لك
إستمر,, ترا تعليقاتك تفطس من الضحك حتى لو كان ضايق خلقك
محتاجين نضحك
محتاجين نضحك
definitely need a vaccation!
حتى انا ضايق خلقي مو تشوفني ما اشبك خير شر
بس ضحكتني حسبي الله على ابليسك اهم شي الحلمان
الحمدلله عالسلامه
تو ما نورت برمانا :P
الحمد لله على السلامة .... سيم سيم كلنا فالهوا سوا مالي بارظ اكمل هالبحث اللي قاعد مثل الهم على جبدي .... بس الله يوسع صدرك مثل وسعت صدورنا بهالبوست الحلو :)
راح تتفنشين لوووووووووول !!!!!!
ههههههههاااي
داش بقوه الموسوي
باجر بتشتغل المنافسه بينه و بين النهام و النهام يستقطب جمهور الشيعه و الموسوي يستقطب جمهور السنه و كل من يفسر عكس الثاني
اما سالفة الباذنجانه و الخياره
سبحان الله، تونا نعرف ان الدين حق
مالت على الجريدة الغبيه اللي نشرت لراعي القرون اللي دز لهم هالصورتين
قاعدين يهينون الدين بسبق الاصرار و الترصد
تسلم ايدك على الاختيارات الحلوة
مشكور
الحمد لله على السلامة يا بوسلمى
و مجموعة من المقتطفات الجميلة جدا جدا حقيقة و قرينا السطور و اللي بين السطور بعد
:-)
و كلامك كله لا غباااار عليه
موفق إن شاء الله
هذا دليل قاطع على انتشار الإسلام و أن لجان التعريف بالإسلام قائمة بدورها على أكمل وجه لدرجة انه حتى الخضرة تحمل لفظ الجلالة
و لله في خلقه شؤون :)
looooooooooooooool wala inta 6omasha keep it up!!!
LOOOOOOL
walllllllah bad3at ;p
3ad 9ij y6l3oon 7ameer itha chakooohum ;p
o maskeen hali 7alman eb murta he misses her :(
:) انتحر
بو سلمى لاحظ ان السلفيين خذوا يوم السبت واهو يوم مخصص للنساء ... شمعنى السبت يعني !!
ترى السالفة ما فيها قوامة بعد :)
ضيقة الخلق هالأيام شغالة عدل والمزاج يهودي !! نبي مفسر بو عجفتين وقحفية بعد رحم الله والديك لأني حلمت إني قاعدة أحلم حلم إبن ستين حلم مايخلص
الدنيا بكبرها طماشة بعد ياي تقلص حركاتها الأرعة ببلوقك ^^ زين شغلة المفسرين تطلع فلوس شغل عدل ولا لأ ؟؟
=/ چووود ننفع وننتفع ونعيماً جميعاً
Nice BloG 9ara7ataN ^^
مسكين الحاله ناشفه عند اللي حلمان بزوجته هههههههههههههههههههههههههههههههههههههههههههههههههه
LOOOOL the best start for our weekend LOOOOOOOOOOOOL
اذا كنت عايش بدون برستيج , فالأفضل أن تموت ببرستيج
They should use this as their motto;)
مطقوق انت بصراحه ظاهره محيرتني مره علماني مره طائفي مره عقلاني مره عاطفي
مو عارف شنو مايتك ليلحين
خوش بوست :)
سلام
السلام عليكم
بوسلمى .. مدونة يديده ونتمنى مروركم ورأيكم بالموضوع ..
http://freej-alhailag.blogspot.com/
روح صيغ
ههههههههههههههـ
الله يقطع سوالفك
اخجلتم تواضعنا
هذا بروزاك مو فريح سعود
خف شوي لا تحوشك حوبة وتنطق بالحلم
العزيز موزارت
انا اللي محيرني انك تبي تعرف مايتي و غصب طيب تبي تدعسني داخل أحد هذه الصناديق الي ذكرتها
مع احترامي لها بس صعب اني اندعس في أي منها
شكريا
الله يرزقنا ضيقة خلقك اذا كذي :)
لا اضحك معاك ... الله يتمم عليك هالخفة الدم واستمر :)
لوووووووووووووول
احلى شي التفسيرات
لو سمحت بغينا بوست خاص عن الاحلام والتفسير
بليز
;p
عجيب
انا مو مضيق خلقي الا فريج سعود!
وانت تقول ليش ضايق خلقكم فريج سعود عندكم!
ضايق خلقك وانا موجوده ؟
ana mo thayeg khelgy :p
u crack me up i know i can always come here for a laugh or a brain scratch
شيطانك حده
cute wes wes wes
ششششششنسوي ظيييييقه خلق
حرررررررررر
متنحييييييييين سايحين من هالشمس
انا بقدم اعتذار حق الغبار ابيه يرد
شوي ابرك من هالشمس
اماااااااا الحلم الوردي
كااااااااااااااااااك
مرات انت تبدددددددع
lawyer
مرات؟؟!؟!؟!؟!؟!؟
هههههههه .. أم الربيان
لوووووووول
lool aham shai tafseer ela7lam :p
Post a Comment