Thursday, July 24, 2008

ضايق خلقي

ضايق خلقي
.
لحد يسأل ليش
.
بس هذي الهبة اليديدة
.
من رديت من لبنان و كل ما أشوف أحد يقولي ضيقة خلق
.
عسى ما شر شباب و شابات؟
.
شلون يضيق خلقكم و عندكم فريج سعود؟
.
عموما
.
أعترف لكم بأن المزاج 24 تحت الصفر
.
و ما عندي شي يديد
.
يالله مع السلامة
.
.
مشتهي تموت؟
.
مو بكيفك أصلا انت لازم تموت
.
بس ها ؟ مو كل موته موته
.
لازم تموت موته زقرتية
.
موته تليق بمقامك العالي و قوامك الرشيق
.
لازم تخطط حق موتتك
.
تبي موته عادية و الا مشتهي يضيفونلك لقب شهيد؟
.
تبي تندفن بنص المقبرة بين الفقاره و الا تبي قبر زاوية على شارعين؟
.
تبي اعلان عزاك يكون نص صفحة داخلية و الا ربع صفحة خارجية ؟
.
جاوبني ؟ ما أسمع ؟ ما تفرق؟
.
لا ياخوي ذاك أول ما تفرق , الحين لعبتها بالموته
.
حتى شوف؟
.
.
وايد ناس ما درينا عنهم و هم أحياء
.
اكتشفنا قيمتهم الحقيقية بعد ما ماتوا
.
اذا كنت عايش بدون برستيج , فالأفضل أن تموت ببرستيج
.
***
.
.
نداء الى كل تجار المخدرات الأعزاء
.
أول شي يعطيكم العافية على مجهودكم الجبار في تهريب المخدرات
.
و تسويقها بالشكل الصحيح في البلد
.
و الحلو فيكم انكم تتبنون خطط توسعية مدروسة تمام
.
حتى يهال المدارس خليتوهم يدمنون
.
و حرصا من الادارة العامة لمكافحة المخدرات
.
فقد قررنا نشر صور
.
فريق ادارة المعلومات في المكافحة
.
مع رئيسهم بدون نقص و لا زيادة
.
شوفوهم عدل و تمقلوا فيهم
.
هذيل كلهم مباحث و مخبرين
.
مو يصيدونكم؟
.
ترى أقول عنكم حمير
.
.
شباب احياء التراث
.
يبون المدينة الترفيهية حقهم بروحهم
.
يستحون يلعبون جدام البنات و العايلات
.
مع ان لعبة السندباد ما تخوّف
.
.

.

شوي غالي

.

***

.

أحيانا يستأسد الشيطان على عقلي

.

و يبدأ بنشاطاته الوسوسية

.

وس وس وس ,,,,, وس وس وس

.

فيزوغ العقل و يهيم بعيدا عن الحق

.

و فجأة

.

تتدخل يد القدر و يتملكني الجوع

.

و أفتح الثلاجة

.

لأرى بأم عيني الدليل القاطع

.

و البدر الساطع

.

الباذنجانة

.

.
و الخيارة
.

.

أشهد أن لا اله الا الله

.

و ناطر رحلتي القادمة للشبرة لأشهد أن محمد رسول الله

.

***

.

يمهل و لا يهمل

.

الآن

.

ينام الشيعة و هم مرتاحون

.

يحلمون و هم يعلمون

.

يقينا

.

بأن هناك من يفهم أحلامهم و يفسرها بالحق المبين

.

سيد عيسى

.

فالك الطيب

.

دربك خضر مولانا

.

.

كما توقعنا

.

بدأ أهل البيت في الظهور بالأحلام

.

الفال للمراجع العظمى

.

.

الاخ زوجته متوفية - الله يرحمها

.

و مقحط , واصل حده

.

متعشي أم الربيان و نايم

.

حلم فيها حلم وردي

.

السيد عيسى يقوله تذكرها بالحسنى و قراءة القرآن

.

ما عليك منه حجي , روح صيّغ

.

.

الأخ الأول يقول حلمان بخروف

.

التفسير : ترزق بولد خروف مثلك انشاءالله

.

اللهم كثّر خرفاننا

.

آمين

.

الأخت الثانية حلمانه انها قاعدة بالمكتب وحيدة

.

التفسير: راح تتفنشين انشاءالله و الله أعلم

35 comments:

silhouette said...

متابعة لك

إستمر,, ترا تعليقاتك تفطس من الضحك حتى لو كان ضايق خلقك

so what said...

محتاجين نضحك

so what said...

محتاجين نضحك

Big Pearls said...

definitely need a vaccation!

Eng_Q8 said...

حتى انا ضايق خلقي مو تشوفني ما اشبك خير شر

بس ضحكتني حسبي الله على ابليسك اهم شي الحلمان

Shather said...

الحمدلله عالسلامه

تو ما نورت برمانا :P

متفرغ said...

الحمد لله على السلامة .... سيم سيم كلنا فالهوا سوا مالي بارظ اكمل هالبحث اللي قاعد مثل الهم على جبدي .... بس الله يوسع صدرك مثل وسعت صدورنا بهالبوست الحلو :)

Q8-MaNaL said...

راح تتفنشين لوووووووووول !!!!!!

حسام بن ضرار said...

ههههههههاااي

داش بقوه الموسوي

باجر بتشتغل المنافسه بينه و بين النهام و النهام يستقطب جمهور الشيعه و الموسوي يستقطب جمهور السنه و كل من يفسر عكس الثاني

اما سالفة الباذنجانه و الخياره

سبحان الله، تونا نعرف ان الدين حق

مالت على الجريدة الغبيه اللي نشرت لراعي القرون اللي دز لهم هالصورتين

قاعدين يهينون الدين بسبق الاصرار و الترصد

الأستاذ حمام said...

تسلم ايدك على الاختيارات الحلوة

مشكور

بو محمد said...

الحمد لله على السلامة يا بوسلمى
و مجموعة من المقتطفات الجميلة جدا جدا حقيقة و قرينا السطور و اللي بين السطور بعد
:-)
و كلامك كله لا غباااار عليه
موفق إن شاء الله

Don Juan said...

هذا دليل قاطع على انتشار الإسلام و أن لجان التعريف بالإسلام قائمة بدورها على أكمل وجه لدرجة انه حتى الخضرة تحمل لفظ الجلالة

و لله في خلقه شؤون :)

Anonymous said...

looooooooooooooool wala inta 6omasha keep it up!!!

J o u j a™ said...

LOOOOOOL
walllllllah bad3at ;p
3ad 9ij y6l3oon 7ameer itha chakooohum ;p

o maskeen hali 7alman eb murta he misses her :(

Mok said...

:) انتحر

Anonymous said...

بو سلمى لاحظ ان السلفيين خذوا يوم السبت واهو يوم مخصص للنساء ... شمعنى السبت يعني !!

ترى السالفة ما فيها قوامة بعد :)

ناي said...

ضيقة الخلق هالأيام شغالة عدل والمزاج يهودي !! نبي مفسر بو عجفتين وقحفية بعد رحم الله والديك لأني حلمت إني قاعدة أحلم حلم إبن ستين حلم مايخلص

الدنيا بكبرها طماشة بعد ياي تقلص حركاتها الأرعة ببلوقك ^^ زين شغلة المفسرين تطلع فلوس شغل عدل ولا لأ ؟؟
=/ چووود ننفع وننتفع ونعيماً جميعاً

Nice BloG 9ara7ataN ^^

MaCHBoS said...

مسكين الحاله ناشفه عند اللي حلمان بزوجته هههههههههههههههههههههههههههههههههههههههههههههههههه

Organic Kuwait said...

LOOOOL the best start for our weekend LOOOOOOOOOOOOL

Amethyst said...

اذا كنت عايش بدون برستيج , فالأفضل أن تموت ببرستيج


They should use this as their motto;)

Mozart said...

مطقوق انت بصراحه ظاهره محيرتني مره علماني مره طائفي مره عقلاني مره عاطفي

مو عارف شنو مايتك ليلحين

خوش بوست :)

سلام

bakah said...

السلام عليكم

بوسلمى .. مدونة يديده ونتمنى مروركم ورأيكم بالموضوع ..

http://freej-alhailag.blogspot.com/

أبــو بنــــدر said...

روح صيغ

ههههههههههههههـ

الله يقطع سوالفك

فريج سعود said...

اخجلتم تواضعنا
هذا بروزاك مو فريح سعود
خف شوي لا تحوشك حوبة وتنطق بالحلم

Mohammad Al-Yousifi said...

العزيز موزارت

انا اللي محيرني انك تبي تعرف مايتي و غصب طيب تبي تدعسني داخل أحد هذه الصناديق الي ذكرتها

مع احترامي لها بس صعب اني اندعس في أي منها

شكريا

الديوانية said...

الله يرزقنا ضيقة خلقك اذا كذي :)
لا اضحك معاك ... الله يتمم عليك هالخفة الدم واستمر :)

why me said...

لوووووووووووووول


احلى شي التفسيرات



لو سمحت بغينا بوست خاص عن الاحلام والتفسير


بليز

;p



عجيب

Salah said...

انا مو مضيق خلقي الا فريج سعود!

وانت تقول ليش ضايق خلقكم فريج سعود عندكم!

مريم الموعذراء said...

ضايق خلقك وانا موجوده ؟

Fashionated said...

ana mo thayeg khelgy :p

u crack me up i know i can always come here for a laugh or a brain scratch

بعد نظر said...

شيطانك حده
cute wes wes wes

lawyer said...

ششششششنسوي ظيييييقه خلق

حرررررررررر


متنحييييييييين سايحين من هالشمس


انا بقدم اعتذار حق الغبار ابيه يرد

شوي ابرك من هالشمس



اماااااااا الحلم الوردي

كااااااااااااااااااك


مرات انت تبدددددددع

Mohammad Al-Yousifi said...

lawyer

مرات؟؟!؟!؟!؟!؟!؟

Kuw_Son said...

هههههههه .. أم الربيان

لوووووووول

Anonymous said...

lool aham shai tafseer ela7lam :p