Friday, October 28, 2005

أحمد شطّة


أحمد شطّة
دايم مشتط
ليش هالخبة؟
ما يدري بالضبط
وين بشت عمّه
يقلقس و ينط
هذا صاحبنا
أحمد مشتط
***
وين النجرة
وين اللمّة
أحمد مشتط
عربي و قادسيه
شيعة و سنة
أحمد مشتط
أسهم بالبورصة
رقي بالشبرة
أحمد مشتط
انتخابات جمعية
أو مجلس أمة
أحمد مشتط
باقر فايز
جوهر خسران
أحمد مشتط
شايل لاب توب
و أربع تلفونات
أحمد مشتط
صوته عالي
و مخه فاضي
أحمد مشتط
معزبه يطرشه
يزفه و يهزأه
أحمد مشتط
ما يدري عن بيته
مرته و عياله
أحمد مشتط
قروضه زايده
و جيوبه خاليه
أحمد مشتط
***
أحمد شطّة
قضّى عمره كلّه مشتط
مشتط حق غيره
و على غيره يشتط
طلع تقاعد
و ليلحين مشتط
آخ لو يدري بالضبط
على شنو مشتط؟؟
آخ لو يدري بالضبط
على شنو مشتط؟؟
***
فهل يا ترى
كم أحمد شطّة بيننا بالضبط؟
قرأ هالبوست البايخ
و قدر ما يشتط

9 comments:

Temetwir said...

lol
i always suspected it, now i know .. thaarba fusatek

yabelek tghaneeha hehe

esTeKaNa said...

LoOooOoOooOoOOoOooOoOOl:D~
واي تصدق اقرا الكلام واحسه واحد يحوس مدوده...ايه شكثرهم ربع احمد مشتط
وفي منه نمونه غير حق البنات بعد:)))


اول مرة اسير على بلوقك الحلو
مادري ويني عنه من زمان
وما اعتقد بتكون اخر مرة
:)

Erzulie said...

Haha :P 7ilwa...hmm, 3ad sometimes I do worry for no reason...

Mohammad Al-Yousifi said...

مشكورين اخواني أخواتي و أرحب بالزوار الجدد و المخضرمين, أحمد مشتط هو شخصية موجودة بكثرة في مجتمعنا الكويتي. يدق عليك يحن عشان تصوت حق فلان و علان, عسى ما اطلعت اشاعة أو كلمة بالجريدة الا سواها صج و قام ينشرها, مطراش من الدرجة الاولى أي شي تبي يسويلك و يشتط فيه , و بل نهاية يشيب و يتقاعد و يلقى نفسه قضى عمره يخدم غيره و يتعب على مشاكل و غيره و ما سوه حق نفسه و عياله شي. عاش على هامش المعزب و كل انجازاته بحياته انه يعرف يقول "حاضر عمي" "انشالله طال عمرك" و بس انشالله تعجبكم هالمقل و ما يأتي في المستقبل. سلمتم

Q said...

lol kila ma6goog, nisait 3an salfat ilsoora illy 7a6ha foog!

a3arif a7mad mishta6, o ib kil nadwa tilgaah bilsoora ilyoom illy waraaah 7atta loo bes isawroon illy yitkallam bilnadwa, laaaazim a7mad mawjood ibzawyat ilsoora somehow!

نون النساء said...

لو كان ففتي سنت

المغني الأمريكي الخال يتحجى عربي

جان خليناه يغني أحمد مشتط

:)

Mohammad Al-Yousifi said...

kaak...7elwa mabee 50 cent wayed cheap...abey eminim...am one of the oldest fans of eminim men ayam ma kan yghane bel back ground ma3a dr dre.....akheeeh ayam arizona:(

thank u again

Sheba said...

hehehehe did u write this poem?

Zaydoun said...

Pure genius!