Friday, June 09, 2006

محاولة يائسة

استكمالا للموضوع السابق نستكمل استعراض اعلانات المرشحين لمجلس 2006
د سعد البراك انسان مجتهد و جريء في عالم البزنز, غلطة عمره الوحيده عندما بدأ يفتي بالسياسية
بدأ بتهديد ابن أخيه النائب مسلم البراك, و بعد ما شاف الصجية خقها
د سعد, انا احبك بس لو سمحت خلك على خدمة ويانا و اكرمنا بسكوتك

المرشح عبدالواحد العوضي

يبي يحارب الفساد, و يحارب النواب القرقاشة اللي يدش و يطلع من الجلسة بأوامر المعزب


المحامي مطر الشمري

اعلانه حلو بس كاتب تحت عريف الحفل المهندس المخضرم

شنو يعني مهندس مخضرم و شنو علاقة الهندسة بتقديم الحفل؟


عبدالله اليحيا

اعلان أسود بأسود تقول داش عزاء

و شعار مستهلك و مكرر كما قلنا في السابق, لأجلك يا كويت

الله يوفقك لأجل الكويت , و تنجح لأجل الكويت

د براك النون

الحبيب بيحط فلم وثائقي حق انجازاته

مصور لقطاته و هو يفتر على الوزراء لتوقيع المعاملات؟

جاسم الكندري و عبدالله عكاش

مادري ليش اعلانهم ذكرني ببو قتاده و بو نبيل


عيد هذال

بيطمر علينا من الاعلان عشان يفهمنا ان دائرته غير

والله ندري انك غير و دائرتك غير

هادي الحويلة

مسوي حفلة عشاء للمرشحين الذين تمت تزكيتهم

يعني الجماعة خلصوا الانتخابات و قاعدين يحتفلون بالفوز من الحين


عدنان الشرهان

أول شي صورته كئيبة و تضيق الخلق

شلون تبي الناس يصوتولك و انت حاط صورة حزينة؟

و بعدين حاط سمايل فايس

وين قاعدين؟ حط بي آر بي

ناصر الدويلة

مالا يقال...؟

ليش مسوي ندوة عيل؟

أدري انه البوست دمه ثقيل بس والله مستعسر هاليومين حياتي شوي مخربطة

مو مجبورين تحطون كومنتس

لكل حصان كبوة

18 comments:

Arfana said...

ضحكتني وانا وجعانة

لووووول

keep `em comin` :-)

lawyer said...

هههههههههههههههه

اي والله ما ينقال اشحقه عازمنا

بس ليش هذا على الدال نت عيار انت حدك

Anonymous said...

loooool ath7ak shay al_7azeEeEn o o maa laa yoqaal

walah el entekhabat 6omasha :D

nEo said...

Nice ,, keep up the good work :)

bo_ghazi said...

La mo thigeel.... waiting for more :)

bo9ali7 said...

من صجك يا مطقوق
والله اني مت من الضحك

المهندس المخضرم
لوووووول

بس الشرهان..عجيييييب :D

Mother Courage said...

hehehehehehe luv the way you read those ads

Q8Maverick said...

LOOOL.. I wish you are having such days all the time (kiddin) it's really funny... I'm laughing like hell...

POST of the Day

! said...

شر البلية ما يضحك :)

بس نسيت ؟

العدل حياة عاشور "الصبي " ؟

وبو الكحل في الصور زلزلة اخذلك فرة في الدائرة الاولى وتمقل ؟

Jandeef said...

مو السياسة أمس قالت أن براك النون سقط بفرعية؟

Abdulaziz said...

إسمحلي البوست شوي صعب ينبلع... فيه مداعبات بس متوقعين منك اكثر يا بوسلمى

Mohammad Al-Yousifi said...

السلام عليكم

شي مو طبيعي كاس العالم و الكرة اليديدة

شي شي شي

أرفانه
ما تشوفين شر

المحامية
لوول عن الغلط , انا من الأف نيت

أم سرور
حبيبي الحزين عاد يمدحونه

بوكيكو
حبيبي مشكور

بو غازي
احنا اللي وايتنج فور مور منك

بو صالح
الشرهان يبي يفوز بكسر الخاطر

مذر
تدرين ماكو شغل بالدوام بطالي

مافرك
اشكرك على رفع معنوياتي

بزون
حبيبي انا أطلعهم من الجرايد مو من الاعلانات مالت الشوارع فانطر علي شوي

أوركل
والله يجوز بس اهو من سالفة الشركة الثالثة و قام يخوره كل يومين يصرح, مو تكانه

ينديف
يجوز والله , هالاعلان من الاسبوع اللي طاف بس خاشه

بو جويس
لوووول يحليله الشرهان لو بالقادسية جان عطيته

موجلي
مشكور عالصراحة و انشاءالله القادم أفضل

Amola said...

والله فلم اعلاناتهم

Zaydoun said...

ألف لا باس عليك والله يبعد عنك العسارة

Shurouq said...

lol
إذا انت دمك ثقيل عيل الاقراع شيطلع?
(sorry mowgli.. I had to say it)

شربات، كله مطقوق، شربات.. حتى وانت مستعسر

Mohammad Al-Yousifi said...

السلام

دافنشي
أول شي طولت الغيبة

اتوقع وجود هيفا و نانسي و مشاركتهم بعرسنا الديموقراطي شيء ايجابي و جيد, اهم شي بالتصويت ان ما يكون لهم تأثير

استانس وياهم بس لا تحسب حسابهم عند الصندوق

زورتوس
لا تقترحلي و لا اقترحلك

أولا صارلك سنة مو حاط بوست يديد معنى الحين موسم البوستات والله مو ملحق بين الطنازة و الجد و الهزلي و الحزين

ثاني شي رحت افتتاح النيباري عشانك و ما سلمت علي

أموله
فلم كوميدي

ليالي
لمن اشوف الفارس الملثم بالكومنتس ارتاح للوول

زيييدون
مشكور حبيبي ما تأصرش

و هم انت مثل زورت شفتك عند النيباري و ما عطيتني ويه, شروق محتكرتك

Mohammad Al-Yousifi said...

شرووووق

على هالكومنت تستاهلين انديفجول ريبلاي

والله شوفي قاعد أحاول اكتب موضوع جدي عن الانتخابات بس عشان يور كومنت اليوم بالليل بنحط اعلانات

و مشكورة عالتشجيع يا ملكة


ملاحظة

طبعا زوجتي لاهية مع البيبي فما تجيّك البلوج, عشان جذي يمكن ملاحظين اني ماخذ راحتي شوي:)

Anonymous said...

شرايك باعلان الرومي؟ بسيط و صاحب رسالة مثل صاحبه..اللة يوفقه..يستاهل بو محمد