Tuesday, July 04, 2006

لعنة نبيها خمسة

شهرين و احنا ركضة و وقفة و عفسة

نبيها خمسة و نبيها خمسة

صارت الانتخابات و ربع الخمسة اكتسحوا و احنا طحنا على صخر

الجمهور يبي سياسة و احنا سياستنا خلصت

فطولوا بالكم معانا لين نلقى شي يسوى نكتب فيه

و قزروها بالصور

***

والله قلوبنا معاكم يا أهل الجنوب

لا تعليق


اذا الوطن بتفنش كل محرر يكتب خبر غلط

ما راح يبقى فيها الا حارس المبنى

طبعا طردوه لأن الخبر عن الام تي سي

لو شركة ثانية جان بالطقاق

ماشاءالله لا اله الا الله

كل هالجسم و العضلات و تشتغل حرامي

روح مثل , صير مدرب, بودي جارد

أي شي بس مو حرامي, والله حرام

أهم الشي الالتزام بالاستقامة في جميع التعاملات

و الشفافية

عيل حقول الشمال و هاليبرتون و الناقلات شفيهم ما تشفشفوا؟

ليش ليلحين ما ندري شسالفة؟

سكاكين و عجرات

وين أيام التكمش و التشمخ و التقرص؟

شصار ببناتنا؟ ليش توحشوا؟

المطعم المفضل لرواد ميلانو و باريس

امبوريو كافيه

عيوش و مشويات و دق بالخمس, و لضمان الاحساس بامبوريو

قسم خاص للعائلات و كباين بعد

بادارة العزيز زيدون*

اذا ما لقيتوه ليلحين

خلوا العنجري و الدعيج يستجوبون رئيس الحكومة و وزير الداخلية

عن سبب ضياع و عدم عودة البوجي؟

شجب و استنكار و مساندة و تأييد

و ارهاب و الرئيس و جمهورية مصر

السؤال الوحيد

شكو حاطين الاعلان بالجرايد الكويتية؟

صديقة الفنانة كويت عالية بايقة ايميلها

اي روحي اشتكي عليها بالمخفر شكو حاطة الخبر بالجريدة

و مرة ثانية لا تعطين الباسوورد حق احد

________________________________________________

*http://www.kuwait-unplugged.com/2006/02/ashkara.html#comments

17 comments:

Anonymous said...

شوف اميلك kila_ma6goog@hotmail.com
دازلك موضوع سياسي اقتصادي نشره عندك

tweety said...

خوش صور ... وهذا المجسم لو يخلونا يدرب الشراطوه ( الشرطة ) اللي عندنا اللي جنهم عصي مقصي أحسن

White Wings said...

روعة
are you imitating Jay Leno from the Tonight Show? :)

KuwaitVoice said...

ههههههههههههههه كله مطقوق والله عليك سوالف اتموت من الضحك .. شقيت حلجي من كثر ما ضحكتني على هذا المجسم
:p

Mohammad Al-Yousifi said...

السلام عليكم

معقولة بس 5 كومنتس, انا اوريكم , هذا عار عليكم الى يوم القيامة و ماني مسامحكم و راح اوقفلكم على الصراط عند يدي اشتكيكم

أنونمس
شفت الايميل بس صراحة اختلف معاك بكثير مما قلته و احاول انشره في وقت لاحق انشاءالله

تويتي
لووول اي والله حرام هالعضلات تستخدم في عمل الشر

رواند
التشفشف زين

وايت
جاي لينو الناس تدزله الجرايد , انا بروحي اضيع ساعات و ليالي بس عشان اطلعلكم بهالكم صورة

فويس
نشوفك الجمعة

Anonymous said...

تشكر على الصور ،، بخصوص الكلب المفقود ترى موجود بمشرف ق1 شفته يلوث وماله احد والله على مااقوله شهيد

المكافئه؟؟

Unknown said...

عندك ايميل عالية :P

ههههه

Mother Courage said...

ابشرك البوجي لقوه

no really !

متفرغ said...

و لا تزعل الكومنت العاشر ..... من صجهم كاتبين خبر بوقة باسوورد الايميل بالخط العريض قلت الاخبار .... و مطعم امبوريو لازم يبطل فرع عندنا بالمحرق في شارع اليواعة :)

freeq8 said...

كله مطقوق
أول مره أمر عليك.... بس ماتصدق شكثر ضحكت ....الله يقطع أبليسك خصوصاً سالفة التكمش والتشمخ وايد روعه...وأكيد سأمر عليك في المستقبل لمشاهدة الجديد

Anonymous said...

lool, la mo 3ar 3alainaa, eshtaby ent moo sayed :P

tweety said...

لووووووووووول
كله مطقوق ...ضحكتني على عار عليكم
لا تشور فينا عاد
;p

Mohammad Al-Yousifi said...

السلام مرة أخرى

أنونمس
المكافأة سيارة همر أتش ثري كحلي من داخل بيج

مشاري
على فكرة , اسم البنت, كويت عالية مو عالية, سبحان الله كل شي فيه اسم كويت ينباق, الديرة تنباق و البنت تنباق

لوول

مذر
الله يبشرك بالخير و يبلغك بالطيب انشاءالله

الآن ارتاح قلبي و سأتفرغ لمتابعة كاس العالم و انتخابات رآسة الميلس

متفرغ
لا اخوي هالمطعم مستواه اكبر بكثير من شارع اليواعة, هذا راعيه حالف ما يبطل الا بمادسون افينيو أو بنايتس بردج

فري كويت
حياك الله حبيبي و مشكور

أنونمس
انا نص سيد , يعني حوبتي العن

بوجويس
بالضبط هذا اللي فكرت فيه ,أول ما يدق يروحون ينامون فيه و يبطون عينه عشان مرة ثانية لا يتليقف و يشوف هوشة

تويتي
اي مو حكي هذا ززموضوع 34 كونت و بعدها بس 5, يا انكم تحطولي 5 و اتعود عليها أو 30

مرة جذي و مرة جذا نفسيتي تتعب الصراحة

Shurouq said...

لما كنت بالثانوية قامت إحدى الطالبات بإشعال أحد الفصول (الشبرات) احتجاجا على موعد أو نتيجة أحد الاختبارات

ما أدري ليش الفصحى

And about your previous post, I envy you.. I'm dying to see Japan.

Unknown said...

هذى لويه انزين شنو اناديها ياكويت والا يا عالية مالت عليها ذكرتها السخيفة اللى طلعت بالمسلسل

neelaah said...

اهم شي
البوجي

و هوشه البنات
انا من يوم و رايح
بحط عجرة بالسيارة
بعد الدنيا ما يندرى عنها
اخاف اتخانق مع وحدة تطلع مسلحه

HESHAM said...

أنت عملتى فى دماغى
طاخ طيخ طاخ