Saturday, April 19, 2008

عجائب الانتخابات السبع

في البداية أود أن أدعو الجميع لمتابعة
.
قناة نبيها تحالف
.
.
.
أدري ان الكوالتي مو أوكي بس اعتبروها مجاملة لأحد العاملين في القناة
.
أما بعد
.
تتنافس دول العالم على ادراج معالمها الحضارية في خانة عجائب الدنيا السبع
.
و الكويت و لله الحمد لا تختلف كثيرا عن هذه الدول
.
لذلك فقد حرصت على رصد
.
عجائب الانتخابات السبع في الكويت
.
.
قبل الدخول في عجائب الانتخابات
.
هذي دعاية
.
انصدمت صدمة عمري
.
عندما اكتشفت ان نجمي المفضل و اللي خلاني أحب الهند و الهنود
.
طلع بالأساس فلسطيني
.
و الصدمة الاخرى أنه لاعب جمباز
.
مع ان جسمه يوحي بأنه لاعب تنس طاولة
.
.
.
و الآن ندخل على عجائب الانتخابات السبع
.
اربطوا الأحزمة
.
.
.
العجيبة الأولى
.
قبيلة كويتية تجري فرعيتها بالقاهرة
.
الظاهر يتشاورون مع فخذ القبيلة فرع صعيد سوهاج
.

.
العجيبة الثانية
.
أم الجميع , ماما أنيسة
.
تشيد ببرنامج و مسيرة المرشح خلف دميثير
.
الظاهر متبرع بتفاخيات و كبابيس أراجوزات حق برنامجها العريق
.
.
.
العجيبة الثالثة
.
المرشح خالد المهّان
.
يقول بانه حاصل على شهادة التوفل
.
و شهادة التوفل معروفة بأنها من أفضل الجامعات العالمية
.
أتمنى تفوز يا خالد و تحجيلنا بالاوكيه بالمجلس
.
.
.
العجيبة الرابعة
.
اعلان المرشح المعتدل مبارك الخرينج
.
رجل طالب باسقاط القروض
.
رجل طالب بزيادة الخمسين قبل و بعد المية و عشرين
.
رجل طالب بالابقاء على الديوانيات المتعدية على املاك الدولة
.
رجل رفض المشاركة في جلسة تجريم الفرعيات
.
فعلا أقسمت فأوفيت
.
روح الله يوفقك و ييسر لك دربك
.
الهي آمين
.
.
العجيبة الخامسة
.
المحامي عبدالحميد دشتي
.
ان تكون شيعيا في الكويت , يعني أن تأسس تجمع سياسي بو طقة و انت عايش بسوريا
.
لك شو نحنا مظلومين يا زلمي؟
.
.
العجيبة السادسة
.
المرشحة فاطمة العبدلي
.
سنّت سنة جديدة
بالتحجب بالعلم
.
و وصلتني عدة أخبار عن قيام بعض المرشحين بتفصيل دشاديش و اغتر بألوان العلم
.
آه -ن- عليك يا علمي
.
.
العجيبة السابعة الأخيرة
.
قنبلة الموسم
.
المرشحان , السيد جاسم الخرافي , و السيد فيصل المزين
.
يتحالفان بوضع خطة و أهداف انتخابية نسخة طبق الأصل
.
طيب أنا بحسن النية
.
يا أن واحد منهم غاش من الثاني
.
يا أن أثنينهم رايحين حق نفس المصري اللي كاتبلهم الأهداف الانتخابية
.
يا أن توارد الخواطر بينهم واصل لي مرحلة الدي أس ئي أل اللي أفكارهم متطابقة بالفاصلة و النقطة
.
و أخيرا و ليس آخرا نحمد ربنا أن المرشح
.
فيصل المزين على الأقل لم يكتب ان رؤية الرئيس فيصل المزين
.

41 comments:

العرزالــــــه said...
This comment has been removed by the author.
العرزالــــــه said...

ياحبيبي انتوا الكويتيين مافيكم الا الحجي

انا ريال بستغل الانتخابات وبساعد كل من يبخ

ونشوف هالصيف من يسافر احلى سفرة ويطقله احلى موتر

وانتوا خلكم على المثاليات

:PP

أبــو بنــــدر said...

ليش ما يكون الخرافي منزل المزين ؟؟؟
سوعال يستحق ان تفكرون فيه ؟

Maximilian said...

loooooooooooooool

احلى عجايب والله ، صراحة كل وحدة اقوى من الثانية ، بس اتوقع مالت الخرافي والمزين ممكن تكون الاقوى ، مو جذي اشكره عاد لووول


وصاحب التوفل انجازه عظيم صراحة
بس ما حط لنا جم يايب بالايلتز والتوفل

بس شلون ماخذ التوفل من المعهد البريطاني


خبري التوفل بس من الايميدست ينوخذ

فريج سعود said...

يا معود هالايام الي يبي يرشح نفسه وما عنده فلوس او امكانيات يروح مرز الطالب ويسون له حملة الانتخابية على سنجة عشرة

Bad-Ran said...

قوية سالفة الخرافي .. والله فشيله

Alia said...

بنتابعها عشان عيون المطقوق بس


أوخخخخخخ
صدمتني ... فعلا مو هندي يعني
فلسطيني ولاعب جمباز ,, شلون؟؟؟
يا اخي مو راضية تركب
أخاف جذبة ابريل؟


ماما أنيسة تهبل .. عالم ثاني

ههههههههههههههههههههههههههههه
شهادة التوفل عاد؟
يحليلهم مرشحينا .. والله دمهم خفيف
عيل انا قريت ان وحده من هالمرشحات من أهم أولوياتها : اسقاط القروض وحماية الوطن .. شلون يركبون في جملة وحدة ما أدري

أما مبارك الخرينج .. فحدث ولا حرج
عباله فخر مسطرهم شذي
ما يدري فضيحة

يحليله .. رئيس مجلس أمتنا السابق يعرف يغش بعد .. المشكلة الحين ما نقدر نفته عليه .. ماكو مجلس

Sn3a said...

يعطيك العافيه عالفيديو اخوي بوسلمى

صراحه ماستبعدت ان لاعب جمباز سبحان الله مبين وايد عليه!
من صجهم!!!!


بمصر!
انا استغربت لما سوو الفرعيه 4 الفير لاحد القبايل بالبر
هالمره بمصر
والله لو يشغلون المخ باشيا ثانيه احسن



ماما انيسه
نوكمنت


اما شهاده التوفل
زين انا حاصله على مليون شهاده تقدير من جمعيه رميثيه احطهم بالسي في مالي؟
شفيهم هالناس!
اصلا شروط الترشيح مغبره


اما الخرينج
يه شفيك ماشارك بتجريم الفرعيا
معتدل وثابت الريال


دشتي
حسافه كل انتخابات يقط ملايين ويصور احلى صور عالفاضي
زين سوه
بس شسالفه التجمعات اللي مايمدي نحفظ اساميها

فاطمه العبدلي
اصلا ماله دااعي قسما بالله هالحركات
انا اليوم انصدمت بالجريده
ماله داعي باجر عبايه راس على علم الكويت
خو كلنا نحب الكويت بس مانسوي جذيه



شلون صايد هالكوبي الخطير من الاجندات
هذا اكبر دليل ان محد يدري شسالفه اجندته
لا من رئيس
ولا من جديد


ويقولولي شنو
يقولولي ليش ماسجلتي قيدج

بالذمه موحرام الصبح تحت الشمس اصوت حق جذيه!

راعي تنكر said...

توفل وبريطاني؟؟
وين صارت هذي يالعجمي

Amethyst said...

7 Wonders indeed! Bas ath7ak shay elTOEFL;p

bo3abdallah said...

على طاري مخلص التوفل مرنا ذاك اليوم مرشح بدوانية في بيان المهم سألنا عن مؤهلاته كونه وجه جديد على الساحة قام يعدد خبراته اللي طبعا كانت اتفشل الى ان وصل الى موضوع انه ماخذ 12 دورة بنيو هورايزن
الصراحة استءذنت بسرعة و رحت السيارة علشان انفجر من الضحك

Anonymous said...

ماما أنسية

احرقت مكانها في قلوبنا

faith said...

واااي عبدالحميد
أحس حده تايه

ButterFlier said...

نار الخرينج و العرزاله

Anonymous said...

انجازات المستغل الخرينج .. سواد ويه الله لا يوفقه

نصيحة لماما انيسة .. خلج برياض الاطفال اريح لنا ولج

فاطمة العبدلي .. رايحة اي مباراة

:) من اي جامعة ماخذها ICDL شهادة

بخصوص دشتي .. خل يأسس حزبه في سوريا اذا يقدر

5roofa said...

:(

ليش فلسطيني عاد كان يونسني

ماحبييت

لوول جنباز؟؟؟

salamz dear...

بدون عتيق said...

يعطيك العافية كله مطقوق!

انا صار لي فترة قاعد أحاول أقنع واحد من العيال يدش مونتاج وسوالف فلاشات ومواقع انترنت عشان يطلع ذهب في فترة الإنتخابات. أحرجني بأنه ما يعرف يكتب فصحى "مثل حلاتي" .... ألحين مع برنامجي الخرافي والمزين ما يبيله اي لغة فصحى ...كله قوالب وقص ولصق ... وضع هنا أسم المرشح وهنا رقم الدائرة....
ولا تنسى المرأة أهيه الام والأخت والزوجة والمذيعة وووو إلخ.

تحياتي
بدون عتيق

Mohammad Al-Yousifi said...

سلام

عرزالة
احلى سفرة عند شقران

بو بندر
والله هذا احتمال بس حتى لو منزله ما يقدر يحطله واحد يسويله برنامج اصلي مو تايوان؟

ماكس
وقت الانتخابات كل شي يصير

فريج
مركز الطالب يخدمك من المهد الى اللحد

بدران
احتمال الثاني اهو اللي بايق

عاليا
اشوة ما قلتي معوزك بعد

سنعة
مارسي حقك

تنكر
تنازل البريطانيين من أجل الدائرة الرابعة كون القبيلة لها ثقل كبير في مانشستر

أمثست
اذا عندج توفل ترى ممكن جدا تفوزين

بو عبدالله
شكله فايز فيهم بسحب الوجبات مال برجر كنج

حسافة
اذكر مرة شفت لها مقابلة من زمان , اسألوها هل انتي مع اعطاء المرأة حقها السياسي

الجواب

لا!

بتر
و دشتي

فيث
عباله قاعد باللاذقية

محسد
يقدر

عديل بشار الأسد

خروفة
سلام ابلتنا

بدون
اعتقد مهنة تأليف الخطط الانتخابية ستحل محل الخطاطين بعد منع اعلانات الشوارع

بو محمد said...

no comments!

عش رجبا ترى عجبا
و ها أنا قد رأيت و ما زلت أرى و سأرى

دمت و الجميع بحفظ الله

Shather said...

hehehe

اثاري
عندنا مبدعين يدخلون التاريخ بالكويت
:P
بس ما يندرى شنو حجم الباب
اللي بيدخلون منه

Eng_Q8 said...

على كثر ما اشوف هالقناة مااشوف الا واحد يغثني ومليق

ونطرتك ولي الحين ما طلعت .. ليش ما يعيدون برنامجك مثل ما لوعوا جبدنا بهذا ؟؟؟؟

على العموم زين كتبت عنهم ريحتني :p

بس ماما انيسه تدعم دميثير ؟؟ قويه شكووو دميثير ؟؟؟؟ شكله كان فايز معاها بلعبة البلونات ... هذيل الي يناقزون فوقهم وكل واحد رافع دشداشته ويتعرجب ويطيح لخير شي يفوز بقطار

اهم شي اني اشرح اللعبه

وهذاك حاط توفل .. مو لما اقول حق المتخلفين ان هذيل اي دوره يدش فيها حتى لو دورة سيفتي يحطها يعني سي فيه قوي محد يصدقني

والخرينج خوش مواقف

والخرافي خل يسوي ندوه بالاول .. والمزين خله كل 3 اشهر حطلي مقاله باللون الاخضر والاصفر ويدعوا للشريعه الاسلاميه واهو حاط قفل

جني قرقت وايد

Eng_Q8 said...

لحظه لحظه


هذا بو توفل

ماخذ دورة التوست العالميه ؟؟؟

توست توست يعني والا صج في جذي دوره والا شالسالفه ؟؟؟؟

انا عندي دورة وورد واكسيل بنزل انتخابات

Organic Kuwait said...

LOL i think this will keep me laughing all day!

blacklight said...

الغالي مطقوق

تطابق الكلمات بالعجيبه السابعه يثبت شغله مهمه أن شركات الحملات الإنتخابيه جزء من البندل مالها أنهم يكتبونلك المبادئ .
قلنالكم أنها انتخابات التجار بس محد يبي يصدق.

Almas said...

آآآآآآي يا قلبي

شهالصدمة

فلسطيني؟؟؟!!!؟؟؟

بصراحة آنا كنت في سبات عميق

بس على هالمفاجأة صحصحت

الله يا الدنيا فلسطيني

الله يعلم بعد يمكن الفلبيني إلي معاه يطلع بنغالي

والله كل شي جايز

:)

Anonymous said...

كالعاده :I

الحين إنت تركت سالفة إن الفتى حاصل على شهادة حقوق و ماجستير قانون دولي و يحضر دكتوراه في الجرائم الإلكترونية ( و إنت منها إحممم ) و ركزت في سالفة التوفل ؟

لوووووووووووووووول

إيش النقيصة* هنا ؟ ما فهمت ؟

قلبك أسود ليشششش ؟

إنزين كنت كتبت لنا هالبوست بالعنجليزي يا خريج أمريكا إحممم ..كححح.. إححححم


مرات ما تعرف كيف تضبط السالفة ..لووووووول

والمرشحة ذات الحجاب الوطني قديمة ..صح ؟ سنين أشوفها في منطقة الترشيحات و الإنتخابات و دور المرأة السياسي ..ما تعبت ؟ أنا تعبت لوووووول


أنا أتفرج على قناة الراي على خفيف و بما إنها قناة ليبرالية فالمفروض تعطيكم مساحة للتعبير .. و لي شهرين أحاول أطلع قناة بحري .. نبيها بحرررري لوووووووول

حاول تعملك قناة لك في موقع يوتيوب عشان نتابعك و إنت فاتح قميصك تقول عمر الشريف لوووول

وبس خلاص أنا برجع أنخمد مرة ثانية لمدة شهر لحد ما يخلص مهرجان الإنتخابات عندكم الي طبعا لن ينتهي إلى أي شئ يذكر ..وجععع دماغ و بس ! تصبح على خير يا واد يا برنصيصه إنت و أصحابك البرتقان

:)

Bu Jassem said...

حسافة على ماما انيسة
ولا باقي العجايب تحف
وتمنيت لو انهم سبعين مو بس سبعة
مطقوق الله يعطيك العافية ولا توقف حبيبي

joy said...

13/stup.idiOt.y still legal !
اسفة يا مطقوق
ولكن هذا الاستاذ كرر لوووول وايد صدعلي راسي واهو يضحك


التجريح الزايد في الشخص لا يزيده اللا نجاحا وانت ان تكلمت فانت انتقصت من نفسك واثبتت الغيرة من مطقوق


وللعلم فقط للعلم المدونات مثل قنوات التلفزيون مالا يعجبك لا تدشله ولا توطوط عنده اشلك بالطلايب

روح حق اللي انت يعجبونك

انا اعتقد كل شخص له قناعاته واراءه وقيمه اللي يدافع عنها

وبالنسبة لازياءه وطريقة لبسه يبا همن حر الريال ليش انت زعلان
يطلع براد بيت يطلع انجلينا مو ضروري
اهوا شاف نفسه بالمنظرة وأعجب فيه وطلع
برضه زعلان ليه


يا ربي هاالعالم شطة على شنو مادري
وسامحنا مطقوق خذت راحتي

Anonymous said...

شخبار مبادئ مطقوق صراحه انت الغلطان ليش تقراهم ؟

Mohammad Al-Yousifi said...

أصبحنا و اصبح الملك لله

يا فتاح يا كريم يا رزاق يا عليم

خير اللهم اجعلو خير

شلي صاير؟ شلي حاصل؟ منو مزعل الثاني؟


بو محمد
لسه حتشوف كتير

شذر
باب فطوطة

بشمهندز
السالفة و ما فيها ان برنامجي ما اقابل فيه مرشحين و لذلك مو اولوية للقناة

البرامج اللي فيها مرشحين اهي الأولوية

خلها على الله

أم ضاري
اللهم اجعلو دوم موش يوم

بلاك
تلقاهم غاشينها من مرشحين مجلس الشعب في مصر

ألماس
الفلبيني المعضل طلع ايراني من اقليم القوقاز

13
اولا , كالعادة انتي مو انا

ثانيا , من آداب الضغاط انك ما تضغط الواحد جدامه و تضغطه من وراه

اذا حاسة ان هرمون الضغاط عندج فاض عن المعدل الكرتزوني روحي سويلج مدونة و ضغطيني هناك حالج حال البقية

اهني ما اسمح الا بالمدح

:)

اي والله كالعادة

بو جاسم
طول بالك , تونا بادين

جوي
تكفين لا تتهاوشين مع 13 , هذي كانت معاي بالروضة و غلطة عمري اني كليت كيكتها

ما سوت علي هالكيكة

حمودي
أي مباديء؟

انا من متى عندي مباديء؟

Mok said...

يعطيك العافية على هالبوستات الرائعة اللي ساعات اعتبرها ارشيف تاريخي

Om Jaber said...

بو سلوم أنا خاشه كل مداليات التكريم اللي أخذتهم طوال 15 سنه خدمه في مدارس الحكومة و في جميع المجالات, تفوَق دراسي, نشاط الموسيقى, مسابقة الشعر, حفظ القرآن, نشاط الرسم..والخ

اذا في واحد من المرشحين محتاجهم انا في الخدمة و خصم خاص لمرشحين الدائرة الأولى

ملاحظة: حفر اسم المرشح على المدالية مجاناً

Anonymous said...

kila m6goog fe naas ra7aw els3odya swaw fr3yat-hm wrdaw mo bs el8ahrh

joy said...

مشكلتي امهاوشجية
لي باع ابهالشي واحتريت عليك


اشكرة ضغاط على قولتك

حتى نسيت اكتب واعلق على البوست

Anonymous said...

يا أخي مشكلة والله .. أكلمك إنت يرد علي اللي قاعد في الزاوية .. لوووووووووول من جد

يا كثر الحريم عندك ;P

آخر مرة لا تخلي ربعك و " ربيعاتك " يتحرشون فيني .. أوووف

المرة الجايه الكيكة بتنحذف في ويه حد

المهم

ممكن تكتب البوصط الجاي بالعنجليزي التوفلي ؟

ممكن ؟ :)

كــويـت الـيـوم said...

قناة نبيها تحالف
على اشتراك الوطنيه ميه ميه


ماما أنيسة تدعم دميثير
والله قويه


المرشح خالد المهّان
ابشرك ماراح تشوفه بعد ماخلص الفرعي


مبارك الخرينج
ابشرك سقط بالفرعي وخسرنا بطل صامت


المحامي عبدالحميد دشتي
يمكن بيسوي حزب بعث

فتى الجبل said...

آنا خابر الواحد ينزل اعلان انه بينزل
بس اول مرة اشوف واحد يدفع حق اعلان يقول فيه ماني نازل
يا معود اخاف بس انت مهم يعني

شقران said...

العزيز كله مطقوق
مساك الله بالخير

انت متأكد طلع فلسطيني..ولاعب جمباز

اتوقع تتغشمر.....صح؟

والآن ننتقل للعجائب والفناتق

الأولى
هذه فرعية لقبيلة كريمة لها ثقل نسبي في جنوب الكويت..والذي كان موجود في القاهره وتحديدا في فندق سميرا ميس هم اللجنة فقط
أما المصوتون فهم بالكويت ، ويصوتون عبر هواتف نقالة محددة تدور بين الديوانيات!!؟؟

ألم نقل سابقا بأن الفرعيات ثقافة متأصلة لدى الكثير ولن تحارب بالقانون فقط!؟

الثانية
ماما أنيسة شخصية عزيزة وقديرة ونتمنى لها الابتعاد عن فلان أو علان من المترشحين..فمعزتها أغلى من أن تدخل في غياهب التلاعبات الانتخابية


الثالثة
أتعلم لو لم تضع رابط التوفل لما صدقتك..أمن المعقول أن هذا المرشح بهذه السذاجة!!؟؟

فعلا فعلا عجيبة والمفروض وضعتها رقم واحد
:)


الرابعة
السيد الخرينج..ماهي محرزة نتكلم عنه
مع كامل احترامي لشخصه طبعا


الخامسة
السيد دشتي

أول مره أعرف انه عايش ومستقر في سوريا..منذ متى هذا الكلام؟


السادسة
البعض الكثير يظن أن الوطنية ملبس..ومأكل أحيانا

لكن
الله يعطيها على قد نيتها



السابعة

كله من سعادة الباشا المستشار أبو كرفته جنان
:)



وفي الختام
لك مني خالص التحايا القلبية


المحـــــــــــــب/

شــقـــــران

N said...

شلونك مطقوق؟
شلون "الاخوان"؟ :))

Mohammed said...

الصراحة أبدعت في موضوعك ، كما عهدناك دائما

وانا انصدمت نفسك وتوني أدري انه اهو مو هندي !!!!

ماما أنيسة مسكينة على قد نيتها .. بس خوفك باجر تدعم فلان وعلان وتفقد معزتها عند الناس وهذا اللي مانتمناه لها

وإلى الامام :)

Mother Courage said...

من وين يابوا الجناسي الأولى؟؟؟؟؟