Saturday, June 10, 2006

الجمهور عاوز كده

نزولا عند رغبة الجماهير الكبيرة, نضع بين أيديكم الوجبة الثالثة من مسلسل اعلانات النواب الانتخابية
صراحة انا مليت من الاعلانات و ودي أكتب شيء يضاف لتاريخي الأدبي, لكن شنسوي
حالنا حال سينما المقاولات أصبحنا كتاب مقاولات شعارنا الجمهور عاوز كده
محمد المطير
مسوي ندوة المطير و الشباب للنساء
بعد المراجعة اكتشف ان اليوم انجلترا و الأرجنتين يلعبون فكشت بالنساء و فضل يجابل المباريات
أنصحه بزيارة موقع الحبيب كيو لعدم الوقوع في هذا الاشكال في المستقبل

اعلان لأحد العوائل المشهورة تؤكد فيه عدم اتفاقها أو دعمها لأي مرشح من العائلة

و أضافوا ان اللي منزل نفسه من العايلة فهم غير ملتزمين فيه

و هو يمثل نفسه و لا أحد غيره

يعني بالكويتي الريّال انبعص

خو شاور أهلك قبل لا تنزل , ما تسوى عليك يايب صوتين

محمد الصقر

يقول مأزق الديموقراطية بين التحجيم و التأزيم

والله بهالعنوان يبتلي أزمة معوية

ليش العنوان الغلج؟ ارحمنا من التفلسف

حبيبي و قلبي المرشح بدر الفارسي

كعادته قليل الكلام و خافت الصوت

ندوته عنوانها الصوت النسائي و بس

قال الصوت النسائي و خلصت بطاريته تعب من الكلام


وحش المستقلين عصام الدبوس

حاطلي عنوان أكمل الفراغ يقول

موقفنا من .........لماذا؟

أكيد بيحاول يرقع موقفه من ....... و ليش قال لو أنا وزير ..... جان هديت عليهم ....... و اهم مجموعة

من ........ ملبسينهم دشاديش

ماقول الا ............عليك


الدكتور وليد الطبطبائي

المرأة بوابة الاصلاح و التغيير

و حاط اعلان ضعيف و طوالي عالجنب جود محد يشوفه

لا يا دكتور قاعديلك بالمرصاد

دام انها بوابة الاصلاح و التغيير ليش تصارخ و تثور و تزف يوم عطوها حقوقها؟

سؤال بريء و ماني زايد لأنك من ربعنا نبيها كمسة

علي الخلف

يقول بالحوار نرتقي و لا كأنه سفّل بالشباب

يوم يسئلونه عن مشاركته بالمجلس الوطني

شباب ضد الفساد

يعطيكم العافية على النشاط و التغيير

عجبني مكان الندوة و انشاءالله نرى المزيد

عساكم عالقوة

صالح عاشور

تعديل الدواير مدخل الاصلاح, تو الناس يا فهيم

من المغثة حتى مالي خلق أعلق عليك

حبيب الشعب طلال العيار

أو بالأصح سفير الخدمات

دام انك سفير الخدمات , حدي يوعان و متعييز

كم رقم برجر كنج؟؟

16 comments:

lawyer said...

خوووووووووووووووووووووش بوست
و خوش مسلسل
مشاء الله علييييييييك قاعدلهم قعده بالمرصاد

بس وين ندوه شباب ضد الفساد

و عجبني وايد سفير الاغنيه العربيه

عفوا سفير الخدمات

قووله اشتراكنا في اي ار تي ما ضبط امس راحت علينا نص المباراه

و تلفزيونا بصراحه 51 بووصه ابي اكبر شوي

بسسسسسسسس هذي طلباتي اليوم اذا في شي ثاني بدزه لك ايميل
قووووووووووله مو اشكره يبيعون اصوات جذي
شكرااااااااااااااا

Яeema said...

شنووووووووو هاااااااذذاااااااا

حدديييي ضحكت علي التعليقات

هالشباب ماشاء الله عليهم نشاطهم واضح
الله يحميهم

وعي واضح في هذي المرة

لووووويروووو!!!!؛
ماكو روحة إهناك
يخطفونج
الدائرة 24
من صجج!!!؛

Q8Maverick said...

As usual brilliant...
بالحوار نرقى... مادري اذا يبي يتهاوش شنو راح يسوي

الكويتي الحر said...

مطبقين المثل اللي يقول (اللي تكسب به العب به) ويراهنون على نسيان الناخبين

KuwaitVoice said...

شغل حلو ومرتب ، ويعطيك ألف عافيه ، ونتمنى انه يكون في حلقه رابعه ، لأنه الصراحة ملينا من الإكتئاب ، نبي نضحك شوي :)

No3iK said...

loooooooooooooool

3ageben !! kilhum 3ageben

a`7eeeran a7ad ebarid chboodna !

bs 3ndi t3leeq 3ala
dr.waleed ;p may9er
3ogob magal 3n al mara ra7 tanshir
المثلية و الفساد ... لمن تاخذ حقوقها !! و الحين يسميها بوابة الاصلاح و مادري شنو !!!!

lol
y3ny nifaaaq mo 6abe3i
o la2 mo la2ana yabeha 5 `7ala9 !
al 7ag 7ag ,, lazim yingal ;)

what ever ;p

thanks 3l post i reallllly liked it
:D

bo9ali7 said...

والله كل ما اشوف شي من الدبوس يضيق خلقي لان عدوي غبي..بصراحه الدبوس اعتبره عدو لي بس كون عدوي غبي هذا بحد ذاته يقلل من قدري. شنو يعني
"
موقفنا من ... لماذا؟
"
الحمدلله والشكر ..حتى شعارات ما يعرف يصيغ؟؟؟؟
مو معقوله

فيزوقراطي said...

إعلانات المرشحين وعناوين إعلاناتهم بلا شك مادة دسمة للتعليق .. بس ترا الكلام اللي يقولونه .. خصوصًا ربع الإزيرق .. أروع .. يمكن الجزء الثاني من الحملة؟

وبعدين وين تغطية الضاحية .. يقولون بعد يومين مرزوق بطير هاليكوبترات حمر تفتر فوق الضاحية!!

وعلى طاري الدبوس "من .. لماذا" أقول ترقبوا حواره غدًا مع خالد الفضالة على الهواء مباشرة الساعة التاسعة مساء على قناة الراي!!

Silveroo The Sailor said...

لووووول

أنا صارلي مدة أتابع شرشحتك حق الإعلانات واللي منزلين الإعلانات

عاد اليوم من زود الوناسة والضحك ماقدر ما أحطلك تعليق أهنيك فيه على خفة طينته وطنازتك الذكية.

وسعت سدري الله يوسع سدرك

Shurouq said...

عاد آنا أحب الصقر، بس التحجيم والتأزيم كأنها من عمليات التجميل

تحجيم.. تأزيم.. تحزيم


تسلم ايدك كله مطقوق
ولاحق على تاريخك الأدبي

Abdulaziz said...

الزبدة... متى تخلص؟؟؟؟

:P

Arfana said...

مطقوق


بدعت بدعت بدعت

:-)

أنا ليلحين معجبة بشعار وليد الطبطبائي: "واللي شبكنا يخلصنا"... ده حبيبي شغغغغغغغغغغغل بالي


لووووول

bo6ali7,

اتفق معاك... يحر إن العدو غبي ومبتذل لا ويوصل المجلس

متفرغ said...

بندز عندكم بعض نوابنا الخايبين خل يتعلمون اصول الحملات الانتخابية منها هم يستفيدون و بعد احنا نوسع صدورنا بقراية اعلاناتهم في الجرايد..... وين مواضعيك الخفيفة اللي تونس ترا في جزء من الجمهور بعد عاوزها.... و يعطيك العافية :)

Zaydoun said...

بدر شيخان ما عنده شي يقوله أصلاً

Mohammad Al-Yousifi said...

السلام

المحامية
لوول يشترون اصوات مو يبيعون

ريما
الدائرة 24 مو بعيدة, القرين!

بو جويس
حكي ببلاش

مافرك
المشكلة عمي مصمم يصوتله لووول

الحر
انشاءالله مايكون رهانهم ناجح

صوت الكويت
والله انا اللي مليت من هالتصوير و التعليق, من زمان مو كاتب

نوعك
اي عشان جذي حاط اعلان ضعيف عالجنب , من الفشلة

بو صالح
عجيب الدبوس صج صج صج مادري شنو فكرته من هالشعار , جد سخيف عباله دعاية مرهم ضد تساقط الشعر على قناة فلاش تي في

فيزو
مرزوق الله يوفقه , صراحة عالفلوس اللي قاطها يستاهل يفوز

ريوق, غدا , عشا, شيشة , شوارما, كاس العالم و لو مل الحيا جان مو بعيدة حط مساج صيني

يستاهل

سيلفر
هذي مداعبة مو شرشحة لا تزلقين لنا واير مع النواب, نحتاجهم بالمستقبل

شروق
أنا مو ضد الصقر على فكرة بالعكس انا لو بالشامية جان صوتله

و هذي نقطة مهمة , مو معنى اني أتطنز على أحد يعني انا ضده , بالعكس اتطنز بحكم الميانة:)

موجلي
البلوج لك لمدة يومين

أرفانه
أشكرك

متفرغ
عقب الانتخابات انشاءالله

زورطوس
طلال؟

زيدون
بس خدوم, خدماته للمنطقة تحجي بداله

لول

Anonymous said...

يبه الأربش اعرفه نازل حق الإجازه ام شهر يبي ينام ويروح وسافر الى مشهد ويسافر ، والعايلة تأذت من التلفونات وقالوا ماكو الإ نزل اعلان ، اهومسافر وحنا سكرتاريتة صرنا وشكرا