Tuesday, June 13, 2006

الله لا يوفقك يا جمال


كوني أحد سكان منطقة الجابرية منذ عشرين عاما فقد قررت التعاون مع الأخت شروق و بعض الأصدقاء في توزيع منشور يحث الناخبين على عدم بيع أصواتهم و انتخاب المرشح الأفضل. احتوى المنشور أيضا على أسئلة شرعية حول بيع الأصوات و اجابات الدكتور محمد الطبطبائي عميد كلية الشريعة عليها, و أيضا اجابات السيد علي السيستاني على أسئلة مشابهة حول نفس الموضوع

و بما ان النائب السابق جمال العمر هو أكثر من تدور حوله اشاعات شراء الأصوات و رشوى الناخبين بطرق و وسائل مختلفة فقد قررنا الذهاب الى مقره و توزيع المنشور على الحضور

و عند المقر اتفقنا على الانقسام و توزيع المنشور على السيارات و المارة و فضلت عدم الاقتراب من المقر حرصا على عدم الاحتكاك و افتعال المشاكل

و فعلا كانت العملية ناجحة فقد كانت ردة فعل معظم الناس تشجيعية

أنت من وياه؟

أنا مع الكويت , مو مع أحد

شنو فيه هذا؟

هذا ضد شراء الأصوات

يعطيك العافية

و من هالكلام الطيب

المهم

بعد تغطية عدد لا بأس به من السيارات و استعدادي للعودة أشوف السيارات ما عليها المنشور؟

ها, توني حاطه , أمداه يطير؟

أشوف عدل و الا شخص مدلقم كان يلحقني و يشيل المناشير من على السيارات, توجهت له و قلت له, يالطيب, شقاعد تسوي؟

المدلقم: انت شقاعد تسوي؟

كله مطقوق: انا أوزع منشور ضد شراء الأصوات
المدلقم: روح وزّع مكان ثاني مو هني
كله مطقوق: ليش ياخوي؟ هالمنشور قاعدين نوزعه كل مكان, عند الفضالة و عند نوال البدر
المدلقم: مو هني مو هني مو هني وزع مكان ثاني
كله مطقوق: انت عندك أوامر تشيلهم؟
المدلقم: اييه عندي اوامر
كله مطقوق: أوكيه كيفك

طبعا انا هني قررت الذهاب الى الطريق العام و توزيع ما تبقى لي من منشورات على ركاب السيارات

هذه كانت تجربتي البسيطة و للحصول على معلومات خطيرة و مثيرة ابحثوا عن تجربة شروق

و الله لا يوفقك يالمدلقم و يا جمال العمر
________________________________________________
المنشور
شروق

11 comments:

lawyer said...

انا صار معاي الاتي

ياني هالمدلقم وقالي ...
هي هي هي انتي شالي اتحطينه؟؟

انا بكل برود : اخونا جمال العمر كاتب في بوستراته المهم الكويت ..فأنا و ربعي يينا عند مقر كل واحد وطني تهمه مصلحه الكويت ...مثل جمال العمر عشان اوزع هالنشورات

وبدال ما تقولي شنو هذا تعال وزع ويااي
مو انت كويتي و تهمك مصلحه الكويت مثل جمال العمر!!! بابتسامه خبيثه

قالي ..: اقول هي انتي ترا عطلتي الشارع و نزرني

رديت عليه: صج الي على راسه البطحه يحسس عليها

مدري على شنو كويتين



ما ودي اقولكم حوار اخر مع وحده لان عجيييييييييييب
و انا في قمه اندماجي لشرح فحوى هذا المنشوور

تقولي العيوز وويييييي انتي ضد وليدنا؟؟؟


قلت لها لا خالتي انا ويا الكويت

lawyer said...

مطقووق

على طاري الهوشه و النحشه انا قبل لا اطلع قلت حق اهلي

اذا تاخرت لي الساعه 11 سألو عني بالمخفر

ترا مو حلوه عقب هالعمر مزفووفين بالشواارع
ههههههههههههه

Arfana said...

ma6goog, lawyer, shorouq, and all the others


ble55 you
ble55 you
ble55 you
ble55 you
ble55 you

ya3teekom el 3afya :-)

KuwaitVoice said...
This comment has been removed by a blog administrator.
KuwaitVoice said...

والله ألف ألف ألف مره يعطيكم العافيه على هذا العمل والمجهود الرائع والوطني .. وانا انبطت جبدي من هالمدلقم أكثرر منكم .. جان سوويتوله كمين ، واحد فيكم يتهاوش معاه وياخذه بعيد ، عاد الباجي يشوفون شغلهم ، ذكرتوني بحلقه للنمر الوردي لما يحط ورد ويي هذا اللي كله ضده لووووووول ويشيلهم وحده وحده :P

lawyer ... اناابي هالحور العجيب:)
والله هالجمال هذا مادري من وين طلعلنا

ومره ثانيه قواكم الله على هالخطوه الناجحه

Jandeef said...

Gawaakum allah

bo9ali7 said...

الله يعطيكم العافيه..بهكذا شباب شابات نفتخر ونرقى بالكويت..مشكورين وايد
بس تكفون ديروا بالكم..اللي يبيع الكويت ممكن يسوي اي شي

lawyer said...

احم احم مطقوق انا قمت اتغاازل اهني

ههههههههههههه ترا الكلمه الحلوه تسمى سب و قذف في القانون يعني لو تقول حور ترووح المخفر تدفع 120 دينار

ههههههههههههههه

مجرد غشمره مو تزعل

iDip said...

كفو يا بوسلمى :)

Temetwir said...
This comment has been removed by a blog administrator.
Q8+ said...

I'd like to say:
kithr iddos iyfich ill7aam

barak allah feekom....keep it up